వకీల్ సాబ్, శాకుంతలం, తంత్ర లాంటి చిత్రాలతో యంగ్ బ్యూటీ అనన్య నాగళ్ళ నటిగా మంచి గుర్తింపు సొంతం చేసుకుంది. ఇప్పుడిప్పుడే అనన్య నాగళ్ళకి ప్రధాన పాత్రల్లో అవకాశాలు వస్తున్నాయి. అనన్య నాగళ్ళ నటించిన లేటెస్ట్ మూవీ పొట్టెల్.
వకీల్ సాబ్, శాకుంతలం, తంత్ర లాంటి చిత్రాలతో యంగ్ బ్యూటీ అనన్య నాగళ్ళ నటిగా మంచి గుర్తింపు సొంతం చేసుకుంది. ఇప్పుడిప్పుడే అనన్య నాగళ్ళకి ప్రధాన పాత్రల్లో అవకాశాలు వస్తున్నాయి. అనన్య నాగళ్ళ నటించిన లేటెస్ట్ మూవీ పొట్టెల్. అక్టోబర్ 25న ఈ చిత్రం రిలీజ్ కి రెడీ అవుతోంది. దీనితో అనన్య నాగళ్ళ ప్రచార కార్యక్రమాల్లో బిజీగా గడుపుతోంది.
తాజాగా మీడియా సమావేశంలో పాల్గొన్న అనన్యకి మీడియా ప్రతినిధి నుంచి వివాదాస్పద ప్రశ్న ఎదురైంది. కాస్టింగ్ కౌచ్ గురించి ప్రశ్నించడం సాధారణమే కానీ.. సదరు మీడియా ప్రతినిధి అడిగిన విధానం వివాదం అవుతోంది. హీరోయిన్లకు అవకాశం ఇచ్చేటప్పుడు మొదట కమిట్మెంట్ అడుగుతారు. ఇతర ఇండస్ట్రీలో ఎక్కడా ఇలాంటివి జరగవు. దీని గురించి ఏం చెబుతారు అని మహిళా మీడియా ప్రతినిధి ప్రశ్నించారు.
అసలు కమిట్మెంట్ అడుగుతారు అని అంత కచ్చితంగా మీరు ఎలా చెబుతున్నారు అని అనన్య ప్రశ్నించింది. దీనితో మీడియా ప్రతినిధి ఆఫ్ ది రికార్డ్ అందరూ అనుకుంటున్నారు అని తెలిపింది. దీనిని అనన్య తీవ్రంగా ఖండించింది. అలాంటివి ఉండవు. నాకు కూడా ఎదురుకాలేదు. ప్రతి చోటా కొంత నెగిటివిటి ఉంటుంది దానినే ఎందుకు చూస్తున్నారు అని అనన్య ప్రశ్నించింది.
ఆఫర్ ఇచ్చే ముందే కమిట్ మెంట్ ఉంటుంది అని అనడం బుల్ షిట్ అంటూ అనన్య స్ట్రాంగ్ కౌంటర్ ఇచ్చింది. కమిట్ మెంట్ కి ఒప్పుకుంటే ఒక రెమ్యునరేషన్ ఒప్పుకోకపోతే తక్కువ రెమ్యునరేషన్ ఇచ్చే పద్ధతి కూడా టాలీవుడ్ ఉంది అనే ప్రశ్నని కూడా అనన్య ఖండించింది.