తన వ్యక్తిత్వాన్ని కించపరుస్తూ యూట్యూబ్లో అసభ్యకరమైన వీడియోలు చేస్తున్న 'ప్లే లైక్ ఇంకాగ్నిటో' ఛానల్పై నటి విష్ణుప్రియ మియాపూర్ పోలీస్ స్టేషన్లో ఫిర్యాదు చేశారు.
చిత్ర పరిశ్రమకు చెందిన నటీనటుల వ్యక్తిత్వాన్ని తక్కువ చేస్తూ సోషల్ మీడియాలో పోస్టులు పెట్టే వారిపై ప్రముఖ యాంకర్, నటి విష్ణుప్రియ భీమనేని తీవ్రంగా స్పందించారు. తనపై నిరంతరాయంగా అసత్య ప్రచారాలు చేస్తూ, అసభ్యకర వ్యాఖ్యలతో వేధిస్తున్న 'ప్లే లైక్ ఇంకాగ్నిటో' అనే యూట్యూబ్ ఛానల్పై ఆమె చట్టపరమైన చర్యలకు దిగారు. హైదరాబాద్లోని మియాపూర్ పోలీస్ స్టేషన్లో ఆమె అధికారికంగా ఫిర్యాదు చేయగా, పోలీసులు ఇప్పటికే ఎఫ్ఐఆర్ (FIR) నమోదు చేసి విచారణను ప్రారంభించారు.
25
కంప్లెంట్ వెనుక ఉన్న అసలు కారణం
ఈ కేసుకు సంబంధించిన వివరాలను విష్ణుప్రియ స్వయంగా పంచుకుంటూ.. పోలీసులు ఈ వ్యవహారంలో కఠినంగా వ్యవహరించబోతున్నారని, అందుకు తాను కృతజ్ఞతురాలినని పేర్కొన్నారు. ముఖ్యంగా సదరు యూట్యూబ్ ఛానల్ను నడుపుతోంది ఒక మహిళే అయ్యుండి కూడా, తోటి మహిళా సెలబ్రిటీల గురించి అంత నీచంగా మాట్లాడటంపై ఆమె మండిపడ్డారు. కేవలం తన కోసమే కాకుండా, ఇలాంటి పనులు చేసే ఇతర ఛానల్స్ అందరికీ ఒక గుణపాఠం చెప్పాలనే ఉద్దేశంతోనే ఈ అడుగు వేసినట్లు తెలిపారు.
35
సహనం నశించి తీసుకున్న నిర్ణయం
నిజానికి ఈ చర్య ఎప్పుడో తీసుకోవాల్సి ఉన్నప్పటికీ, చాలా రోజులుగా తాను ఓపిక పడుతూ వచ్చానని విష్ణుప్రియ చెప్పారు. కానీ రోజురోజుకూ నిందలు ఎక్కువైపోవడం, సమాజంలోకి తనపై నెగిటివ్ పబ్లిసిటీతో కూడిన తప్పుడు సమాచారాన్ని కావాలనే చేరవేస్తుండటంతో ఇక లాభం లేదనుకున్నట్లు వివరించారు. అబద్ధాలను నిజాలుగా నమ్మిస్తూ ఆడియన్స్ను తప్పుదోవ పట్టిస్తున్నందుకే సదరు సోషల్ మీడియా ప్లాట్ఫార్మ్స్పై కంప్లెంట్ చేయాల్సి వచ్చిందన్నారు.
తాము చిత్ర పరిశ్రమలోకి వచ్చింది ప్రేక్షకులను అలరించడానికి, వారి బాధలను మర్చిపోయేలా సంతోషపెట్టడానికేనని విష్ణుప్రియ గుర్తుచేశారు. తాము చేసిన పనిలో నిజంగా ఏదైనా పొరపాటు ఉంటే విమర్శించినా, నిందించినా తలదించుకుని స్వీకరిస్తామని.. కానీ ఏమాత్రం తప్పు చేయకపోయినా క్యారెక్టర్ అస్సాసినేట్ చేస్తూ, డబ్బు కోసం దేనికైనా సిద్ధపడతారు అనే రేంజ్లో పెద్ద పెద్ద ఛానల్స్ మాట్లాడటం అత్యంత దారుణమని ఆవేదన వ్యక్తం చేశారు.
55
నోరు మూసుకుని కూర్చునే ప్రసక్తే లేదు
ఇకపై ఇలాంటి విషయాల్లో నోరు మూసుకుని కూర్చునే ప్రసక్తే లేదని, ఏ ఆడపిల్ల గురించైనా సరే ఇష్టం వచ్చినట్లు మాట్లాడితే ఊరుకోనని ఆమె స్పష్టం చేశారు. ప్రస్తుతానికి ఒకరితో ఈ పోరాటాన్ని మొదలుపెట్టానని, భవిష్యత్తులో మరెవరు ఇలాంటి హద్దులు దాటిన ప్రవర్తనకు పాల్పడినా.. వారి యూట్యూబ్ ఛానల్స్ క్లోజ్ అయ్యేలా స్ట్రైక్స్ వేయిస్తామని, చట్టపరంగా కఠినమైన శిక్షలు పడేలా ముందుకు వెళ్తామని తీవ్రంగా హెచ్చరించారు.
