అకీరానందన్‌ పుట్టిన రోజే మార్క్ శంకర్‌కి ప్రమాదం.. కొడుకు పరిస్థితిని తలుచుకొని పవన్‌ కళ్యాణ్‌ ఎమోషనల్‌

Pawan Kalyan : ఆంధ్రప్రదేశ్‌ డిప్యూటీ సీఎం పవన్‌ కళ్యాణ్‌ ఇంట్లో విచిత్రమైన పరిస్థితి చోటు చేసుకుంది. ఓ వైపు పెద్ద కొడుకు విషయంలో ఆనందంగా సెలబ్రేట్‌ చేసుకోవాల్సిన రోజు. మరోవైపు చిన్న కొడుకు ఆసుపత్రిలో ప్రాణాలతో పోరాటం. ఇది తలచుకుని డిప్యూటీ సీఎం ఎమోనల్‌ అయ్యారు. తనకు ఎదురైన ఈ విచిత్రమైన పరిస్థితి పట్ల పవన్‌ విచారం వ్యక్తం చేశారు. తాజాగా కొడుకు మార్క్ శంకర్‌ ఆరోగ్య పరిస్థితిపై స్పందించిన పవన్‌ కళ్యాణ్‌ షాకింగ్‌ విషయాన్ని వెల్లడించారు. తన ఫ్యామిలీలో నెలకొన్న పరిస్థితిని తలుచుకుని ఆయన ఎమోషనల్‌ అయ్యారు. 

pawan kalyan, akira nandan, mark shankar

Pawan Kalyan : పవన్‌ కళ్యాణ్‌ చిన్న కొడుకు మార్క్ శంకర్‌ సింగపూర్‌ స్కూల్‌లో ప్రమాదం చోటు చేసుకున్న విషయం తెలిసిందే. సమ్మర్‌ క్యాంప్‌ స్కూల్‌లో అగ్నిప్రమాదం చోటు చేసుకోవడంతో దాదాపు 30 మంది విద్యార్థులు గాయపడ్డారట.

ఇందులో పవన్‌ చిన్న కొడుకు మార్క్ శంకర్‌ సైతం గాయపడ్డాడు. ఆయనకు కాళ్లకి, చేతులకు గాయాలయ్యాయని, ఊపిరితిత్తుల్లోకి పొగ వెళ్లిందని తెలిపారు. అయితే తాజాగా కొడుకు ఆరోగ్య పరిస్థితిపై పవన్‌ కళ్యాణ్‌ రియాక్ట్ అయ్యారు. 

pawan kalyan about son mark shankar

మన్యం జిల్లాల్లో పలు అభివృద్ధి కార్యక్రమాల్లో పాల్గొన్న పవన్‌.. కొడుకు ఆరోగ్యం ఎలా ఉంది? ఘటన ఎలా జరిగిందనేది వెల్లడించారు. తాను అరకు పర్యటనలో ఉండగా, మార్క్ శంకర్‌కు గాయాలైనట్టు ఉదయం 8.30 గంటలకు ఫోన్‌ వచ్చిందన్నారు. సమ్మర్‌ క్యాంపులో అగ్ని ప్రమాదం జరిగి తన కొడుకు చేతులు, కాళ్లకి గాయాలు అయినట్టు, ఊపిరితిత్తుల్లోకి పొగ చేరిందని చెప్పారు.

తన పక్కనే కూర్చున్న చిన్నారి మృతి చెందడం బాధించిందన్నారు. సుమారు 30 మంది చిన్నారులు సమ్మర్‌ క్యాంపులో ఉన్నప్పుడు ఈ ఘటన జరిగింది. మొదట అగ్నిప్రమాదం చిన్నదే అనుకున్నా, కానీ దాని తీవ్రత తెలిసిందన్నారు పవన్‌. 

Pawan Kalyan and Akira Nandan

ఈ సందర్భంగానే ఓఆశ్చర్యకరమైన విషయాన్ని బయటపెట్టాడు పవన్‌. ఈ రోజు తన పెద్ద కుమారుడు అకీరా నందన్‌ పుట్టిన రోజు అట.  తన బర్త్ డే రోజు చిన్న కొడుకు మార్క శంకరకి ఇలా జరగడం తనని బాధించిందన్నారు పవన్‌.

మార్క్ శంకర్‌ కి వైద్యులు మెరుగైన చికిత్స అందిస్తున్నారని, ఆరోగ్యం నిలకడగా ఉందన్నారు. పొగ పీల్చడం వల్ల దీర్ఘ కాలంలో ఆరోగ్యంపై ప్రభావం ఉండొచ్చని వైద్యులు చెప్పారని అన్నారు పవన్‌. 

pawan kalyan

మార్క్ శంకర్‌ వయసు ఇప్పుడు ఏడేళ్లు అని, ప్రమాదం జరిగిన వెంటన అక్కడే భవనం నిర్మిస్తున్న కార్మికులు స్పందించి పిల్లల్ని కాపాడారని తెలిపారు.

ఈ ఘటన గురించి తెలిసి తన భార్య అన్నాకొణిదెల షాక్‌లో ఉన్నారని చెప్పారు పవన్‌. ఈ రాత్రి సింగపూర్‌కి బయల్దేరుతున్నట్టు వెల్లడించారు. అన్న చిరంజీవితో కలిసి పవన్‌ ప్రత్యేక విమానంలో సింగపూర్‌ వెళ్తున్నారని తెలుస్తుంది.