Rohit Sharma: అయ్యో అక్ష‌ర్ హ్యాట్రిక్.. ఎంత‌ప‌నిచేశావ్ రోహిత్ భాయ్ !

Rohit Sharma drops Jaker Ali's catch: దుబాయ్ ఇంటర్నేషనల్ స్టేడియంలో జరిగిన ఇండియా vs బంగ్లాదేశ్ మ్యాచ్‌లో రోహిత్ శర్మ జాకర్ అలీ క్యాచ్‌ను డ్రాప్ చేయడంతో అక్షర్ పటేల్ హ్యాట్రిక్ మిస్ అయ్యాడు.   

Rohit Sharma Drops Catch

Rohit Sharma drops Jaker Ali's catch: ఛాంపియన్స్ ట్రోఫీ 2025 లో భారత జట్టు గురువారం త‌న తొలి మ్యాచ్ ను బంగ్లాదేశ్ తో ఆడుతోంది. యూఏఈలోని దుబాయ్ అంతర్జాతీయ క్రికెట్ స్టేడియంలో జ‌రుగుతున్న ఈ మ్యాచ్ లో టాస్ గెలిచిన బంగ్లాదేశ్ టీమ్ బ్యాటింగ్ ఎంచుకుంది. 

అద్భుత‌మైన బౌలింగ్ తో భార‌త ప్లేయ‌ర్లు అద‌ర‌గొట్టారు. బంగ్లాదేశ్ ఆట‌గాళ్ల‌కు చెమ‌ట‌లు ప‌ట్టించారు. వ‌రుస వికెట్లు తీసుకుని బంగ్లాకు షాక్ ఇచ్చారు. మ‌రీ ముఖ్యంగా అక్ష‌ర్ ప‌టేల్ త‌న స్పిన్ మాయాజాలంలో అద్భుత‌మే చేశాడు. వ‌రుస‌గా వికెట్లు తీసుకున్నాడు. అయితే, రోహిత్ శ‌ర్మ చేసిన మిస్టేక్ కార‌ణంగా అక్ష‌ర్ ప‌టేల్ హ్యాట్రిక్ మిస్స‌య్యాడు. 

Image Credit: Getty Images

అక్షర్ పటేల్ హ్యాట్రిక్ మిస్ 

బంగ్లాదేశ్ ఇన్నింగ్స్ 9వ ఓవ‌ర్‌ను అక్ష‌ర్ ప‌టేల్ బౌలింగ్ చేయడానికి వచ్చాడు. ఈ ఓవ‌ర్‌లోని రెండో బంతికి తాంజిద్ హసన్ (25)ను అక్షర్ పటేల్ పెవిలియన్ కు పంపాడు. ఆ బంతి బ్యాట్ కు తగిలిన సౌండ్ కూడా అక్షర్ పటేల్ వినిపించలేదు. దీంతో అప్పీల్ కూడా చేయలేదు. కానీ, వికెట్ కీపర్ కేఎల్ రాహుల్ అప్పీల్ చేయడంలో అంపైర్ కొద్ది సేపటికి ఔట్ ఇచ్చారు.

ఆ తర్వాత ఎంత స్పీడ్ గా వచ్చాడో అంతే వేగంగా క్రీజును వదిలాడు ముష్ఫికర్ ర‌హీమ్. అద్భుతమైన బాల్ తో అక్ష‌ర్ పటేల్ రహీమ్ ను బోల్తా కొట్టించాడు. అతను కూడా కేఎల్ రాహుల్‌కు క్యాచ్ ఇచ్చి పెవిలియన్‌కు చేరుకున్నాడు. దీంతో హ్యాట్రిక్ అకాశం వచ్చింది. 

ఆ తర్వాత జాకర్ అలీ క్రీజులోకి వ‌చ్చాడు. అక్ష‌ర్ వేసిన బంతిని డిఫెన్స్ ఆడేందుకు ప్ర‌య‌త్నించ‌గా బంతి బ్యాట్ ఔట్ సైడ్ ఎడ్జ్‌కు తగిలి స్లిప్‌లో ఉన్న కెప్టెన్ రోహిత్ శ‌ర్మ దగ్గరకు వెళ్లింది.  సింపుల్ గా వచ్చిన క్యాచ్‌ను రోహిత్ శ‌ర్మ జార‌విడిచాడు. దీంతో అక్ష‌ర్ ప‌టేల్ హ్యాట్రిక్ మిస్ అయింది. రోహిత్ శ‌ర్మ సైతం క్యాచ్ మిస్ కావ‌డంతో త‌న చేతిని గ్రౌండ్ పై కొడుతూ ఆగ్రహంగా కనిపించాడు. ఆ తర్వాత వెంటనే చేతులు జోడించి అతనికి క్షమాపణ చెప్పాడు. 22 ఓవర్లు ముగిసేసరికి బంగ్లాదేశ్ 5 వికెట్లు కోల్పోయి 84 పరుగులు చేసింది. 

రోహిత్ శర్మ మిస్ చేసిన క్యాచ్ వీడియో కోసం ఇక్కడ క్లిక్ చేయండి