రామ్ చరణ్, జాన్వీ కపూర్ ఆర్సీ 16లో జతకడుతున్న విషయం తెలిసిందే. అయితే చెల్లితో ఎలా రొమాన్స్ చేస్తామంటూ రామ్ చరణ్ ని ఆడేసుకుంటున్నాడు నెటిజెన్స్. మరి ఆ లాజిక్ ఏమిటో చూద్దాం...
రామ్ చరణ్ గేమ్ ఛేంజర్ మూవీ పూర్తి చేసే పనిలో బిజీగా ఉన్నారు. నత్తనడకన సాగుతున్న గేమ్ ఛేంజర్ ఇటీవల ఊపందుకుంది. వైజాగ్ లో కొన్ని కీలక సన్నివేశాలు చిత్రీకరించారు. దర్శకుడు శంకర్ పొలిటికల్ థ్రిల్లర్ గా గేమ్ ఛేంజర్ రూపొందిస్తున్నాడు. కియారా అద్వానీ హీరోయిన్ గా నటిస్తుంది.
గేమ్ ఛేంజర్ సెట్స్ పై ఉండగానే రామ్ చరణ్ తన 16వ చిత్రం లాంచ్ చేశాడు. హైదరాబాద్ లో ఆర్సీ 16 లాంచింగ్ ఈవెంట్ ఘనంగా జరిగింది. చిరంజీవితో పాటు బోనీ కపూర్, దర్శకుడు శంకర్ ముఖ్య అతిథులుగా హాజరయ్యారు. దర్శకుడు బుచ్చిబాబు సాన తెరకెక్కిస్తున్న ఆర్సీ 16 మూవీలో జాన్వీ కపూర్ హీరోయిన్ గా నటిస్తున్న విషయం తెలిసిందే.
వచ్చే పార్లమెంట్‌ ఎన్నికల్లో ఏ పార్టీ గెలుస్తుందని భావిస్తున్నారు. మీ అభిప్రాయం తెలపండి?
అయితే ఈ కాంబినేషన్ పై కొందరు పెదవి విరుస్తున్నారు. జాన్వీ కపూర్ నీకు చెల్లి అవుతుంది. ఆమెతో ఎలా రొమాన్స్ చేస్తామంటూ ట్రోల్ చేస్తున్నారు. జాన్వీ కపూర్ రామ్ చరణ్ కి చెల్లి కావడం ఏమిటంటే... దానికి ఓ లాజిక్ ఉందట.
జాన్వీ కపూర్ తల్లి శ్రీదేవితో చిరంజీవి జతకట్టారు. శ్రీదేవి-చిరంజీవి జగదేకవీరుడు అతిలోక సుందరి, ఎస్పీ పరశురామ్ చిత్రాల్లో జంటగా నటించారు. 1990లో విడుదలైన జగదేకవీరుడు అతిలోక సుందరి ఇండస్ట్రీ హిట్ గా ఉంది. అనంతరం శ్రీదేవి బాలీవుడ్ కి వెళ్లిపోవడంతో వీరి కాంబోలో పెద్దగా సినిమాలు రాలేదు.
చిరంజీవి-శ్రీదేవి జంటగా నటించిన నేపథ్యంలో వారి పిల్లలు రామ్ చరణ్, జాన్వీ కపూర్ వరుసకు బ్రదర్ అండ్ సిస్టర్ అవుతారట. ఆ లాజిక్ ప్రకారం రామ్ చరణ్ కి జాన్వీ చెల్లి అవుతుంది. కాబట్టి చెల్లితో రొమాన్స్ చేయడం ఏమిటని అంటున్నారు. అయితే సినిమాల్లో ఇవన్నీ కామన్.
సీనియర్ ఎన్టీఆర్ కి మనవరాలిగా నటించిన శ్రీదేవి పెద్దయ్యాక ఆయన పక్కన హీరోయిన్ గా నటించింది. పలు బ్లాక్ బస్టర్స్ ఇచ్చింది. అలాగే అక్కినేని నాగేశ్వరావు-శ్రీదేవి కాంబోలో పదుల సంఖ్యలో చిత్రాలు తెరకెక్కాయి. ఏఎన్నార్-శ్రీదేవి రొమాన్స్ చేశారు. ఏఎన్నార్ కుమారుడైన నాగార్జున మరలా శ్రీదేవితో జతకట్టాడు. ఆ లెక్కన నాగార్జున తల్లితో రొమాన్స్ చేశాడు అనుకోవాలి...
కాబట్టి జాన్వీ కపూర్ ని రామ్ చరణ్ చెల్లి అనుకోవడానికి వీల్లేదు. ఇదంతా పార్ట్ ఆఫ్ ది సినిమా. చిత్ర పరిశ్రమలో ఇలాంటి విచిత్రమైన కాంబోలు ఎన్నో తెరపైకి వస్తాయి. వాటిని వరుసలతో చూడకూడని కొందరి వాదన...