రైటర్‌ని గాఢంగా ప్రేమించిన వాణి విశ్వనాథ్‌.. పెళ్లి చేసుకునేందుకు గుడికి వెళితే, హార్ట్ బ్రేక్‌ అయిన సందర్బం

ఒకప్పుడు స్టార్‌ హీరోయిన్‌గా రాణించింది నటి వాణి విశ్వనాథ్‌. దాదాపు అందరు టాప్‌ హీరోలతో నటించి అలరించింది. హీరోయిన్‌గా తిరుగులేని ఇమేజ్‌ని సొంతం చేసుకుంది. తెలుగు, మలయాళంలో ఎక్కువగా సినిమాలు చేసి మెప్పించింది. ఈ క్రమంలో వాణి విశ్వనాథ్‌ గురించి ఓ ఆసక్తికర విషయం బయటకు వచ్చింది. రైటర్‌తో ప్రేమ వ్యవహారం ఆశ్చర్యపరుస్తుంది.   

vani viswanath

సీనియర్‌ నటి వాణి విశ్వనాథ్‌.. ఇప్పుడు సినిమాలకు దూరంగా ఉంటున్నారు. ఆ మధ్య రాజకీయాల్లో యాక్టివ్‌ అయ్యారు. మరోవైపు పలు సామాజిక కార్యక్రమాల్లోనూ పాల్గొన్నారు. ఇదిలా ఉంటే వాణి విశ్వనాథ్‌.. మలయాళ నటుడు, దర్శకుడు బాలు రాజ్‌ని పెళ్లి చేసుకుంది. వీరిద్దరు ప్రేమించుకుని పెళ్లి చేసుకున్నారు. అయితే వాణి విశ్వనాథ్‌.. అంతకంటే ముందే మరో రైటర్‌ని ప్రేమించిందట. 

Vani Viswanath

వాణి విశ్వనాథ్‌ మలయాళ నటి. మలయాళంతోపాటు తెలుగులోనూ ఎక్కువగా సినిమాల చేశారు. `ధర్మతేజ`, `సింహ స్వప్నం`, `సాహసమే నా ఊపిరి`, `కొదమ సింహం`, `మామా అల్లుడు`, `పరిష్కారం`, `సర్పయాగం`, `ఘరానా మొగుడు`, `సామ్రాట్‌ అశోక`, `గ్యాంగ్‌ మాస్టర్‌` వంటి చిత్రాల్లో నటించి మెప్పించింది. తెలుగులో సీనియర్‌ హీరోలందరితోనూ కలిసి నటించింది. 

vani viswanath

వాణి విశ్వనాథ్‌ వందకుపైగా సినిమాలు చేసింది. తెలుగు, మలయాళంలోనే కాదు, తమిళం, కన్నడ చిత్రాల్లోనూ నటించింది. ఈ క్రమంలో వాణి విశ్వనాథ్‌ ఓ యంగ్‌ రైటర్‌తో ప్రేమలో పడిందట.

అది పెళ్లి వరకు వెళ్లిందట. ఆయన ఎవరో కాదు అప్పట్లో స్టార్‌ రైటర్‌గా రాణించిన తోటపల్లి మధు కావడం విశేషం. ఆయనే ఈ విషయాన్ని వెల్లడించారు. వాణి విశ్వనాథ్‌తో పెళ్లి వరకు వెళ్లినట్టు తెలిపారు. 

ఆయన మాట్లాడుతూ, `భలే దంపతులు` సమయంలో తాను, వాణి విశ్వనాథ్‌ బాగా ప్రేమించుకున్నామని, అంతేకాదు ఏకంగా పెళ్ళి చేసుకుందామని నిర్ణయించుకున్నట్టు తెలిపారు. కేరళాలోని గురువాయి టెంపుల్‌కి కూడా వెళ్లారట.

అంతకు ముందే ఏడాదిపాటు కలిసి తిరిగామని, తరచూ కలుస్తుండేవాళ్లమని, ఇక ఎలాగైనా మ్యారేజ్‌ చేసుకోవాలని టెంపుల్‌కి వెళితే ఆ రోజు గుడి తెరవలేదు. సూర్యగ్రహనం కారణంగా ఆ రోజు తెరవలేదు. దీంతో తిరిగి వెనక్కి వచ్చాం. అలా మిస్‌ అయిపోయింది. 

thotapalli madhu

ఇలా మరో రెండు మూడు సార్లు జరిగింది. పెళ్లి వరకు వెళ్లి ఆగిపోయింది. దీంతో ఇక ఇది వర్కౌట్ కాదని వదిలేసుకున్నాం. ఆ బాధలో నుంచి పుట్టిందే ఈ కవిత్వం అని వెల్లడించారు తోటపల్లి మధు. రైటర్‌గా అనేక బ్లాక్‌ బస్టర్‌ చిత్రాలకు పనిచేసిన ఆయన నటుడిగానూ అలరించారు. పాజిటివ్‌ రోల్స్ తోపాటు, నెగటివ్‌రోల్స్ కూడా చేసి మెప్పించారు. ఇప్పుడు కూడా అడపాదడపా చిత్రాల్లో నటిస్తూ ఆకట్టుకుంటున్నారు.