శ్రీ తేజకు `పుష్ప2` టీమ్‌ రెండు కోట్ల సాయం.. అల్లు అర్జున్‌, సుకుమార్ ఎంతిచ్చారంటే?

శ్రీతేజకు సాయం విషయంలో విమర్శలు ఫేస్ చేస్తున్న అల్లు అర్జున్ అండ్ కో... తాజాగా భారీ సాయాన్నిప్రకటించారు. అల్లుఅరవింద్ స్వయంగా హాస్పిటల్ కు వెళ్ళి ఈ సాయానికి వారికి అందజేశారు. 

ప్రస్తుతం అల్లుఅర్జున్ వివాదం రకరకాల మలుపులు తిరుగుతోంది.  సంధ్య థియేటర్ లో జరిగిన  తొక్కిసలాట ఘటన ప్రభావం బన్నీని వదలడంలేదు. ఈ తొక్కిసలాటలో రేవతి అనేమహిళ మరణించగా.. బాలుడు శ్రీతేజ్ ప్రాణాపాయస్థితిలో ట్రీట్మెంట్ తీసుకుంటున్నాడు.

ఇక ఆ బాబుకు సబంధించిన సాయం విషయంలో  విమర్శలు ఫేస్ చేశాడు బన్ని. లాయర్లకుకోట్లు ఇస్తున్నాడు.. శ్రీతేజ ఫ్యామిలీకి ప్రకటించిన 25లక్షలు కూడా ఇ్వవలేదంటూ .. రకరకాల విమర్శలు బన్నీని వెంటాడాయి. 

ఇక వీటిన్నిటికి చెక్ పెడుతూ.. తాజాగా శ్రీతేజ కు భారీ సాయాన్ని ప్రకటించారు అల్లు అర్జున్. అంతే కాదు ఈఆ సాయాన్నివెంటనే చెక్ రూపంలో రేవతి ఫ్యామిలికి అంద చేశారు. ఈక్రమంలో హాస్పిటల్ లో ట్రీట్మెంట్ తీసుకుంటున్న శ్రీతేజను పరామర్శించారు నిర్మాత దిల్‌ రాజు, అల్లు అరవింద్, పుష్ప ప్రొడ్యుసర్‌ ఎలమంచిలి రవి. అనంతరం బాలుడు శ్రీతేజ్‌ తండ్రికి ధైర్యం చెప్పిన నిర్మాతలు.. అతడి కుటుంబానికి రూ.2 కోట్లు పరిహారం అందజేశారు. 

ఈ విషయాన్ని నిర్మాత అల్లు అరవింద్ తెలిపారు. అయితే ఈ 2 కోట్ల సాయంలో  అల్లు అర్జున్ తరపున 1 కోటి రూపాయలతో పాటు పుష్ప 2 నిర్మాతలు 50 లక్షలు, పుష్ప2 దర్శకుడు సుకుమార్ .50 లక్షలు కలిపి ఇవ్వబోతున్నారు.టాలీవుడ్ స్టార్ ప్రొడ్యూసర్ ఎఫ్‏డీసీ ఛైర్మన్ దిల్ రాజు, పుష్ప 2 నిర్మాత రవిశంకర్ తో కలిసి అల్లు అరవింద్ కిమ్స్ ఆసుపత్రికి వెళ్లారు. 

అక్కడి డాక్టర్లను అడిగి  శ్రీతేజ్ ఆరోగ్య పరిస్థితిని తెలుసుకున్నారు. శ్రీతేజ్ తండ్రి భాస్కర్ తో మాట్లాడి అతడికి ధైర్యం చెప్పారు. అనంతరం అల్లు అరవింద్ మీడియా సమావేశం నిర్వహించి వివరాలను వెల్లడించారు. శ్రీతేజ్ కుటుంబానికి రూ.2 కోట్లు సాయం చేయనున్నట్లు తెలిపారు. అయితే ఇంతకు ముందు రోజు మైత్రీ మూవీస్ కూడా శ్రీతేజకు 50 లక్షల సాయం  చేసినసంగతి తెలిసిందే. ఆ చెక్ ను కూడా వారు శ్రీతేజ తండ్రికి అందచేశారు. 

allu arjun

ఇక గత కొన్ని రోజులుగా జరిగిన పరిణామలు చూసుకుంటే.. డిసెంబర్ 5న అల్లుఅర్జున్ పుష్ప2 ప్రపంచ వ్యాప్తంగా గ్రాండ్ రిలీజ్ అయ్యింది. అంతకు ముందు రోజు అంటే డిసెంబర్ 4న జరిగిన బెనిఫిట్ షో చూడటానికి .. అల్లు అర్జున్  సంధ్య థియేటర్ కుఫ్యామిలీతో వెళ్ళారు. దాంతో భారీగా తొక్కిసలాట జరిగి రేవతి అనే మహిళ మరణించింది. అదే ఘటనలో రేవతి కుమారుడు శ్రీతేజ్ తీవ్రంగా గాయపడ్డాడు. 

దీంతో అతడిని ప్రైవేట్ హాస్పిటల్ లో చికిత్స అందిస్తున్నారు. ఇక ఈఘటనపై సీరియస్ అయిన ప్రభుత్వం  సంధ్య థియేటర్ తొక్కిసలాట ఘటనపై కేసు నమోదు చేసి.. అందులో  అల్లు అర్జున్ ను ఏ11 ముద్దాయిగా చేర్చారు. ఇప్పటికే జైలుకు వెళ్లిన బన్నీ.. మధ్యంతర బెయిల్ పై బయటకు వచ్చాడు. ఈ క్రమంలోనే డిసెంబర్ 24న మరోసారి చిక్కడపల్లి పోలీసులు విచారణ కూడా జరిగింది. 

అయితే ఈలోపు పొలిటికల్ గా ఈ మ్యాటర్ రచ్చ రచ్చ జరిగింది. ప్రభుత్వంపై ప్రతిపక్షాల విమర్శలతో పాటు.. అల్లుఅర్జున్ పై కూడా సోషల్ మీడియాలో రకరకాల విమర్శలు మొదలయ్యాయి. మరీ ముఖ్యంగా బాధితులకు బన్నీ సాయం చేయలేదంటూ విమర్శలు వచ్చిన నేపధ్యంలో..తాజాగా 2కోట్లు సాయం ప్రకటించారు అల్లు.