టాలీవుడ్ ఐకాన్ స్టార్ అల్లు అర్జున్ పాత సినిమాకు కేరళలో 4Kలో రీ-రిలీజ్ అయి సంచలనం సృష్టిస్తోంది. థియేటర్లలో పండగ వాతావరణం నెలకొంది. ఇది కేరళలో బన్నీకి ఉన్న విపరీతమైన క్రేజ్ను మరోసారి స్పష్టంగా చూపిస్తోంది.
తెలుగు సూపర్ స్టార్ అల్లు అర్జున్కు కేరళలో ఏ రేంజ్లో ఫ్యాన్ ఫాలోయింగ్ ఉందో చెప్పడానికి ఇదొక ఉదాహరణ. ఆయన పాత సినిమా 'హ్యాపీ' రీ-రిలీజ్ ఇప్పుడు అక్కడ థియేటర్లలో ప్రభంజనం సృష్టిస్తోంది. దాదాపు 20 ఏళ్ల కిందటి సినిమాకు మలయాళీ ప్రేక్షకులు బ్రహ్మరథం పడుతున్నారు. వేరే ఏ ఇతర భాషా నటుడికీ దక్కని ఆదరణ బన్నీకి అక్కడ లభిస్తోంది. రీ-రిలీజ్ అయిన మొదటి రోజు నుంచే థియేటర్లన్నీ పండగలా మారిపోయాయి.
24
150 రోజులు ఆడిన సినిమా..
ఎ. కరుణాకరన్ దర్శకత్వంలో 'హ్యాపీ' సినిమా 2006లో మొదటిసారి రిలీజైంది. ఆ రోజుల్లోనే ఈ సినిమా కేరళలో ఏకంగా 150 రోజులకు పైగా ఆడి పెద్ద రికార్డు సృష్టించింది. 20 ఏళ్ల తర్వాత ఇప్పుడు మళ్లీ 4K టెక్నాలజీతో బిగ్ స్క్రీన్పైకి వచ్చినప్పుడు కూడా, మొదటిసారి చూస్తున్నంత ఉత్సాహంతో మలయాళీ ప్రేక్షకులు థియేటర్లకు పరుగులు పెడుతున్నారు. తమ 'మల్లు అర్జున్'ను చూసేందుకు ఎగబడుతున్నారు.
34
కేరళ థియేటర్లలో ఐకాన్ స్టార్ జాతర..
సినిమాలోని ఎవర్ గ్రీన్ పాటలు, అల్లు అర్జున్ స్టెప్పులు స్క్రీన్పై కనిపించగానే అభిమానులు కేకలు వేస్తూ, స్క్రీన్ ముందు డ్యాన్సులు చేస్తున్నారు. కొన్ని సీన్లు రీ క్రియేట్ చేస్తూ.. సందడి చేస్తున్నారు. కేరళ థియేటర్లలో ఆ హడావిడికి సంబంధించిన ఈ వీడియోలు ఇప్పటికే సోషల్ మీడియాలో తెగ వైరల్ అయ్యాయి. సినిమాలోని డైలాగులు కూడా ట్రెండింగ్ లిస్ట్లో నిలిచాయి.
గతంలో మలయాళంలో మోహన్లాల్ నటించిన 'ఛోటా ముంబై', 'దేవదూతన్' లాంటి సినిమాలు రీ-రిలీజ్ అయినప్పుడు ఎలాంటి సందడి కనిపించిందో, ఇప్పుడు 'హ్యాపీ'కి కూడా అదే స్థాయిలో స్పందన వస్తోంది. చాలా థియేటర్లలో సినిమా అయ్యాక ప్రేక్షకులు 'అల్లు అర్జున్కు జై', 'బన్నీకి జై' అంటూ నినాదాలు చేస్తున్నారు. ఒక పాత సినిమాకు ఇప్పటికీ ఇంత ఫ్యాన్ బేస్ ఉందా అని సోషల్ మీడియాలో చాలామంది ఆశ్చర్యపోతూ కామెంట్లు పెడుతున్నారు.
ఖాదర్ హసన్ నేతృత్వంలోని రాధక్ ఆర్ట్స్ బ్యానర్పై ఈ చిత్రాన్ని 4Kలో రీ-రిలీజ్ చేశారు. ప్రస్తుతం అల్లు అర్జున్ అట్లీ డైరెక్షన్ లో రాకా సినిమా బిజీలో ఉన్నాడు. ఈసినిమా పాన్ వరల్డ్ మూవీగా తెరకెక్కుతోంది. ఈ సినిమా తరువాత మరో తమిళ దర్శకుడైన లోకేష్ కనగరాజ్ తో బన్నీ మూవీ చేయబోతున్నాడు.
