Bhuvneshwar Kumar Daughter: భారత జట్టులో డెత్ ఓవర్ల స్పెషలిస్ట్ బౌలర్ గా గుర్తింపు తెచ్చుకున్న భువనేశ్వర్ కుమార్ భార్య నుపుర్ గతనెలలో ఆడబిడ్డకు జన్మనిచ్చింది. తాజాగా భువీ తన కూతురు ఫోటోను సోషల్ మీడియాలో షేర్ చేశాడు.
టీమిండియా సీనియర్ పేసర్ భువనేశ్వర్ కుమార్ ఇటీవలే తండ్రి అయిన విషయం తెలిసిందే. గత నెలలో భువీ భార్య నుపుర్.. పండంటి ఆడ బిడ్డకు జన్మనిచ్చింది.
భువనేశ్వర్-నుపుర్ ల నాలుగో పెళ్లి రోజు జరుపుకున్న తర్వాత రోజే ఈ పాపాయి జన్మించింది. దీంతో భువీ కుటుంబంలో సంబురాలు అంబరాన్నంటాయి.
న్యూజిలాండ్ తో టీ20 సిరీస్ సందర్భంగా కూతురుని చూడటానికి రెండ్రోజులు ఆలస్యంగా ఇంటికివెళ్లిన భువీ.. వెళ్లాక మాత్రం కూతురును విడిచి ఉండటం లేదు. తన గారాల పట్టిని చూసుకుని మురిసిపోతున్నాడు.
తాజాగా.. భువీ తన కూతురుకు సంబంధించిన ఫోటోను తొలిసారిగా సోషల్ మీడియాలో పంచుకున్నాడు. ఫోటోలో భువీ.. కూతురును ఎత్తుకుని ఉండగా.. అతడి భార్య నుపుర్ ఆమెను ఆత్మీయంగా చూస్తున్నది. ఈ ఫోటో ఇప్పుడు నెట్టింట వైరల్ అవుతున్నది.
ఈ క్రమంలో వారికి శుభాకాంక్షలు వెల్లువెత్తుతున్నాయి. అభిమానులతో పాటు పలువురు క్రికెటర్లు కూడా భువీ దంపతులకు శుభాకాంక్షలు చెబుతున్నారు. టీమిండియా మాజీ క్రికెటర్ సురేశ్ రైనా కూడా భువీకి విషెస్ తెలియజేశాడు.
భువీ షేర్ చేసిన ఫోటోపై పలువురు నెటిజన్లు స్పందిస్తూ... ‘భారత జట్టు డాటర్స్ లిస్ట్ లో మరో రాకుమారి..’ అంటూ కామెంట్స్ చేస్తున్నారు.
టీమిండియా మాజీ సారథి మహేంద్ర సింగ్ ధోని తో పాటు ప్రస్తుత టెస్టు జట్టు కెప్టెన్ విరాట్ కోహ్లీ, పరిమిత ఓవర్ల క్రికెట్ కెప్టెన్ రోహిత్ శర్మ, పుజారా, రహానే, రైనా సహా పలువురు క్రికెటర్లంతా ఆడపిల్లల తండ్రులే కావడం గమనార్హం.