ఊర్వశి రౌతెల్లా తన నటన ద్వారా ఎంత మంది ఫాలోవర్లను సంపాదించుకుందో తెలీదు కానీ క్రికెటర్ రిషబ్ పంత్తో గొడవతో సోషల్ మీడియాలో కావాల్సినంత క్రేజ్ తెచ్చుకుంది. భారత క్రికెటర్ రిషబ్ పంత్ తనకోసం వారణాసి వచ్చి 10 గంటల పాటు హోటల్ లాబీలో వెయిట్ చేశాడని సంచలన వ్యాఖ్యలు చేసింది ఊర్వశి..
వీరిద్దరి మధ్య ఏం జరిగిందీ ఎవ్వరికీ తెలీదు కానీ ఒకప్పుడు రిషబ్ పంత్, ఊర్వశి రౌతెల్లా పీకల్లోతు ఉన్నారని ప్రచారం జరిగింది. ఈ ప్రచారం జోరుగా సాుగతున్న సమయంలోనే ఊర్వశి రౌతెల్లాని సోషల్ మీడియాలో బ్లాక్ చేశాడు క్రికెటర్ రిషబ్ పంత్.
అయితే ఊర్వశి మాత్రం రిషబ్ పంత్పై తనకున్న ప్రేమను సాధ్యమైనప్పుడల్లా బయటపెడుతూనే వచ్చింది. ఆసియా కప్ 2022 టోర్నీకి ముందు ఓ ఇంటర్వ్యూలో ‘మిస్టర్ ఆర్పీ’ అంటూ ఊర్వశి చేసిన వ్యాఖ్యలు పెద్ద దుమారమే రేపాయి...
అనుకోకుండా తన గురించి దేశమంతా చర్చ జరుగుతుండడంతో ఈ ఎపిసోడ్ని ఇన్స్టాగ్రామ్లో పెంచుతూ పోయింది ఊర్వశి రౌతెల్లా. తన ప్రేమను అనుసరిస్తూ ఆస్ట్రేలియా వెళ్తున్నట్టు ఊర్వశి రౌతెల్లా చేసిన పోస్టు క్రికెట్ ప్రపంచంలో హాట్ టాపిక్ అయ్యింది. ఆ తర్వాత కొన్ని రోజులు ‘మిస్టర్ ఆర్పీ’ అంటూ రామ్ పోతినేనితో దిగిన ఫోటోలను సోషల్ మీడియాలో పంచుకుంది ఊర్వశి..
Shubman Gill, Rishabh Pant, Urvashi Rautela
తాజాగా భారత క్రికెటర్ శుబ్మన్ గిల్, ఊర్వశి రౌతెల్లా ఎపిసోడ్ గురించి కొన్ని ఇంట్రెస్టింగ్ వ్యాఖ్యలు చేశాడు. ‘జనాలు, ఊర్వశి పేరు చెప్పి రిషబ్ పంత్ని ఏడిపిస్తూ ఉంటారు. మరి డ్రెస్సింగ్ రూమ్లో కూడా ఇలాగే చేస్తారా?’ అంటూ సోనమ్ భజ్వా, శుబ్మన్ గిల్ని ప్రశ్నించింది..
Rishabh Pant-Urvashi Rautela
‘ఊర్వశి ఇదంతా చేస్తుందో దీని కోసం. తన పేరు చెప్పి రిషబ్ పంత్ని ఏడిపించాలని, డిస్టర్బ్ చేయాలని కోరుకుంటోంది. ఎలాగైనా జనాల అటెన్షన్ దక్కించుకోవాలనేది తన ఆరాటం. రిషబ్ పంత్ ఆమెను అస్సలు పట్టించుకోడు. ఊర్వశి ఎందుకిలా చేస్తుందో రిషబ్కి బాగా తెలుసు..’ అంటూ కామెంట్ చేశాడు శుబ్మన్ గిల్.
Rishabh Pant vs Urvashi Rautela
కొన్నిరోజుల క్రితం కొందరు జనాల అటెన్షన్ దక్కించుకోవడానికి ఎంతకైనా దిగజారుతారు అంటూ ఊర్వశి రౌతెల్లా గురించి ఇన్స్టా స్టోరీ పోస్ట్ చేశాడు రిషబ్ పంత్. తాజాగా శుబ్మన్ గిల్ కూడా ఊర్వశిని ‘అటెన్షన్ సీకర్’ అంటూ తేల్చి పడేశాడు...