Amitabh Bachchan: అమితాబ్న టించిన 'నసీబ్' సినిమా విడుదలై 45 ఏళ్లు పూర్తయింది. ఈ మల్టీస్టారర్ సినిమా 1981 మే 1న థియేటర్లలోకి వచ్చింది. బాక్సాఫీస్ వద్ద బ్లాక్బస్టర్ హిట్గా నిలిచింది. ఇందులో దాదాపు 26 మంది స్టార్లు నటించారు.
'నసీబ్' సినిమాలో దాదాపు 14 మంది స్టార్లు అతిథి పాత్రల్లో కనిపించారు. అమితాబ్ బచ్చన్పై చిత్రీకరించిన 'జాన్ జానీ జనార్దన్' పాటలో వీళ్లంతా సందడి చేశారు. రాజ్ కపూర్, షమ్మీ కపూర్, రణధీర్ కపూర్, ధర్మేంద్ర, రాజేష్ ఖన్నా, రాకేష్ రోషన్, విజయ్ అరోరా, వహీదా రెహమాన్, షర్మిలా ఠాగూర్, మాలా సిన్హా, బిందు, సిమి గరేవాల్, సింపుల్ కపాడియా, ప్రేమ నారాయణ్ ఈ పాటలో కనిపించారు. వీరిలో ఆరుగురు స్టార్లు ఇప్పుడు మన మధ్య లేరు.
25
అమితాబ్, శత్రుఘ్న సిన్హా చివరి మూవీ
నిజానికి, మన్మోహన్ దేశాయ్ 'అమర్ అక్బర్ ఆంటోనీ' త్రయాన్ని 'నసీబ్'లోనూ రిపీట్ చేయాలనుకున్నారు. అమితాబ్ బచ్చన్, రిషి కపూర్ ఓకే చెప్పారు. కానీ, వినోద్ ఖన్నాతో కుదరలేదు. ఎందుకంటే, అప్పటికే ఆయన సినిమాలకు బ్రేక్ ఇవ్వాలని నిర్ణయించుకున్నారు. దీంతో, దేశాయ్ ఆయన స్థానంలో శత్రుఘ్న సిన్హాను తీసుకున్నారు. అమితాబ్-శత్రుఘ్న కలిసి నటించిన చివరి సినిమా 'నసీబ్' కావడం విశేషం.
35
అమితాబ్ నసీబ్ 26 మంది స్టార్స్ సందడి
దూరదర్శన్లో ట్రైలర్ ప్రసారమైన మొట్టమొదటి సినిమా 'నసీబ్' అని చాలా కొద్ది మందికి మాత్రమే తెలుసు. అంతకుముందు, రాబోయే సినిమాల ట్రైలర్లను థియేటర్లలో మాత్రమే చూపించేవారు. ఈ సినిమాలో అమితాబ్ బచ్చన్, శత్రుఘ్న సిన్హా, రిషి కపూర్, హేమ మాలిని, రీనా రాయ్, కిమ్ ప్రధాన పాత్రల్లో నటించారు. వీరితో పాటు ప్రాణ్, ప్రేమ్ చోప్రా, శక్తి కపూర్, ఖాదర్ ఖాన్, అమ్జద్ ఖాన్, అమ్రిష్ పురి, జీవన్ సహా మొత్తం 26 మంది స్టార్లు ఉన్నారు. రూ.4 కోట్ల బడ్జెట్తో తీసిన ఈ సినిమా, రూ.14.5 కోట్లు వసూలు చేసింది.
'నసీబ్' సినిమాలో రిషి కపూర్ సరసన మొదట నీతూ సింగ్ను హీరోయిన్గా తీసుకున్నారు. ఆమె ఒక సీన్ కూడా షూట్ చేశారు. కానీ, రిషితో పెళ్లి కావడంతో సినిమా నుంచి తప్పుకున్నారు. ఆమె స్థానంలో కిమ్ను తీసుకున్నారు. అలాగే, శత్రుఘ్న సిన్హాకు జోడీగా మొదట పర్వీన్ బాబీని అనుకున్నారు. కానీ, కొన్ని కారణాల వల్ల ఆమె కూడా తప్పుకోవడంతో రీనా రాయ్ ఆ పాత్రలో నటించింది.
55
7.5లక్షల ఖర్చుతో సెట్.. దుమ్మురేపిన పాట ఇదే
'నసీబ్' సినిమాలోని 'రంగ్ జమాకే జాయేంగే' పాటకు సంబంధించి ఒక ఆసక్తికరమైన విషయం ఉంది. మన్మోహన్ దేశాయ్ ఈ పాటను నిజమైన రివాల్వింగ్ రెస్టారెంట్లో షూట్ చేయాలనుకున్నారు. కానీ, అప్పట్లో ముంబైలో ఉన్న రెస్టారెంట్లు చాలా వేగంగా తిరిగేవి. దీంతో, ఆయన మేనల్లుడు డానీ దేశాయ్ రూ.7.5 లక్షల ఖర్చుతో ఒక సెట్ను నిర్మించారు. సినిమా క్లైమాక్స్ను కూడా ఇక్కడే చిత్రీకరించారు. చివరికి ఈ సెట్ను తగలబెట్టేశారు. ఇలా ఈ పాటలో బాలీవుడ్ మొత్తం మెరిసింది.
