కేవలం పాటలు, గ్లామర్ కోసమే అనుష్కని రాజమౌళి ఓ చిత్రానికి ఎంపిక చేశారట. ఆ విషయాన్ని అనుష్క శెట్టి స్వయంగా పేర్కొంది. బాహుబలి ది టార్చ్ బేరర్ డాక్యుమెంటరీ లో ఈ విషయాలు అనుష్క రివీల్ చేసింది.
బాహుబలి 2 విడుదలై దాదాపు 9 ఏళ్ళు అవుతోంది. ఇండియన్ సినిమా మొత్తం ఉలిక్కి పడేలా బాహుబలి 2 కలెక్షన్ల ప్రభంజనం సృష్టించింది. పాన్ ఇండియా స్థాయిలో తెలుగు సినిమాలు సత్తా చాటడం బాహుబలితోనే మొదలైంది. నిత్యం బాహుబలికి సంబంధించిన విషయాలు ఏదో విధంగా వార్తల్లో ఉంటాయి. ఆ మధ్యన బాహుబలి 2 భాగాలని కలిపి బాహుబలి ఎపిక్ గా రిలీజ్ చేశారు.
25
బాహుబలిపై డాక్యుమెంటరీ
తాజాగా బాహుబలి వెనుక దాగున్న నటీనటులు, దర్శకుడు, నిర్మాణ సంస్థ, మేకింగ్ కష్టాలని డాక్యుమెంటరీ రూపంలో నెట్ ఫ్లిక్స్ ఆడియన్స్ ముందుకు తీసుకువచ్చింది. దీనికి సంబంధించిన విశేషాలు సోషల్ మీడియాలో వైరల్ అవుతున్నాయి. బాహుబలి ది టార్చ్ బేరర్ పేరుతో ఈ డాక్యుమెంటరీ స్ట్రీమింగ్ అవుతోంది.
35
కంప్లీట్ గా మారిపోయిన అనుష్క శెట్టి
అనుష్క చాలా రోజుల తర్వాత ఈ డాక్యుమెంటరీ కోసం కెమెరా ముందుకు వచ్చింది. ఆమె లుక్ కంప్లీట్ గా మారిపోయింది అనే చెప్పాలి. రాజమౌళి గురించి అనుష్క చెప్పిన విషయాలు సోషల్ మీడియాలో వైరల్ అవుతున్నాయి. మొదటి సారి రాజమౌళి దర్శకత్వంలో విక్రమార్కుడు మూవీలో నటించాను. ఈ సినిమాలో ఛాన్స్ వచ్చినప్పుడు రాజమౌళి నాకు స్ట్రైట్ గా ఓ విషయం చెప్పారు.
నా మూవీలో హీరోయిన్లకు అంతగా ప్రాధాన్యం ఉండదు. విక్రమార్కుడు మూవీలో కూడా అంతే. గ్లామరస్ గా కనిపించాలి, సాంగ్స్ ఉంటాయి అంతే అని చెప్పారు. అప్పుడు నేను విక్రమార్కుడు చేశాను. బాహుబలిలో కూడా ఛాన్స్ వచ్చింది. ఆల్రెడీ రాజమౌళి గురించి తెలుసు కాబట్టి ఇందులో కూడా మంచి రోల్ ఉంటుంది అని నేను ఆశించలేదు.
55
ఫస్ట్ డేనే రమ్యకృష్ణతో షూటింగ్
కానీ దేవసేన పాత్ర గురించి చెబుతున్నప్పుడు అది జస్ట్ పాత్ర కాదు అదొక ప్రపంచం అని భావించినట్లు అనుష్క పేర్కొంది. తొలి రోజు సెట్ లో ఎదురైనా అనుభవాన్ని కూడా అనుష్క వివరించింది. ఫస్ట్ డేనే నాకు రమ్యకృష్ణ గారితో సీన్లు పెట్టారు. ఆమె ఎలాంటి నటి అనేది అందరికీ తెలుసు. దీనితో కాస్త టెన్షన్ పడ్డాను అని అనుష్క పేర్కొంది.
