డబ్బు కోసమే ఆ మూవీలో నటించా, ఆమెతో రొమాంటిక్ సీన్ తప్పు కాదు..ఆస్తుల వివరాలు బయటపెట్టిన అలీ రెజా

టాలీవుడ్ లో యువ నటుడు అలీ రెజాకి క్రమంగా ఆఫర్స్ పెరుగుతున్నాయి. అలీ రెజా బిగ్ బాస్ సీజన్ 3లో కంటెస్టెంట్ గా పాల్గొంది మరింత పాపులర్ అయ్యాడు. బిగ్ బాస్ తర్వాత అలీ రెజాకి కీలక పాత్రల్లో నటించే అవకాశాలు వస్తున్నాయి. మోడల్ గా కెరీర్ ప్రారంభించిన అలీ రెజా ఆ తర్వాత బుల్లితెరపై సత్తా చాటాడు. 

Ali Reza

అలీ రెజా ధృవ, వైల్డ్ గాడ్, రంగమార్తాండ చిత్రాల్లో నటించాడు. రీసెంట్ గా పవన్ కళ్యాణ్ బ్రో మూవీలో కూడా అలీ రెజా మెరిశాడు. సినిమాలతో పాటు వెబ్ సిరీస్ లలో కూడా అలీ రెజాకి బోలెడన్ని ఆఫర్స్ వస్తున్నాయి. అలీ రెజా నటించిన లేటెస్ట్ వెబ్ సిరీస్ వధువు. నందు, అవికా గోర్ ప్రధాన పాత్రల్లో నటించిన ఈ సిరీస్ లో అలీ రెజా పోషించిన పాత్ర చాలా ఇంపార్టెంట్. 

ఇటీవల డిస్ని ప్లస్ హాట్ స్టార్ లో రిలీజైన వధువు  క్రేజీ రెస్పాన్స్ తో దూసుకుపోతోంది. ఒక కుటుంబంలో జరిగే మిస్టరీ అంశాలతో సస్పెన్స్ క్రియేట్ చేస్తూ మంచి రెస్పాన్స్ దక్కించుకుంది. ఈ వెబ్ సిరీస్ లో కథ అలీ రెజా చుట్టూ తిరగడం విశేషం. 

వధువు రిలీజైన సందర్భంగా అలీ రెజా ఇంటర్వ్యూలలో పాల్గొంటున్నాడు. తాజాగా ఇంటర్వ్యూలో అలీ రెజా తన కెరీర్ గురించి అనేక విషయాలు వివరించాడు. నందు అన్నతో, అవికా గోర్ తో కలసి నటించడం చాలా సంతోషంగా ఉందని అన్నాడు. నందు అన్నతో ఫ్రెండ్ షిప్ మరింతగా పెరిగినట్లు తెలిపాడు. ఆ మధ్యన వచ్చిన మెట్రో కథలు అనే చిత్రంలో నటించడం పై నన్ను చాలా మంది విమర్శించారు. సోషల్ మీడియాలో కూడా ట్రోల్ చేశారు. 

అలీ రెజా ఈ చిత్రంలో సీనియర్ నటి సనా బేగమ్ తో రొమాంటిక్ సీన్ లో నటించాడు. ఆ సన్నివేశాన్ని సోషల్ మీడియాలో తప్పుగా చూపిస్తూ నన్ను ట్రోల్ చేస్తున్నారు. అదేమీ తప్పు కాదు. ప్రస్తుతం సమాజంలో జరుగుతున్నదే చూపించారు. నన్ను ట్రోల్ చేస్తే నా కెరీర్ కి ఎలాంటి ఇబ్బంది ఉండదు. అలాంటి విమర్శలని నేను పట్టించుకోను అని అలీ రెజా అన్నారు. సనా బేగమ్ కూడా ఓ ఇంటర్వ్యూలో మాట్లాడుతూ.. తాగుబోతు భర్త వల్ల మిడిల్ క్లాస్ వైఫ్ ఎలాంటి ఇబ్బందులు పడుతోంది అనే మెసేజ్ ఇవ్వడానికే ఆ సీన్ పెట్టారు అని తెలిపింది. అందులో ఎక్కడా అసభ్యంగా చూపించలేదని పేర్కొంది. 

కరోనా తర్వాత ఇండస్ట్రీలో మార్పులు వచ్చాయి. సొంతంగా బిజినెస్ ఉండడం చాలా అవసరం అని గమనించా. మా నాన్నకి రెస్టారెంట్ ఉండడం మా ఫ్యామిలీకి బాగా ఉపయోగపడింది. అందుకే తాను కూడా ముంబైలో రెండు రెస్టారెంట్స్ ప్రారంభించినట్లు అలిరేజా తెలిపాడు. తండ్రి ఆస్తులతో పాటు అలీ రెజా కూడా బాగానే ఆస్తులు పోస్తున్నట్లు నెటిజన్లు అంటున్నారు. 

ప్రస్తుతం తాను వరుణ్ తేజ్ ఆపరేషన్ వాలంటైన్ అనే చిత్రంలో నటిస్తున్నట్లు అలీ రెజా తెలిపాడు. వరుణ్ అన్న పెళ్లి గురించి విన్నప్పుడు ఆశ్చర్యం అనిపించింది. అంతకు ముందే వరుణ్ అన్నతో వర్క్ చేశా. కానీ పెళ్లి గురించి ఎప్పుడూ చెప్పలేదు. పెళ్లి తర్వాత వరుణ్ అన్నని కలసి కంగ్రాట్స్ చెప్పినట్లు అలీ రెజా తెలిపాడు.