ఐసీసీ పురుషుల టీ20 వరల్డ్ కప్ పోటీలకు భారత జట్టుకు రోహిత్ శర్మ కెప్టెన్ గా వ్యవహరించేందుకు ప్రథమ ప్రాధాన్యత ఇస్తున్నారు.
ఐసీసీ పురుషుల టీ 20 వన్‌డే ప్రపంచ కప్ పోటీలు వెస్టిండీస్, అమెరికాలో 2024లో జరగనున్నాయి. 2024 జూన్ లో ఈ మ్యాచ్ లు జరగనున్నాయి. టీ 20 వన్ డే క్రికెట్ మ్యాచ్ లకు భారత జట్టుకు ఎవరు నాయకత్వం వహిస్తారనే చర్చ ఇటీవల కాలంలో క్రికెట్ అభిమానుల్లో నెలకొంది.
ఐసీసీ ప్రపంచకప్ పురుషుల వన్ డే 2023 పోటీల్లో రోహిత్ శర్మ నాయకత్వ తీరుపై ప్రశంసలు కురిశాయి. ఈ ప్రపంచకప్ లో భారత జట్టు టైటిల్ ఫేవరేట్ గా భావించారు. ఫైనల్ మ్యాచ్ మినహా అన్ని మ్యాచుల్లో భారత జట్టు విజయం సాధించింది. వచ్చే ఏడాది జరిగే ప్రపంచకప్ టీ 20 వన్ డే పోటీల్లో కూడ భారత జట్టు ఫేవరేట్ గా నిలవనుంది.
అయితే ఇదే సమయంలో ముంబై ఇండియన్స్ జట్టు కెప్టెన్ గా రోహిత్ శర్మ ను తొలగించడంపై చర్చ సాగుతుంది. ఐపీఎల్ 2024 లో ముంబై ఇండియన్స్ జట్టు కెప్టెన్ గా హార్దిక్ పాండ్యాను జట్టు మేనేజ్ మెంట్ నియమించింది.
టీ 20 పురుషుల ప్రపంచకప్ పోటీల్లో భారత జట్టుకు కెప్టెన్ గా రోహిత్ శర్మ ప్రథమ ప్రాధాన్యతగా ఉందని నివేదికలు చెబుతున్నాయి.
దైనిక్ జాగరణ్ పత్రిక నివేదిక ప్రకారంగా బీసీసీఐ అధికారులు హార్ధిక్ పాండ్యాను వచ్చే ఏడాది జరిగే టీ 20 పురుషుల ప్రపంచకప్ పోటీల్లో జట్టుకు కెప్టెన్సీని వహించాలని అడిగారు. అయితే ఇందుకు హార్దిక్ పాండ్యా నిరాకరించారని ఆ పత్రిక తెలిపింది.
రోహిత్ శర్మ మూడు ఫార్మాట్లలో కెప్టెన్ గా ఉన్నాడు. కెప్టెన్ గా రోహిత్ శర్మను బీసీసీఐ తొలగించలేదు. అయితే ముంబై ఇండియన్స్ మేనేజ్ మెంట్ నిర్ణయం బీసీసీఐ పై ఏ మాత్రం నిర్ణయం ప్రభావం చూపబోదని సమాచారం.
రోహిత్ శర్మ,హార్ధిక్ పాండ్యాలు ఫిట్ గా ఉన్నారు. వచ్చే ఏడాది జరిగే టీ 20 ప్రపంచకప్ పోటీలకు రోహిత్ శర్మ నాయకత్వం వహిస్తాడని హార్ధిక్ పాండ్యా సమాధానం ఇచ్చారని ఆ కథనం తెలిపింది.
2022 నవంబర్ 10 నుండి రోహిత్ శర్మ టీ20 వన్ డే మ్యాచ్ లు ఆడలేదు. రోహిత్ శర్మ జట్టులో లేని సమయంలో హార్ధిక్ పాండ్యా, జస్‌ప్రీత్ బుమ్రా, రుతురాజ్ గైక్వాడ్ , సూర్యకుమార్ యాదవ్ లు జట్టుకు నాయకత్వం వహిస్తున్నారు.
ముంబై ఇండియన్స్ జట్టు కెప్టెన్ గా రోహిత్ శర్మ స్థానంలో హార్దిక్ పాండ్యాను ఆ జట్టు నియమించింది. ముంబై ఇండియన్స్ జట్టుకు ఐపీఎల్ ట్రోఫీని అందించడంలో రోహిత్ శర్మ కీలకపాత్ర పోషించారు.