Top Run-Scorers in Cricket 2023: శుభ్‌మ‌న్ గిల్ vs విరాట్ కోహ్లీ బిగ్ ఫైట్

Shubman Gill vs Virat Kohli: 2023లో అంతర్జాతీయ క్రికెట్ లో 52 ఇన్నింగ్స్ ల‌లో 2154 పరుగులు చేసిన శుభ్‌మ‌న్ గిల్ తిరుగులేని ఆటగాడిగా ఎదిగాడు. అలాగే, మ‌రో స్టార్ ప్లేయ‌ర్ విరాట్ కోహ్లీ ఈ ఏడాది 36 ఇన్నింగ్స్ ల‌లో 2048 పరుగులు చేసి సత్తాచాటాడు.  

Virat Kohli-Shubman Gill

Top Run-Scorers in International Cricket 2023: ఈ ఏడాది క్రికెట్ ప్ర‌పంచంలో భార‌త ప్లేయ‌ర్స్ త‌మ వ్య‌క్తిగ‌త ప్ర‌ద‌ర్శ‌న‌లో పోటీ ప‌డుతూ ఈ ఏడాదిని ముగించారు. 2023లో క్రికెట్ లో అత్య‌ధిక ప‌రుగులు చేసిన టాప్-5 బ్యాట‌ర్ల‌లో ఇద్ద‌రు మ‌నోళ్లే ఉన్నారు. టీమిండియా స్టార్ ప్లేయ‌ర్ విరాట్ కోహ్లీ, శుభ్‌మ‌న్ గిల్ లు మొద‌టి స్థానం కోసం పోటీ ప‌డ్డారు.

Virat Kohli-Shubman Gill

అంతర్జాతీయ క్రికెట్ లో 2023 సంవత్సరంలో అత్య‌ధిక ప‌రుగుల లిస్టులో ఆధిపత్యం కోసం హోరాహోరీ పోరుకు దారితీసింది. విరాట్ కోహ్లీ, శుభ్‌మ‌న్ గిల్ లు తమ బ్యాటింగ్ తో అద‌ర‌గొడుతూ ప‌రుగుల వ‌ర‌ద పారించారు.

శుభ్‌మ‌న్ గిల్ అద్భుత ప్రదర్శన

భార‌త యువ సంచలనం శుభ్‌మ‌న్ గిల్ ఈ ఏడాది అత్య‌ధిక ప‌రుగులు చేసిన క్రికెట్ ప్లేయ‌ర్ గా నిలిచాడు. 52 ఇన్నింగ్స్ ల‌లో 2154 పరుగులు సాధించి తన అద్భుత ప్రదర్శనతో క్రికెట్ ప్రపంచాన్ని ఉర్రూతలూగించాడు. నిలక‌డైన బ్యాటింగ్, ఓపెన‌ర్ గా భారీ స్కోర్లు చేయ‌డంలో ప్రావీణ్యం, బ్యాట్ తో ధ‌నాధ‌న్ ఇన్నింగ్స్ ను సైతం ఆడ‌గ‌ల సామర్థ్యం గిల్ ను అంతర్జాతీయ వేదికపై గుర్తించదగిన శక్తిగా నిలబెట్టడంలో కీలకంగా ఉన్నాయి.

Virat Kohli-Shubman Gill

ర‌న్ మిష‌న్ విరాట్ కోహ్లీ.. 

విరాట్ కోహ్లీ ఈ ఏడాది అనేక రికార్డులు బ‌ద్ద‌లు కొట్టాడు. మ‌రోసారి తాను క్రికెట్ ర‌న్ మిష‌న్ అని నిరూపించాడు. 2023లో కేవ‌లం 36 ఇన్నింగ్స్ ల‌లోనే 2048 పరుగులు చేశాడు. అలుపెరగని పనితీరు, ఆట‌లో నైపుణ్యం విరాట్ కోహ్లీని ప్రపంచంలోని టాప్ బ్యాట్స్ మెన్ గా నిలబెట్టాయి.

Virat Kohli-Shubman Gill

క్రికెట్ అంటేనే నెంబ‌ర్స్ గేమ్. ఇక్కడ క్రీడాకారులు సాధించిన గ‌ణాంకాలే వారిని ఆట తీరును నొక్కిచెబుతాయి. ఈ విష‌యంలో ఈ ఏడాది శుభ్‌మ‌న్ గిల్, విరాట్ కోహ్లీలు భారీగా పరుగులు చేయడమే కాకుండా అద్భుతమైన సగటు, స్ట్రైక్ రేట్ తో రాణిస్తున్నారని స్పష్టమవుతోంది. వివిధ పరిస్థితులను, ప్రత్యర్థులను ఎదుర్కొనే సామర్థ్యం వారి క్రికెట్ చతురతకు మరింత బలాన్ని చేకూరుస్తుంది.

Virat Kohli-Shubman Gill

క్రికెట్ లో ఈ ఏడాది అత్యధిక పరుగుల రేసు తీవ్రంగా ఉన్నప్పటికీ గిల్, కోహ్లీల మధ్య గ్రౌండ్ లోప‌ల‌, బ‌య‌ట మంచి సంబంధాలు ఉన్నాయి.  మైదానం వెలుపల వారి స్నేహం,  గ్రౌండ్ లో వారి స్నేహపూర్వక పోటీ ఈ ఆధిపత్య పోరు ఆకర్షణగా మార్చింది. ఈ ఏడాది టాప్ ప‌రుగుల ఆధిపత్యం కోసం ఈ ఇద్దరు స్టార్ ప్లేయ‌ర్లు పోటీ ప‌డి ర‌న్స్ చేయ‌డంతో క్రికెట్ ప్రియుల‌కు మ‌రింత వినోదాన్ని అందించింద‌నే చెప్పాలి.