వార్నీ స్మిత్.. మోస్ట్ సక్సెస్‌ఫుల్ టీమ్ అంటే ఇదా.. బ్యాట్ పట్టుకుంటావనుకుంటే అది పడతావా..!

IPL 2023:  ఆస్ట్రేలియా  మాజీ సారథి, ఇటీవల ఇండియా పర్యటనలో పాట్ కమిన్స్   స్థానాన్ని భర్తీ చేసిన  స్టీవ్ స్మిత్ రెండ్రోజుల క్రితం తాను ఐపీఎల్ లో పునరాగమనం చేస్తున్నానని  ప్రకటించి.. మోస్ట్ ఫ్యాషనేట్ టీమ్ తో కలవబోతున్నానని చెప్పి   ఆసక్తి రేపాడు. 

ఆస్ట్రేలియా  జట్టు మాజీ సారథి  ఐపీఎల్ లో  పునరాగమనం  సిద్ధమైంది. ఇటీవలే  ఓ వీడియో ద్వారా  క్యాష్ రిచ్ లీగ్ లోకి రీఎంట్రీ ఇస్తానని వీడియో విడుదల చేసిన  స్మిత్.. తాజాగా అందుకు సంబంధించిన అప్డేట్ ఇచ్చాడు.  అతడి నిర్ణయం అందరినీ విస్మయానికి గురి చేసింది. 

రెండ్రోజుల క్రితం  స్మిత్ ట్విటర్ ద్వారా స్పందిస్తూ.. ‘నమస్తే ఇండియా..  నేను మీ కోసం ఓ ఎగ్జయిటింగ్ న్యూస్ చెప్పబోతున్నా.  నేను ఈ ఏడాది ఐపీఎల్ లో జాయిన్ కాబోతున్నా.  భారత్ లో మోస్ట్ ఎక్సెప్షనల్, ప్యాషనేట్ టీమ్ తో  చేతులు కలపబోతున్నా...’అని   వీడియోలో  పేర్కొన్నాడు.  

స్మిత్ ఈ వీడియో పోస్ట్ చేసిన కొద్దిసేపట్లోనే   నెట్టింట  ఇది వైరల్ గా మారింది. అయితే స్మిత్ ఏ టీమ్ లో  జాయిన్ కాబోతున్నాడని ఫ్యాన్స్ తెగ వెతికారు. ఏ జట్టు తరఫున ఆడనున్నాడనే విషయం స్పష్టంగా చెప్పనప్పటికీ.. ఈ లీగ్ లో అత్యంత ప్రజాధరణ ఉన్న టీమ్ అన్నాడంటే స్మిత్ ఆర్సీబీ, చెన్నై, ముంబై టీమ్ లలో చేరతాడని  వార్తలు వచ్చాయి. ఇదే సమయంలో   అతడు  స్టార్ స్పోర్ట్స్ కామెంట్రీ  టీమ్ కు వస్తాడని గుసగుసలు వినిపించాయి.  

అంతా అనుకున్నట్టుగానే  స్మిత్ రెండోదానికి ఫిక్స్ అయ్యాడు.   తాజాగా ఓ ప్రకటలో.. ‘నాకు తెలిసినంతవరకూ  ఈ ఆటను నేను చాలా బాగా అర్థం చేసుకోగలను. అంతేగాక ఆటను విశ్లేషించే సామర్థ్యం కూడా ఉంది.  ఐపీఎల్  టీవీ ప్రసారహక్కులు దక్కించుకున్న స్టార్స్ స్పోర్స్  టీమ్ తో  కలిసి పనిచేసేందుకు ఎంతో ఆసక్తిగా  ఎదురుచూస్తున్నా..  ఇది నాకు సరికొత్త అనుభవం...’అని చెప్పాడు.  

స్మిత్ ప్రకటన తర్వాత పలువురు నెటిజన్లు స్పందిస్తూ...  ‘వార్నీ స్మిత్.. మోస్ట్ ఫ్యాషనేట్ టీమ్ అంటే  ఏదైనా ఫ్రాంచైజీ అనుకున్నాం కదయ్యా.. స్టార్  స్పోర్ట్స్ టీమా.. కామెంటేటర్ గా చేరడానికి ఇంత బిల్డప్ ఇచ్చావా..?’ అంటూ కామెంట్స్ చేస్తున్నారు. 

33 ఏండ్ల  స్మిత్.. ఐపీఎల్ లో మొత్తంగా 103 మ్యాచ్ లు ఆడాడు. 2012లో ఐపీఎల్ లోకి ఎంట్రీ ఇచ్చిన స్మిత్.. 2021 వరకూ    ఐపీఎల్ లో   ఆరు ఫ్రాంచైజీల తరఫున ఆడాడు.  రైజింగ్ పూణె సూపర్ జెయింట్స్, కొచ్చి టస్కర్స్, రాయల్ ఛాలెంజర్స్ బెంగళూరు, రాజస్తాన్ రాయల్స్, ఢిల్లీ క్యాపిటల్స్ తరఫున ప్రాతినిథ్యం వహించాడు.   103 మ్యాచ్ లు ఆడి  2,485 రన్స్  సాధించాడు.   ఇందులో 11 హాఫ్ సెంచరీలతో పాటు  ఒక సెంచరీ కూడా ఉంది.  2022 వేలంలో స్మిత్ ను కొనడానికి ఏ ఫ్రాంచైజీ ముందుకురాలేదు.