Alia Bhatt Pregnancy: ఆలియా మళ్లీ ప్రెగ్నెంటా? కరణ్ జోహార్ పార్టీ ఫొటోలతో కొత్త చర్చ

కరణ్ జోహార్ బర్త్‌డే పార్టీ బాలీవుడ్‌లో హాట్ టాపిక్‌గా మారింది. పార్టీ ఇన్సైడ్ ఫొటోలు బయటకు రావడంతో, సెలబ్రిటీల రీయూనియన్ నుంచి ఆలియా భట్ ప్రెగ్నెన్సీపై ఊహాగానాల వరకు.. సోషల్ మీడియాలో పెద్ద చర్చే జరుగుతోంది.

’s Appearance Triggers Pregnancy Speculation

కరణ్ జోహార్ బర్త్‌డే పార్టీలో అందరి దృష్టి ఆలియా భట్‌పైనే పడింది. డిజైనర్ మనీష్ మల్హోత్రా పార్టీకి సంబంధించిన కొన్ని ఫొటోలను షేర్ చేయగా, వాటిని చూసిన నెటిజన్లు, ముఖ్యంగా రెడ్డిట్ యూజర్లు, ఆలియా రెండోసారి గర్భవతి అయిఉండొచ్చని చర్చించుకోవడం మొదలుపెట్టారు. ఆన్‌లైన్‌లో షేర్ చేసిన ఫొటోలను బట్టే ఈ చర్చంతా నడుస్తోంది. అయితే, ఈ రూమర్స్‌పై ఆలియా భట్ గానీ, ఆమె కుటుంబ సభ్యులు గానీ ఇప్పటివరకు స్పందించలేదు. దీనిపై ఎలాంటి అధికారిక ప్రకటన రాలేదు. ఇదంతా కేవలం సోషల్ మీడియాలో జరుగుతున్న ప్రచారం మాత్రమే.

పార్టీలో మెరిసిన తారలు

మనీష్ మల్హోత్రా హోస్ట్ చేసిన ఈ ప్రైవేట్ పార్టీకి కాజోల్, రాణి ముఖర్జీ, కరీనా కపూర్ ఖాన్, కరిష్మా కపూర్, జాన్వీ కపూర్, సారా అలీ ఖాన్, కియారా అద్వానీ, సిద్ధార్థ్ మల్హోత్రా, షనయా కపూర్, జోయా అక్తర్, అనైతా ష్రాఫ్ అదాజానియా, రణ్‌బీర్ కపూర్, ఆలియా భట్, విక్కీ కౌశల్ వంటి భారీ తారాగణం హాజరైంది.

ఈ పార్టీకి సంబంధించిన పలు ఫొటోలు వెంటనే వైరల్ అయ్యాయి. ఒక ఫొటోలో కరణ్ జోహార్, కాజోల్, రాణి ముఖర్జీ మళ్లీ కలిసి కనిపించగా, మరో ఫొటోలో కియారా అద్వానీ, సిద్ధార్థ్ మల్హోత్రా బర్త్‌డే బాయ్‌తో పోజులిచ్చారు. తమ అప్‌కమింగ్ ఫిల్మ్ 'లవ్ & వార్'కు ముందు ఆలియా భట్, రణ్‌బీర్ కపూర్, విక్కీ కౌశల్ కలిసి కనిపించడంతో అభిమానులు  ఎగ్జైట్ అయ్యారు.

ప్రెగ్నెన్సీ రూమర్స్‌

ప్రెగ్నెన్సీ రూమర్స్‌తో పాటు, ఒకే సోషల్ సర్కిల్‌లో ఉన్న పలువురు మాజీ లవర్స్ గురించి కూడా అభిమానులు  దృష్టి పెట్టారు. ఒకప్పుడు రిలేషన్‌లో ఉన్నారని వార్తలొచ్చిన ఆలియా భట్, సిద్ధార్థ్ మల్హోత్రా ఈవెంట్‌కు హాజరైనప్పటికీ, ఇద్దరూ కలిసి ఫొటోలు దిగలేదని సోషల్ మీడియా యూజర్లు గుర్తించారు.

ఈ పార్టీకి కత్రినా కైఫ్ రాకపోవడం మరో చర్చకు దారితీసింది. కత్రినా ఈ పార్టీకి దూరంగా ఉండగా, ఆమె భర్త విక్కీ కౌశల్ మాత్రం కత్రినా మాజీ బాయ్‌ఫ్రెండ్ అయిన రణ్‌బీర్ కపూర్‌తో కలిసి ఫొటోలకు పోజులిచ్చాడు. ఈ ఫొటోలు ఆన్‌లైన్‌లో పెద్ద చర్చకే దారితీశాయి. దీంతో ఈ పార్టీపై మరింత ఆసక్తి పెరిగింది.

ఇదిలా ఉండగా, మనీష్ మల్హోత్రా ఈ సందర్భాన్ని పురస్కరించుకుని కరణ్ జోహార్‌తో తన దశాబ్దాల స్నేహాన్ని గుర్తుచేసుకున్నారు. తమ మధ్య ఉన్న వృత్తిపరమైన, వ్యక్తిగత బంధాన్ని ప్రశంసిస్తూ ఎమోషనల్ పోస్ట్ చేశారు.