నాగ చైతన్యలో ఉన్న వీక్‌ నెస్‌ ఏంటో తెలుసా? అది చూస్తేనే వణికిపోతాడట.. పెళ్లి వేళ బయటపడ్డ రహస్యం !

నాగచైతన్య కాసేపట్లో ఓ ఇంటివాడు కాబోతున్నాడు. శోభితని భార్యని చేసుకుంటున్నాడు. ఈక్రమంలో ఒక రహస్యం బయటకు వచ్చింది. ఆయన వీక్‌నెస్‌ ఏంటో తేలిపోయింది.   

అక్కినేని నాగచైతన్య రెండో పెళ్లికి రెడీ అయ్యారు. కాసేపట్లో ఆయన మరోసారి ఓ ఇంటివాడు కాబోతున్నారు. ఇప్పటికే సమంతని పెళ్లి చేసుకుని విడాకులు తీసుకున్న విషయం తెలిసిందే. మూడేళ్ల గ్యాప్‌ తర్వాత ఇప్పుడు మరోసారి ఆయన పెళ్లి చేసుకుంటున్నారు. తెలుగు హీరోయిన్‌ శోభితా దూళిపాళని పెళ్లి చేసుకోబోతున్నారు. 

నాగ చైతన్య, శోభితాల పెళ్లి వేడుక ఈ రోజు(బుధవారం)  రాత్రి 8.13గంటలకు అన్నపూర్ణ స్టూడియోలో జరగబోతుంది. శోభితా మెడలో మూడు ముళ్లు వేయబోతున్నారు చైతూ. అందుకు సంబంధించిన ఏర్పాట్లు అన్నీ ఆల్మోస్ట్ పూర్తయ్యాయి. నాగార్జున దగ్గరుండి అన్ని కార్యక్రమాలు చూసుకున్నారు.

అతికొద్ది మంది బంధుమిత్రులు, సెలబ్రిటీలు సమక్షంలో వీరి పెళ్లి జరగబోతుందని తెలుస్తుంది. అక్కినేని ఫ్యామిలీ, దగ్గుబాటి ఫ్యామిలీ, నాగచైతన్య తల్లి లక్ష్మి, శోభితా ఫ్యామిలీ, దగ్గరి బంధువులు, అలాగే సినిమా రంగం నుంచి ప్రభాస్‌, బన్నీ, చరణ్‌, వెంకటేష్‌ రానా వంటి వారు పాల్గొంటారట. 

ఇదిలా ఉంటే నాగచైతన్య పెళ్లి వేళ ఆయనకు సంబంధించిన ఓ పెద్ద సీక్రెట్‌ బయటకు వచ్చింది. ఆయనలో ఉన్న వీక్‌ నెస్‌ ఏంటో తెలిసిపోయింది. తాను దేనికి భయపడతాడో తెలిపారు. పాత ఇంటర్వ్యూలో తనలోని వీక్‌నెస్‌ని బయటపెట్టాడు చైతూ. ప్రస్తుతం అది ఇంట్రెస్ట్ గా మారింది.

మరి ఇంతకి చైతూలో ఉన్న భయం ఏంటో తెలుసా? అదే హర్రర్‌ సినిమాలు. అవును నాగచైతన్యకి హర్రర్‌ సినిమాలంటే భయమట. దెయ్యాలుంటాయనే భయం ఆయన్ని వెంటాడుతుందట. హర్రర్‌ సినిమాల జోలికే వెళ్లడట, అవి చూసే సాహసం కూడా చేయనని తెలిపారు చైతూ. 

అంతేకాదు ఓ వీడియో క్లిప్‌లో చివర్లో దెయ్యం భూమ్‌.. అంటూ అరవడంతో ఒక్కసారిగా షేక్‌ అయ్యారు చైతూ. రోమాలు నిక్కపొడిచి గూస్‌బంమ్స్ వచ్చాయని తెలిపారు. ప్రదీప్‌ మాచిరాజు యాంకర్‌గా చేసిన `కొంచెం టచ్‌లో ఉంటే చెబుతా` షోలో ఈ విషయాన్ని వెల్లడించారు చైతూ. తన పేరులోని రహస్యాన్ని బయటపెట్టారు.

ఇప్పటికీ తనలో ఆ భయం ఉంటుందన్నారు నాగచైతన్య. పేరులోని రహస్యం చెబుతూ, తాతగారు అక్కినేని నాగేశ్వరరావు నుంచి తమ పేర్లకి ముందు `నాగ` అనేది రావాలని సెంటిమెంట్‌గా భావించారట. అలా తన పేరులోనూ నాగ వచ్చేలా పెట్టారు. కానీ అసలు పేరు చైతన్యనే అని తెలిపారు. 

చెన్నైలో చదువుకున్న నాగచైతన్యకి తెలుగు చదవడం రాదు అట. హిందీ చదవడం వచ్చు, కానీ మాట్లాడటం రాదు అని, తమిళం మాట్లాడటం వచ్చు కానీ చదవడం, రాయడం రాదు అని చెప్పారు చైతూ. ఒకప్పుడు చెన్నైలో పెరిగిన తాను స్టడీస్‌ అంతా అక్కడే జరిగాయని, హైదరాబాద్‌కి వచ్చినప్పుడు చాలా బాధగా అనిపించిందని, ఇప్పుడు మాత్రం చెన్నై వెళ్లడం ఇష్టం లేదని తెలిపాడు.

ఇక ప్రస్తుతం ఆయన `తండేల్‌` అనే సినిమాలో నటిస్తున్నారు. సాయి పల్లవి హీరోయిన్‌గా చేస్తుంది. చందూ మొండేటి దర్శకత్వంలో రూపొందుతున్న ఈ మూవీ చిత్రీకరణ జరుపుకుంటుంది. వచ్చే ఏడాది ఫిబ్రవరి 7న విడుదల కాబోతుంది.