Guppedantha Manasu: మహేంద్ర మాటలకు షాకైన ఏంజెల్, విశ్వనాథం.. తల్లి కోసం తపన పడుతున్న రిషి?

Guppedantha Manasu: స్టార్ మా లో ప్రసారమవుతున్న గుప్పెడంత మనసు సీరియల్ మంచి రేటింగ్ ని సంపాదించుకుంటూ టాప్ సీరియల్స్ కి గట్టి పోటీని ఇస్తుంది. తల్లి విలువ తెలుసుకోలేకపోయానని బాధపడుతున్న ఒక కొడుకు కథ ఈ సీరియల్. ఇక ఈరోజు ఆగస్టు 3 ఎపిసోడ్ లో ఏం జరిగిందో చూద్దాం.  

 ఎపిసోడ్ ప్రారంభంలో మగత నుంచి మెలకువ వచ్చిన రిషి వసుధార ఇంట్లో ఉన్నామని తెలుసుకొని ఆవేశపడతాడు. ఇక్కడికి ఎందుకు తీసుకువచ్చారు అంటూ తండ్రి మీద కోప్పడతాడు. ఇక్కడైతే నువ్వు క్షేమంగా ఉంటావు అనిపించింది అందుకే ఇక్కడ తీసుకువచ్చాను అయినా ప్రమాదం నుంచి నిన్ను కాపాడింది పసుధారే అంటాడు మహేంద్ర. కాపాడినట్లు కాపాడి చేరదీసి  మళ్ళీ నా దగ్గరికి రావడానికి ప్రయత్నిస్తున్నట్లు ఉంది. అలా ఎప్పటికీ జరగనివ్వను అంటాడు రిషి.

సందర్భంగా దొరికిందని దారులు తప్పే మనిషిని కాదు నేను. విశ్వనాథం గారికి తెలిస్తే భయపడతారోనని ఇక్కడికి తీసుకొని వచ్చాము అంతేగాని మరే ఉద్దేశమూ లేదు అంటుంది వసుధార. అదంతా నాకు అనవసరం నేను వెళ్తున్నాను మీరు నాతో వస్తున్నారా లేదా అని మహేంద్ర ని అడుగుతాడు. మీ అమ్మాయికి నా కృతజ్ఞతలు చెప్పండి అని చక్రపాణికి చెప్పి అక్కడి నుంచి వెళ్ళిపోతాడు రిషి. అతనిని ఫాలో అవుతాడు మహేంద్ర.

అదే సమయంలో రిషి ఇంకా రాలేదని ఏకంగారుపడుతూ ఉంటారు విశ్వనాథం వాళ్ళు. ఇంతలో రిషితో పాటు మహేంద్ర కూడా రావడంతో షాక్ అవుతారు. ఏం జరిగింది అనే కంగారుగా అడుగుతాడు విశ్వనాథం. రిషి మీద ఎటాక్ జరిగింది అంటాడు మహేంద్ర. ఒకసారి గా షాక్ అవుతారు ఏంజెల్ విశ్వనాథం. దానిమీద ఎవరి అటాచ్ చేస్తారు అతను ఎవరికి ఏ ద్రోహం చేయడు కదా అంటాడు విశ్వనాథం. ఈ రోజుల్లో మంచి వాళ్ళకి శత్రువులు ఎక్కువ కదా సార్ అంటాడు మహేంద్ర. నాకు తెలిసి నీ గతమే నిన్ను వెంటాడుతున్నట్లుగా ఉంది.

 ఆరోజు నీ మీద అటాక్ చేసింది కూడా వాళ్లే అయి ఉంటారు అంటుంది ఏంజెల్. అవునమ్మా మన మీ ఇంట్లో కూడా అటాక్ జరిగింది కదా అంటాడు మహేంద్ర. మళ్లీ షాక్ అవుతారు ఏంజెల్ వాళ్ళు. మా ఇంట్లో ఎప్పుడు ఎటాక్ జరిగింది అని అడుగుతాడు విశ్వనాథం. అప్పుడు జరిగిందంతా చెప్తాడు మహేంద్ర. నాకెందుకు చెప్పలేదు నేను సెక్యూరిటీ పెంచే వాడిని కదా అంటాడు విశ్వనాథం. అదేమీ వద్దు సార్ అంటాడు రిషి. రిషి గతం గురించి అడిగితే చెప్పడం లేదు మీకు తెలిసే ఉంటుంది చెప్పండి అని మహేంద్ర ని అడుగుతుంది ఏంజెల్.

 ఇప్పుడు అవన్నీ ఎందుకు అని మాట దాటవేస్తాడు  మహేంద్ర. చెప్పాలనుకున్న విషయమైతే రిషి ఏ చెప్తాడు కదా అలాంటప్పుడు మహేంద్ర సార్ మాత్రం ఎలా చెప్తారు అని మనవరాల్ని మందలిస్తాడు విశ్వనాథం. రిషి వాళ్ళని వెళ్లి రెస్ట్ తీసుకోమంటాడు విశ్వనాథం. రిషి, మహేంద్ర కూడా వాళ్ళ రూమ్ కి వెళ్ళిపోతారు. గదిలోకి వెళ్ళిన తర్వాత తండ్రి ఒడిలో తల పెట్టుకొని బాగా ఎమోషనల్ అవుతాడు రిషి. మన జీవితాలు ఎందుకు ఇలా అయిపోయాయి. చాలా రోజుల వరకు నాకు అమ్మ విలువ తెలియలేదు.

 తెలిసిన తర్వాత అమ్మ ఒడిలో పడుకొని కబుర్లు చెప్పుకోవాలి అనుకున్నాను కానీ ఆ గురు శిష్యులు ఇద్దరు నామీద నింద వేసేసరికి భరించలేకపోయాను. వాళ్లని ఒక్కొక్క మాట అంటుంటే వాళ్ళ కన్నా ఎక్కువగా నేను బాధపడ్డాను అంటాడు రిషి. పెద్దమ్మ పెదనాన్న అన్నయ్య అందరూ నన్ను ఎంత బాగా చూసుకునేవారు. ఆ రోజులు మళ్ళీ వస్తాయా అంటూ బాధపడతాడు.

ఇప్పుడు నువ్వున్న పరిస్థితికి నీ అన్న, పెద్దమ్మ కారణం. ఆ విషయం నీకు చెప్తే తట్టుకోలేవు అందుకే చెప్పలేకపోతున్నాను అని బాధపడతాడు మహేంద్ర. మళ్లీ అందరం కలిసే రోజు వస్తుంది. వచ్చేలాగా నేను చేస్తాను అని మనసులో అనుకుంటాడు. మరోవైపు రిషి ఎలా ఉన్నాడు అని కంగారు పడుతూ ఉంటుంది వసుధార.  దూరం నుంచి చూస్తావా.. నేను తోడొస్తాను అంటాడు చక్రపాణి. అలా బాగోదు నాన్న.

 పొరపాటున రిషి సార్ నన్ను చూస్తే మరింత అసహ్యించుకుంటారు అని చెప్పి మహేంద్ర కి ఫోన్ చేసి రిషి గురించి వివరాలు కనుక్కుంటుంది. రిషి ఇప్పుడే పడుకున్నాడు నీ గురించి జగతి గురించి ఆలోచించి, ఆలోచించి అలసిపోయి పడుకున్నాడు అని చెప్తాడు మహేంద్ర. తరువాత ఏం జరిగిందో రేపటి ఎపిసోడ్ లో చూద్దాం.