బాలీవుడ్ మిస్టర్ పర్ఫెక్ట్ అమీర్ ఖాన్ కుమార్తె ఐరా ఖాన్ ఇటీవల వార్తల్లో నిలుస్తోంది. 25 ఏళ్ళ ఐరా ఖాన్.. అమీర్, రీనా దత్త లకు సంతానం. రీనా దత్తా అమీర్ ఖాన్ మొదటి భార్య. జునైద్ ఖాన్ కూడా వీళ్లిద్దరి కొడుకే. ఐరా ఖాన్ గత రెండేళ్లుగా నుపుర్ తో రిలేషన్ లో ఉంది. ఇటీవల తమ బంధాన్ని ఐరా ఖాన్ అధికారికంగా ప్రకటించింది.
నుపుర్ బాలీవుడ్ సెలెబ్రెటీలకు ఫిట్ నెస్ ట్రైనర్ గా పనిచేస్తున్నాడు. ఐరా ఖాన్ కు నుపుర్ ఫిట్ నెస్ ట్రైనింగ్ ఇస్తున్న దృశ్యాలు సోషల్ మీడియాలో వైరల్ అయ్యాయి. సుష్మితా సేన్ కి కూడా ఫిట్ నెస్ ట్రైనర్ గా చాలా కాలం నుంచి పనిచేస్తున్నాడు. ఐరా, నుపుర్ లవ్ స్టోరీ బాలీవుడ్ లో తెగ వైరల్ గా మారింది.
ఇక త్వరలో వీరిద్దరూ వివాహం చేసుకునేందుకు రెడీ అవుతున్నారు. అందులో భాగంగా నేడు వీరిద్దరి నిశ్చితార్థం జరిగింది. వీరిద్దరి నిశ్చితార్థం ఇండియన్ స్టయిల్ లో కుటుంబ సభ్యులు బంధువుల సమక్షంలో ఘనంగా ఏమీ జరగలేదు. ప్రస్తుతం ఈ జంట ఇటలీ వెకేషన్ లో ఉన్నారు.
ఈ సందర్భంగా నుపుర్ మోకాళ్లపై కూర్చుని ఇరా చేతి వెలికి ఉంగరం తొడిగాడు. నన్ను పెళ్లి చేసుకుంటావా అని అడగగా.. ఐరా యస్ అంటూ సమాధానం ఇచ్చింది. అనంతరం అతడికి లిప్ కిస్ ఇచ్చింది. అక్కడ ఉన్న వారంతా చప్పట్లతో ఈ జంటకు శుభాకాంక్షలు తెలిపారు.
ఇలా కుటుంబ సభ్యులకు దూరంగా అమీర్ ఖాన్ కుమార్తె నిశ్చితార్థం జరిగింది. ఐరా ఖాన్ ఈ దృశ్యాలని సోషల్ మీడియాలో షేర్ చేసింది. నుపుర్, ఐరా ఇద్దరూ తరచుగా సోషల్ మీడియాలో తమ సన్నిహిత ఫోటోలని షేర్ చేయడం చూస్తూనే ఉన్నాం.
పండగలు వచ్చినప్పుడు ఐరా ఖాన్.. నుపుర్ ఇంట్లోనే ఉంటూ వారి కుటుంబ సభ్యులతో సెలెబ్రేట్ చేసుకుంటూ ఉంటుంది. పెళ్ళికి ముందే నుపుర్ ఫ్యామిలీతో ఐరా కలిసిపోయింది.