అల్లు అర్జున్‌ నెక్ట్స్ మూవీ స్టోరీ లీక్‌ ?, వామ్మో `బాహుబలి`ని మించి.. ఆ రేంజ్‌ అస్సలు ఊహించలేం

అల్లు అర్జున్‌, త్రివిక్రమ్‌ కాంబినేషన్‌లో సినిమా రాబోతుంది. ఈ మూవీకి సంబంధించిన స్టోరీ లీక్ అయ్యింది. గూస్‌బంమ్స్ తెప్పించే స్టోరీతో రాబోతుంది టాక్‌.   

Allu Arjun, #Pushpa2

ఐకాన్‌ స్టార్‌ అల్లు అర్జున్‌ ప్రస్తుతం `పుష్ప 2`తో బిజీగా ఉన్నారు. ఈ సినిమా ప్రమోషన్స్ షురూ చేస్తున్నారు. నేటితో(నవంబర్‌ 17) ప్రచారం స్టార్ట్ చేస్తున్నారు. ఈ క్రమంలో ఆదివారం సాయంత్రం పాట్నాల ట్రైలర్‌ ఈవెంట్‌ నిర్వహిస్తున్నారు. అందుకోసం భారీ ఈవెంట్‌ని ప్లాన్‌ చేశారు. దీనితో సినిమాపై హైప్‌ని అమాంతం పెంచబోతున్నారు. ఈ రోజు నుంచి సినిమా రిలీజ్‌ వరకు గ్యాప్‌ లేకుండా ఇండియాలో ప్రధాన నగరాల్లో భారీ ఈవెంట్లు ప్లాన్‌ చేసింది టీమ్‌. దీంతో ఈ ప్రమోషన్స్ లో బన్నీ బిజీగా ఉండబోతున్నారు. 

Allu Arjun

అనంతరం అల్లు అర్జున్‌ ఎవరితో సినిమా చేస్తారనేది ఆసక్తికరంగా మారింది. త్రివిక్రమ్‌తో సినిమా చేయాల్సి ఉంది. అలాగే సందీప్‌ రెడ్డి వంగాతోనూ ఓ మూవీ చేయాల్సి ఉంది. వీటితోపాటు `పుష్ప3` కూడా ఉంటుందని ఇటీవలే హింట్‌ ఇచ్చారు బన్నీ.

త్రివిక్రమ్‌, సందీప్‌ సినిమాల తర్వాత పార్ట్ 3 ఉండే అవకాశం ఉంది. ఈ లోపు కొత్త ప్రాజెక్ట్ లు సెట్‌ అయితే అప్పుడు లెక్కలు మారిపోతాయని చెప్పడంలో అతిశయోక్తి లేదు. అయితే ఇమ్మీడియెట్‌గా బన్నీ .. త్రివిక్రమ్‌తో సినిమాని ప్రారంభించబోతున్నారని సమాచారం. 

అల్లు అర్జున్‌, త్రివిక్రమ్‌ ఇప్పటికే `జులాయి`, `సన్నాఫ్‌ సత్యమూర్తి`, `అల వైకుంఠపురములో` చిత్రాలతో హ్యాట్రిక్‌ కొట్టారు. ఇప్పుడు మరో హిట్‌కి రెడీ అవుతున్నారు. నెక్ట్స్ బన్నీ సినిమా త్రివిక్రమ్‌తో ఉంటుందని ఇటు నిర్మాత నాగవంశీ, అటు మరో నిర్మాత బన్నీవాసులు తెలిపారు.

హారికా అండ్‌ హాసిని, గీతా ఆర్ట్స్ కాంబినేషన్‌లో ఈ మూవీ ఉండబోతుంది. అయితే ఈ సినిమా వచ్చే ఏడాది ప్రారంభం కాబోతుందట. సమ్మర్‌లో స్టార్ట్ అయ్యే ఛాన్స్ ఉందని తెలుస్తుంది. అందుకు సంబంధించిన స్క్రిప్ట్ వర్క్ జరుగుతుందని, ప్రీ ప్రొడక్షన్‌ వర్క్ లో త్రివిక్రమ్‌ బిజీగా ఉన్నట్టు సమాచారం. 

ఇదిలా ఉంటే ఈ మూవీకి సంబంధించిన కథ లీక్‌ అయినట్టు సమాచారం. మైథలాజికల్‌ టచ్‌తో సినిమా ఉంటుందని తెలుస్తుంది. దీనికి సంబంధించిన ఓ వార్త సోషల్‌ మీడియాలో వైరల్‌ అవుతుంది. భారీ బడ్జెట్‌తో ఈ సినిమా ఉంటుందని తెలుస్తుంది.

సుమారు ఏడెనిమిది వందల కోట్లు దీనిపై ఇన్వెస్ట్ చేయబోతున్నారని సమాచారం. ఇప్పటి వరకు పాన్‌ ఇండియా సినిమాలు చేయలేదు త్రివిక్రమ్‌. బన్నీ సినిమాతో పాన్‌ ఇండియా గేమ్‌లోకి ఆయన అడుగుపెట్టబోతున్నారని సమాచారం.   

Allu Arjun

అంతేకాదు దీనికి సంబంధించిన మరో రూమర్‌ ఇప్పుడు తెరపైకి వచ్చింది. హిస్టారికల్‌ అంశాలతో సినిమా ఉంటుందని తెలుస్తుంది. మంగోల్‌ సామ్రాజ్యానికి మొదటి రాజు అయిన చెంఘీజ్‌(జెంఘీస్‌) ఖాన్‌ చరిత్రని ఆధారంగా చేసుకుని ఈ మూవీని తెరకెక్కించే ఛాన్స్ ఉందని అంటున్నారు.

చెంఘీస్‌ ఖాన్‌ మంగోలియన్‌లను ఏకంగా చేసి మంగోల్‌ సామ్రాజ్యాన్ని స్థాపించారు. దీనికి ఆయనే ఆధ్యుడు. ఆయన జీవితంలోని ప్రధాన ఘట్టాలను తీసుకుని ఈ కథని రెడీ చేస్తున్నారనే రూమర్‌ కూడా వినిపిస్తుంది. మరి ఇందులో ఏది నిజమనేది తెలియాల్సి ఉంది. ఇదే నిజమైతే ఇది `బాహుబలి`ని మించిన స్టోరీ కాబోతుందని చెప్పడంలో అతిశయోక్తి లేదు. ఆ మూవీ రేంజ్‌ని కూడా ఊహించడం కష్టమే. 

ఇక బన్నీ నటిస్తున్న `పుష్ప 2` డిసెంబర్‌ 5న విడుదల కాబోతుంది. ప్రపంచ వ్యాప్తంగా భారీ స్థాయిలో దీన్ని రిలీజ్‌ చేయబోతున్నారు. అత్యధిక థియేటర్లలోనూ మూవీని రిలీజ్‌కి ప్లాన్‌ చేస్తున్నారట. తొలి రోజే ఏకంగా రూ. 250కోట్ల గ్రాస్‌ని టార్గెట్‌ చేస్తున్నారని సమాచారం. మరి ఏ మేరకు రీచ్‌ అవుతుందనేది చూడాలి. ఇందులో బన్నీకి జోడీగా రష్మిక మందన్నా నటిస్తుంది. ఫహద్‌ ఫాజిల్‌, అనసూయ, సునీల్‌ నెగటివ్‌ రోల్స్ చేస్తున్నారు. ఈ సినిమా కోసం ఇప్పుడు అంతా వెయిట్‌ చేస్తున్నారు.