టాస్ ఓడి తొలుత బ్యాటింగ్ చేసిన టీమిండియా, నిర్ణీత 50 ఓవర్లలో 8 వికెట్లు కోల్పోయి 201 పరుగులు చేసింది. టీనేజ్ సెన్సేషన్ ఓపెనర్ షెఫాలీ వర్మ 14 బంతుల్లో 3 ఫోర్లతో 15 పరుగులు చేసి అవుట్ అయ్యింది...
స్టార్ ఓపెనర్ స్మృతి మందాన 25 బంతుల్లో ఓ ఫోర్‌తో 10 పరుగులు చేయగా పూనమ్ రౌత్ 61 బంతుల్లో 4 ఫోర్లతో 32 పరుగులు చేసింది. హర్మన్‌ప్రీత్ కౌర్ 7 బంతులాడి 1 పరుగుకే అవుట్ అయ్యింది.
దీప్తి శర్మ 46 బంతుల్లో 3 ఫోర్లతో 30 పరుగులు చేయగా, కెప్టెన్ మిథాలీరాజ్ 108 బంతుల్లో 7 ఫోర్లతో 72 పరుగులు చేసింది.
కెరీర్‌లో 56వ వన్డే హాఫ్ సెంచరీ సాధించిన మిథాలీరాజ్, మహిళల క్రికెట్‌లో అత్యధిక అర్ధశతకాలు సాధించిన ప్లేయర్‌గా తన రికార్డును మెరుగుపర్చుకుంది.
భారత జట్టు ఇన్నింగ్స్‌లో 181 డాట్ బాల్స్ ఉండగా, ఇంగ్లాండ్ జట్టు ఈ లక్ష్యాన్ని 199 బంతుల్లోనే చేధించింది. విన్‌ఫీల్డ్ హిల్ 16, హేతర్ నైట్ 18 పరుగులు చేసి అవుటైనా టమ్మీ బేమోంట్ 87 బంతుల్లో 12 ఫోర్లు, ఓ సిక్సర్‌తో 87 పరుగులు చేయగా, నటాలీ సీవర్ 74 బంతుల్లో 10 ఫోర్లు, ఓ సిక్సర్‌తో 74 పరుగులు చేసి అజేయంగా నిలిచింది.
మూడు వన్డేల సిరీస్‌లో 0-1 తేడాతో వెనకంజలో ఉన్న టీమిండియా సారథి మిథాలీరాజ్, స్ట్రైయిక్ రొటేషన్ చేయడంతో తాము విఫలమయ్యామని, తర్వాతి మ్యాచ్‌లో మార్పులు ఉంటాయని పేర్కొంది...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి