#AlluArjun: అల్లు అర్జున్‌ ని టెన్షన్‌ పెడుతున్న ఫ్యాన్స్.. వాళ్లని చూస్తే భయమేస్తుందంటూ షాకిచ్చిన బన్నీ..

ఇప్పుడు టాలీవుడ్‌ మంచి ఫేజ్‌లో ఉందని, కంటెంట్‌ ఉన్న సినిమాలు బాగా ఆడుతున్నాయని చెప్పాడు బన్నీ. కానీ ఆ అభిమానులంటే తనకు టెన్షన్‌ అంటూ షాకింగ్ కామెంట్లు చేశాడు.  

అల్లు అర్జున్‌(Allu Arjun) ప్రస్తుతం `పుష్ప 2` (Pushpa 2)షూటింగ్‌లో బిజీగా ఉన్నారు. `పుష్ప` భారీ విజయం సాధించడంతో దాన్ని మించి రెండో భాగాన్ని తెరకెక్కించబోతున్నారు. ప్రస్తుతం ఈ చిత్ర షూటింగ్‌ జరుగుతుంది. అయితే తాజాగా ఆయన శ్రీవిష్ణు(Sri Vishnu) నటించిన `అల్లూరి` (Alluri Pre Release Event)చిత్ర ప్రీ రిలీజ్‌ ఈవెంట్ కి గెస్ట్ గా వచ్చారు. శ్రీవిష్ణు చాలా కాలంగా తనకు తెలుసని, కానీ ఏ రోజు ఏ హెల్ప్ అడగలేదని, ఫస్ట్ టైమ్ తన సపోర్ట్ కావాలని అడగడంతో మరో మాట లేకుండా వచ్చినట్టు చెప్పారు బన్నీ. శ్రీవిష్ణు ఎంతో కష్టపడి సినిమాలు చేస్తాడని, జయాపజయాలకు అతీతంగా ఆయన సినిమాల్లో ఓ మంచి నావెల్టీ ఉంటుందని, అది తనకు బాగా నచ్చుతుందని చెప్పాడు బన్నీ. ఇలాంటి వారికి ఎంతో కొంత సపోర్ట్ చేయాలని గెస్ట్ గా వచ్చినట్టు చెప్పాడు బన్నీ. 

ఈ సందర్భంగా తెలుగు సినిమా గురించి మాట్లాడుతూ కరోనా పాండమిక్‌ తర్వాత తెలుగు సినిమా మంచి స్థాయిలో ఉందని, మంచి సినిమాలను ఆడియెన్స్ ఆదరిస్తున్నారని చెప్పారు Bunny. చిన్నా, పెద్ద అనే తేడా లేకుండా మంచి కంటెంట్‌ ఉన్నసినిమాలను ఆదరించి హిట్స్ చేస్తున్నారని, ఇప్పటి వరకు మనం చూసిన సినిమాలే అందుకు నిదర్శనమన్నారు. 

కొన్ని పెద్ద సినిమాలు ఆడాయి, మరికొన్ని ఆడలేదు, కొన్ని చిన్నసినిమాలు ఆడాయి, మరికొన్ని ఆడలేదు. మొత్తంగా మంచి కంటెంట్‌ ఉన్న సినిమాలు విజయం సాధించాయని తెలిపారు. కంటెంట్‌ బాగుంటే ఆడియెన్స్ ఆదరిస్తారని నిరూపిస్తున్నారు. ఈ విషయంలో ఎవరూ టెన్షన్‌ పడాల్సిన పనిలేదని తెలిపారు బన్నీ. చిన్నా,పెద్ద లేకుండా మంచి కథా బలం ఉన్న సినిమా పాన్‌ ఇండియా స్థాయిలో సత్తా చాటుతున్నాయనే విషయాన్ని అల్లు అర్జున్‌ వెల్లడించారు. 

ఈ సందర్భంగా చిత్ర పరిశ్రమ వర్గాలు, ఆడియెన్స్ కి ధైర్యాన్ని నింపిన బన్నీ మాత్రం కొందరికి బయపడుతున్నారు. వాళ్లెవరో కాదు తన అభిమానులు కావడం విశేషం. తనకు అభిమానులు కాదు, ఆర్మీనే ఉందని చెప్పారు అల్లు అర్జున్‌. ఎప్పుడూ అభిమానుల విషయంలో గర్వపడతానని తెలిపారు. ఈ సందర్భంగా కొందరి అభిమానులంటే మాత్రం తనకు  టెన్షన్‌ అని చెప్పి షాకిచ్చాడు. 

తాను ఎప్పుడూ ప్రీ రిలీజ్‌ ఈవెంట్లకి వస్తుంటానని, కానీ ఈ రోజు తనకు లోపల ఏదో టెన్షన్‌ ఉందని, అదేంటో అర్థం కావడం లేదన్నారు.మీరు చేసిన అల్లరే దానికి కారణమేమో అని చెప్పారు. నాకు తెలిసి ఇక్కడికి పాలకొల్లు నుంచి వచ్చారేమో, అందుకే టెన్షన్‌ పడుతున్నాననుకుంటా, ఎందుకంటే పాలకొల్లు వాళ్లంటే నాకు భయం అని చెబుతూ నవ్వులు పూయించారు. మరి పాలకొల్లు అభిమానులంటే ఆయనకు భయం ఎందుకనేది ఇప్పుడు సస్పెన్స్ గా మారింది. అయితే తాను ఊరికే జోక్ చేశానని, మా సొంతూరు పాలకొల్లు అని వెల్లడించడం విశేషం. తన సొంతూరు వాళ్లంటే అభిమానంతో సరదాగా బన్నీ అలా చెప్పాడా? అనేది ఆసక్తికరంగా మారింది.