ప్రభాస్ తో నటించిన చిత్రాల్లో అనుష్కకి ఇష్టమైన మూవీ ఇదే.. బాహుబలి అయితే కాదు, ఎందుకంటే 

యంగ్ రెబల్ స్టార్ ప్రభాస్, అనుష్క శెట్టి జంటగా కనిపిస్తే ఆడియన్స్ లో ఉండే క్రేజే వేరు. ప్రభాస్ కి అనుష్క లక్కీ హీరోయిన్ అంటూ ఫ్యాన్స్ కూడా ప్రశంసలు కురిపిస్తుంటారు. ప్రభాస్, అనుష్క జోడీపై ఎంతలా రూమర్స్ వచ్చాయో ప్రత్యేకంగా చెప్పనవసరం లేదు. దీనికి కారణం ఆయా జంటకి ఉన్న క్రేజే. 

ప్రభాస్, అనుష్క లవ్ లో ఉన్నారంటూ.. పెళ్లి కూడా చేసుకోబోతున్నారు అంటూ చాలా కాలం పాటు రూమర్స్ వినిపించాయి. అయితే అవన్నీ అవాస్తవాలే అని తేలిపోయింది. వీళ్లిద్దరి మధ్య రియల్ లైఫ్ లో మంచి ఫ్రెండ్ షిప్ ఉంది. ప్రభాస్ తో ఎన్ని చిత్రాలు చేసేందుకు అయినా తాను సిద్ధం అంటూ అనుష్క గతంలో తెలిపింది. 

ప్రభాస్ అనుష్క నటించిన చిత్రాలు అంటే ముందుగా గుర్తుకు వచ్చేది బాహుబలి చిత్రమే. తెలుగు సినిమాని ప్రపంచ స్థాయిలో నిలబెట్టిన చిత్రం అది. అయితే ప్రభాస్ తో నటించిన చిత్రాల్లో అనుష్కకి బాగా ఇష్టమైన చిత్రం బాహుబలి కాదట. ఈ విషయాన్ని అనుష్క ఓ ఇంటర్వ్యూలో తెలిపింది. అలాగని మిర్చి కూడా కాదు. 

మెహర్ రమేష్ దర్శకత్వంలో తెరకెక్కిన బిల్లా చిత్రం అంటే అనుష్క కి చాలా ఇష్టం అట. ఆ మూవీలో తన స్క్రీన్ స్పేస్ ఎక్కువగా ఉండడంతో పాటు అన్ని ఎమోషన్స్ ఉంటాయని అనుష్క తెలిపింది. మిర్చిలో తనని పల్లెటూరి అమ్మాయి పాత్ర. 

ఇక బాహుబలిలో రెండు భాగాల్లో సీరియస్ గా ఉండే రోల్. కానీ బిల్లా చిత్రంలో తన పాత్రలో చాలా వేరియేషన్స్ ఉంటాయని అనుష్క తెలిపింది. గ్లామర్, కామెడీ, స్టైలిష్ యాటిట్యూడ్, ఎమోషనల్ మూమెంట్స్, యాక్షన్ ఇలా అన్ని అంశాలు ఉంటాయని ఉంటాయని అందుకే బిల్లా తనకి స్పెషల్ మూవీ అని అనుష్క తెలిపింది. 

బాహుబలి తర్వాత అనుష్క సినిమాల వేగం బాగా తగ్గించింది. అనుష్క చివరగా నవీన్ పోలిశెట్టికి జోడిగా మిస్ శెట్టి మిస్టర్ పోలిశెట్టి అనే చిత్రంలో నటించింది. ఆ మూవీ సూపర్ హిట్ గా నిలిచింది. అయితే భవిష్యత్తులో మరోసారి ప్రభాస్, అనుష్క కాంబినేషన్ ఉంటుందో లేదో అనే ఆసక్తి ఆడియన్స్ లో ఉంది.