`మిర్చి` సినిమాలో ప్రభాస్‌ని అనుష్క ఎత్తుకునే సీన్‌ ఉంటుంది. అందులో నిజంగానే డార్లింగ్‌ని స్వీటి ఎత్తుకుందట. ప్రభాస్‌ ఈ విషయం చెప్పి షాకిచ్చాడు. దానికి ఓ ట్రిక్‌ ఉందట.
ప్రభాస్‌, అనుష్క కలిసి మూడు సినిమాలు చేశారు. `బిల్లా`, `మిర్చి`, `బాహుబలి`లతో హాట్రిక్‌ హిట్‌ కొట్టారు. టాలీవుడ్‌లో ఈ జోడికి మంచి క్రేజ్‌ ఉంది. ఇద్దరి మధ్య మంచి కెమిస్ట్రీ వర్కౌట్‌ అవుతుంది. అంతేకాదు ఇద్దరు ప్రేమించుకున్నారని, డేటింగ్‌లో ఉన్నారనే పుకార్లు వచ్చాయి. దీనికితోడు పెళ్లి చేసుకోబోతున్నారనే వార్తలు గుప్పుమన్నాయి. ఇప్పటికీ వస్తూనే ఉన్నాయి. అంతగా ఈ ఇద్దరి జోడీ వెండితెరపై మ్యాజిక్‌ చేయడం విశేషం.
ఇదిలా ఉంటే ఈ ఇద్దరు కలిసి `మిర్చి`లో జోడీ కట్టిన విషయం తెలిసిందే. కొరటాల శివ దర్శకత్వంలో ఈ మూవీ తెరకెక్కింది. పెద్ద హిట్‌ అయ్యింది. ఇందులో ప్రభాస్‌కి మరదలి పాత్రలో అనుష్క నటించింది. విదేశాల నుంచి వచ్చిన ప్రభాస్‌కి అన్ని తానై చూసుకునే సీన్లు ఉంటాయి. అందులో భాగంగా ఇద్దరు కలిసి బయటకు వెళ్తారు. అక్కడ మామిడి కాయలు కోయాల్సి ఉంటుంది. అవి అందవు. అనుష్కని ఎత్తుకునేందుకు వెనకడుగు వేస్తాడు ప్రభాస్‌.
దీంతో అనుష్కనే ధైర్యం చేస్తుంది. ప్రభాస్‌ని ఎత్తుకుంటుంది. ఆ సీన్‌ మూవీలో అదిరిపోతుంది. దానికి ఆడియెన్స్ రెస్పాన్స్ అదిరిపోయింది. ప్రభాస్‌ అంటే భారీ కటౌట్‌. అనుష్క కూడా హైట్‌గానే ఉంటుంది, కానీ ప్రభాస్‌ని ఎత్తడమంటే మామూలు విషయం కాదు. దానికి ఏదో డూప్‌ పెట్టి, లేదంటే డ్రోప్‌ల సహాయంతో చేసి ఉంటారని అంతా భావించారు. కానీ పెద్ద షాకిచ్చాడు ప్రభాస్‌. అది నిజంగానే చేశారట.
`మిర్చి` టీమ్‌ ఇంటర్వ్యూలో ప్రభాస్‌ ఈ విషయాన్ని వెల్లడించారు. తాజాగా ఆ వీడియో క్లిప్‌ ఇప్పుడు ట్రెండింగ్‌లోకి వచ్చింది. ఆ సీన్‌ మ్యాజిక్‌ గురించి చెప్పాలని యాంకర్‌ అడిగింది. దీనికి స్పందిస్తూ నిజంగానే అనుష్కని తనని ఎత్తుకుందని తెలిపాడు. అయితే ముందు ఈ ఐడియా చెప్పినప్పుడు కొత్తగా ఉందనిపించిందట. అందరు హీరోయిన్లని ఎత్తుతుంటారు. అది రొటీన్‌, ఇదేదో బాగుందనిపించిందట. దీంతో ప్రభాస్‌ని అనుష్క నిజంగానే ఎత్తుకుందట.
అయితే ఇందులో చిన్న ట్రిక్‌ని ఉపయోగించారట. ఆ విషయాన్ని ప్రభాస్‌ తెలిపారు. ఫస్ట్ చిన్న కుర్చీ వేశారట. దానిపై తాను నిల్చున్నాడట. దీంతో అనుష్కని తనని అలా గట్టిగా పట్టుకుందట. వెంటనే ఆ కుర్చీతీసేశారు. ఆ గ్యాప్‌లో షూట్‌ చేశారు. అలా కాసేపు ఎత్తకుని అనుష్క మ్యానేజ్‌ చేసిందని, కానీ అది పెద్ద రిస్కే, హైట్‌ ఉన్నవాళ్లు అలా ఎత్తడం సేఫ్‌ కాదు, కానీ అనుష్క కష్టపడిందని ఆమెపై ప్రశంసలు కురిపించారు ప్రభాస్‌.
ప్రభాస్‌, అనుష్క ఇప్పటికీ పెళ్లి చేసుకోలేదు. అనుష్కకి నలభైఏళ్లు దాటాయి. ప్రభాస్‌కి యాభై ఏళ్లకి దగ్గరలో ఉన్నాడు. ఇలా సగం ఏజ్‌ దాటిపోయింది. అయినా పెళ్లి చేసుకోవడం లేదు. అందుకే ఈ ఇద్దరి మధ్య ఎప్పుడూ పెళ్లి రూమర్స్ వస్తూనే ఉన్నాయి. మరి పెళ్లి చేసుకుంటారా? లేక ఒంటరిగానే ఉండిపోతారా? అనేది చూడాలి. కానీ అభిమానులు మాత్రం ఈ ఇద్దరు పెళ్లి చేసుకోవాలని కోరుకుంటుండటం విశేషం.
ప్రభాస్‌ ప్రస్తుతం నాగ్‌ అశ్విన్‌ దర్శకత్వంలో `కల్కి2898ఏడీ`లో నటిస్తున్నారు. త్వరలోనే ఈ మూవీ విడుదల కానుంది. దీంతోపాటు మారుతితో చేస్తున్న `ది రాజాసాబ్‌` మూవీ చిత్రీకరణ జరుగుతుంది. సందీప్‌ రెడ్డి వంగాతో `స్పిరిట్‌`, హనురాఘవపూడితో ఓ సినిమా, `సలార్‌ 2`లు చేయాల్సి ఉంది.
అనుష్క ఆ మధ్య అధిక బరువు కారణంగా సినిమాలకు గ్యాప్‌ ఇచ్చింది. ఇప్పుడు మళ్లీ జోరు పెంచుతుంది. తెలుగులో క్రిష్‌ దర్శకత్వంలో `ఘాటి` మూవీ చేస్తుంది. అలాగే మలయాళంలో ఓ మూవీలో నటిస్తుంది. ఈ రెండు చిత్రీకరణ దశలో ఉన్నాయి.