సిద్ధార్థ్ - అదితిరావు హైదరి చాలకాలంగా ప్రేమలో ఉన్నట్టు వార్తలు వస్తున్న విషయం తెలిసిందే. వీరిద్దరూ కలిసి జంటగా దర్శనమిస్తూనే ఉన్నారు. ఇక తాజాగా వీరు వివాహాబంధంలోకి అడుగుపెట్టారు.
నటుడు సిద్ధార్థ్ (Siddharth) - అదితిరావు హైదరి (Aditi Rao Hydari) కొంత కాలంగా ప్రేమలో మునిగి తేలుతున్న విషయం తెలిసిందే. ఈ లవ్ బడ్స్ స్వేఛ్చగా తిరుగుతూ చాలా సార్లు మీడియా కంట పడ్డ విషయం కూడా విధితమే.
అయితే వీరి ప్రేమపై ఎప్పుడూ అధికారికంగా స్పందించలేదు. కానీ వీరిద్దరూ జంటగా కలిసి తిరగడం.. ఒకరిపై మరొకరు చూపుతున్నకేరింగ్, శ్రద్ధతో వీరిది లవ్ అని అభిమానులే కన్ఫమ్ చేశారు.
అప్పటి నుంచి ఈ జంట ఎప్పుడు గుడ్ న్యూస్ చెబుతుందా? అని ఎదురుచూస్తున్నారు. వీరు పెళ్లి ఎప్పుడు చేసుకోబోతున్నారని వేచి ఉన్న అభిమానులకు తాజాగా శుభవార్త అందింది.
మొత్తానికి సిద్ధార్థ్ - అదితి రావు హైదరి వివాహ బంధంలో అడుగుపెట్టారు. ఎట్టకేలకు పెళ్లితో ఒక్కటయ్యారు. అయితే వీరు రహస్యంగా పెళ్లి చేసుకోవడం ఆసక్తికరంగా మారింది.
తెలంగాణలోని వనపర్తి జిల్లా శ్రీరంగాపూర్‌లోని రంగనాథ స్వామి ఆలయ మండపంలో అత్యంత సన్నిహితులు, కుటుంబ సభ్యులతో వీరి వివాహ వేడుక జరిగింది. హిందూ సంప్రదాయం ప్రకారం మూడుముళ్ల బంధంలోకి అడుగుపెట్టారు.
ఇక వీరిద్దరి మధ్య ’మహాసముద్రం‘ మూవీ సెట్స్‌లో ప్రేమ చిగురించింది. అదికాస్తా ప్రేమగా మారింది. చివరిగా వీరు పెళ్లి చేసుకొని సంతోషమైన జీవితంలోకి అడుపెట్టడంతో అభిమానులు కూడా ఖుషి అవుతున్నారు. నెట్టింట శుభాకాంక్షలు తెలుపుతున్నారు. ఇక సిదార్థ్ కు ఇది రెండో పెళ్లి కావడం గమనార్హం. మొదటి భార్య మొఘనతో 2007లో విడాకులైన విషయం తెలిసిందే.