తెలుగులో ఆమె బ్లాక్ బస్టర్ హీరోయిన్. 6 సినిమాలు చేస్తే 5 సూపర్ హిట్లు ఉన్నాయి. చిరంజీవితో నటించడం పీడకల అంటూ కామెంట్స్ చేసింది. ఆమె ఎవరు ఎందుకు అలా మాట్లాడిందో ఈ కథనంలో తెలుసుకుందాం.
కొందరు హీరోయిన్లు తక్కువ సినిమాల్లో నటించినప్పటికీ చాలా పెద్ద ఇంపాక్ట్ క్రియేట్ చేసి వెళుతుంటారు. అలాంటి వారిలో సోనాలి బింద్రే ఒకరు. మురారి చిత్రంలో సోనాలి బింద్రే తెలుగు ఇండస్ట్రీలోకి అడుగుపెట్టింది. మహేష్ బాబు సరసన నటించిన ఆ మూవీ సూపర్ హిట్ అయింది.
25
టాలీవుడ్ లో సోనాలి ట్రాక్ రికార్డ్
సోనాలి బింద్రేకి టాలీవుడ్ లో అద్భుతమైన ట్రాక్ రికార్డ్ ఉంది. ఆమె 6 సినిమాల్లో నటిస్తే 5 చిత్రాలు బ్లాక్ బస్టర్ హిట్స్ అయ్యాయి. ఒక్కటి మాత్రమే ఫ్లాప్ అయింది. మురారి, ఇంద్ర, మన్మథుడు, ఖడ్గం, శంకర్ దాదా ఎంబీబీఎస్ చిత్రాలు సూపర్ హిట్స్ అయ్యాయి. బాలయ్యతో చేసిన పలనాటి బ్రహ్మనాయుడు చిత్రం మాత్రం డిజాస్టర్ అయింది.
35
చిరంజీవితో సినిమా పీడకల
ఓ ఇంటర్వ్యూలో చిరంజీవితో కలసి నటించడం పీడకల అంటూ షాకింగ్ కామెంట్స్ చేసింది. అదేంటి మెగాస్టార్ తో చేసిన 2 సినిమాలు ఇంద్ర, శంకర్ దాదా మంచి హిట్స్ అయ్యాయి కదా అనే సందేహం రావచ్చు. కానీ ఆమె ఎందుకు పీడకల అని అన్నారంటే.. చిరంజీవి కలసి డ్యాన్స్ చేయడం చాలా కష్టం అట.
సోనాలి మాట్లాడుతూ.. ఇంద్ర సినిమా ఎంత పెద్ద హిట్ అయిందో అందరికీ తెలుసు. కానీ అది నాకు ఒక పీడకల. సాంగ్ షూటింగ్ ఉంది అంటే ముందు రోజు నాకు నిద్ర పట్టదు. చిరంజీవి గారితో కలిసి డ్యాన్స్ చేయడం చాలా కష్టం. ఆయనతో సమానంగా ఎవ్వరూ డ్యాన్స్ చేయలేరు. దాయి దాయి దామ్మా సాంగ్ షూటింగ్ టైం ఆ వీణ స్టెప్ చూసి కళ్ళు తిరిగాయి. ఏంటి ఈ స్టెప్ నేను కూడా వేయాలా అని సెట్స్ లో అడిగాను. లేదు ఆయన మాత్రమే వేస్తారు అని చెప్పడం హమ్మయ్య అని ఊపిరి పీల్చుకున్నట్లు సోనాలి తెలిపారు.
55
చిరు ఫ్యామిలీ మొత్తం అక్కడే
రాదే గోవిందా అనే సాంగ్ ని కూడా మరచిపోలేను. పెద్ద సెట్ లో హైదరాబాద్ లో షూట్ చేశాం. ఆ సాంగ్ షూటింగ్ జరుగుతున్నప్పుడు చిరంజీవి గారి ఫ్యామిలీ, పిల్లలు మొత్తం వచ్చారు అని సోనాలి తెలిపారు. మురారి చిత్రం కూడా నాకు ఒక మెమొరబుల్ ఎక్స్పీరియన్స్. ఆ సినిమా ద్వారా తెలుగు కల్చర్, పెళ్లి సాంప్రదాయాల గురించి బాగా తెలుసుకున్నా అని సోనాలి బింద్రే తెలిపారు.
