Aamir Khan 3rd Wedding: ఇద్దరు మాజీ భార్యల ముందే అమీర్‌ ఖాన్‌ మూడో పెళ్లి? జూలైలో వరుస పెళ్లిళ్లు

Aamir Khan Wedding: బాలీవుడ్‌ మిస్టర్‌ పర్‌ఫెక్ట్ అమీర్‌ ఖాన్‌ మూడో పెళ్లికి రెడీ అయ్యాడు. ఆయన తన ప్రియురాలు గౌరీ స్ప్రాట్‌ని మ్యారేజ్‌ చేసుకోబోతున్నాడు. దీనికి ముహూర్తం కూడా ఫిక్స్ అయ్యింది. అలాగే జులైలో బాలీవుడ్‌లో చాలా పెళ్లిళ్లు జరగబోతున్నాయి. 

బాలీవుడ్‌లో పెళ్లిళ్ల మోత

బాలీవుడ్‌లో ప్రస్తుతం పెళ్లిళ్ల సీజన్ నడుస్తోంది. గ్లామర్, బంధాలు, స్టార్ పవర్ గురించే అంతటా చర్చ. ఆమిర్ ఖాన్ పెళ్లి నుంచి అన్షులా కపూర్, ఆకాంక్ష రంజన్ పెళ్లి వరకు ఇండస్ట్రీ మొత్తం వెడ్డింగ్ మోడ్‌లో ఉంది. ఈ పెళ్లిళ్లకు పెద్ద పెద్ద స్టార్లు, కుటుంబ సభ్యులు, సినీ ప్రముఖులు హాజరుకానున్నారు. ఇవి కేవలం పెళ్లిళ్లు మాత్రమే కాదు, బీ-టౌన్‌లో హాట్ టాపిక్‌గా మారిన సోషల్, స్టార్-స్టడెడ్ ఈవెంట్స్. 

ఆమిర్ ఖాన్ మూడో పెళ్లి ఎప్పుడు, ఎక్కడ?

అమీర్ ఖాన్ జూలై 5న ముంబైలో తన పార్ట్‌నర్ గౌరీ స్ప్రాట్‌ ఒక ప్రైవేట్ వేడుకలో పెళ్లి చేసుకోబోతున్నాడు. ఈ వేడుకకు ఆయన మాజీ భార్యలు రీనా దత్తా, కిరణ్ రావ్ కూడా హాజరవుతారని సమాచారం. వారితో పాటు తల్లి జీనత్, సోదరీమణులు నిఖత్ ఖాన్ హెగ్డే, ఫర్హత్ ఖాన్ దత్తా కూడా పాల్గొంటారు. ఆమిర్ ముగ్గురు పిల్లలు జునైద్, ఐరా, ఆజాద్‌తో పాటు గౌరీ కొడుకు కూడా ఈ వేడుకలో భాగం కానున్నారు. మన్సూర్ ఖాన్, నుజత్ ఖాన్, ఇమ్రాన్ ఖాన్ తన పార్ట్‌నర్ లేఖా వాషింగ్టన్‌తో కలిసి హాజరుకావచ్చు. షారుఖ్ ఖాన్, సల్మాన్ ఖాన్ కూడా వచ్చే అవకాశం ఉందని అంచనా వేస్తున్నారు. 

గౌరీ స్ప్రాట్‌కి 'రెండో గౌరీ ఖాన్' అని పేరు

అమీర్ ఖాన్, గౌరీ స్ప్రాట్‌ పెళ్లి వార్తల తర్వాత, సోషల్ మీడియాలో గౌరీ స్ప్రాట్‌ని సరదాగా 'రెండో గౌరీ ఖాన్' అని పిలుస్తున్నారు. నిజానికి అసలు గౌరీ ఖాన్, షారుఖ్ ఖాన్ భార్య గౌరీ చిబ్బర్. వీరి పెళ్లి 1991లో జరిగింది. రిపోర్ట్స్ ప్రకారం, గౌరీ స్ప్రాట్‌ గత రెండేళ్లుగా ఆమిర్‌తో రిలేషన్‌షిప్‌లో ఉంది. ఆమె అమీర్ కుటుంబంతో కూడా బాగా కలిసిపోయింది. ఆమె తరచుగా అమీర్ ఖాన్ ప్రొడక్షన్స్ ఆఫీసులో కూడా కనిపిస్తుంటుంది.

మూడు రోజుల పాటు అన్షులా కపూర్ గ్రాండ్ పంజాబీ-గుజరాతీ వెడ్డింగ్

బోణీ కపూర్ కూతురు, అర్జున్ కపూర్ సోదరి అన్షులా కపూర్, రైటర్ రోహన్ ఠక్కర్‌ల పెళ్లి జూలై 4 నుంచి 6 వరకు ముంబైలోని ఒక ఫైవ్-స్టార్ హోటల్‌లో జరగనుంది. హల్దీ, మెహందీ, సంగీత్, పెళ్లి, రిసెప్షన్ వంటి ఫంక్షన్లతో ఈ పెళ్లి చాలా గ్రాండ్‌గా జరగనుంది. బోణీ కపూర్ ఈ పెళ్లి ఏర్పాట్ల బాధ్యతను చూసుకుంటున్నారు. అర్జున్ కపూర్ తన సోదరితో కలిసి షాపింగ్, అతిథులను ఆహ్వానించడంలో బిజీగా ఉన్నాడు. కపూర్ కుటుంబ సభ్యులు జాన్వీ, ఖుషీ, అనిల్ కపూర్, సంజయ్ కపూర్, ఇతర బంధువులు ఈ పెళ్లికి హాజరవుతారు.

ఆకాంక్ష రంజన్ పెళ్లిలోనూ బాలీవుడ్ తారల సందడి

ఆలియా భట్ బెస్ట్ ఫ్రెండ్ ఆకాంక్ష రంజన్, ఫిల్మ్‌మేకర్ శరణ్ శర్మను జూలై 12న పెళ్లి చేసుకోబోతోంది. పెళ్లి వేడుకలు మూడు రోజుల పాటు జరుగుతాయి. ఈ పెళ్లిలో ఆలియా భట్ ప్రత్యేక ఆకర్షణగా నిలవనుంది. ఆమె ఫ్యాషన్ లుక్స్ గురించి ఇప్పటికే చర్చ మొదలైంది. కరణ్ జోహార్, అతని ధర్మా గ్యాంగ్ కూడా ఈ పెళ్లికి హాజరుకావచ్చు. ఆకాంక్ష, శశి రంజన్ కూతురు. ఆమె సోదరి అనుష్క రంజన్, యాక్టర్ ఆదిత్య సీల్‌ను పెళ్లి చేసుకుంది. వీరు త్వరలోనే తల్లిదండ్రులు కాబోతున్నారు. మొత్తంగా బాలీవుడ్‌లో వరుసగా పెళ్లి బాజాలు మోగబోతున్నాయని చెప్పొచ్చు.