తాజాగా మరోసారి తన నాయకత్వ లక్షణాలతో అందరి మనసులు గెలుచుకున్నాడు మహేంద్ర సింగ్ ధోనీ.. కరోనా కారణంగా ఐపీఎల్ 2021 సీజన్‌కి మధ్యలోనే బ్రేక్ పడిన విషయం తెలిసిందే...
undefined
కొందరు ప్లేయర్లు కరోనా బారిన పడడం, బయో బబుల్ బుడగలో లోపాలున్నట్టు తేలడంతో అర్ధాంతరంగా ఐపీఎల్ 2021 సీజన్‌ను వాయిదా వేస్తూ నిర్ణయం తీసుకుంది భారత క్రికెట్ బోర్డు.
undefined
ఇప్పటికే చాలా మంది ప్లేయర్లు తమ ఇళ్లకు బయలుదేరి వెళ్లిపోయారు కూడా. అయితే ధోనీ మాత్రం హోటల్ గది నుంచి బయటికి రావడానికి ఇష్టపడడం లేదట.
undefined
తన జట్టులోని అందరూ ప్లేయర్లు, విదేశీ ప్లేయర్లతో సహా తమ తమ ఇళ్లకు చేరుకోవడానికి బయలుదేరిన తర్వాత మహేంద్ర సింగ్ ధోనీ, ఇంటికి వెళ్లాలని నిర్ణయించుకున్నాడట...
undefined
‘మాహీ భాయ్, హోటల్ నుంచి ఖాళీ చేసే ఆఖరి ప్లేయర్‌గా తాను ఉండాలని కోరుకుంటున్నాడు. ముందుగా జట్టులోకి ఫారిన్ ప్లేయర్లు, సొంత ప్లేయర్లు ఇంటికి చేరేందుకు అవసరమైన ఏర్పాట్లు చేయాలని కోరారు’ అంటూ తెలిపాడు సీఎస్‌కే జట్టు సభ్యుడు.
undefined
ధోనీ నాయకత్వంలోని సీఎస్‌కే జట్టులో ఉన్న మొయిన్ ఆలీ, సామ్ కుర్రాన్‌ ఇప్పటికే ఇంగ్లాండ్ చేరుకోగా డుప్లిసిస్, లుంగి ఇంగిడి తదితరులు కూడా బయలుదేరి వెళ్లారు...
undefined
లక్కీగా ఆస్ట్రేలియా నుంచి రావాల్సిన జోష్ హజల్‌వుడ్, కరోనా భయంతో ఐపీఎల్ 2021 సీజన్‌లో పాల్గొనలేదు. దీంతో త్వరలోనే ఫారిన్ ప్లేయర్లు స్వదేశానికి చేరుకున్న విషయం తెలియగానే ధోనీ, తన సొంత నగరం రాంఛీకి బయలుదేరి వెళ్లనున్నాడట...
undefined
ఐపీఎల్ 2021 సీజన్‌ ప్రారంభమైన తర్వాత ధోనీ తల్లిదండ్రులు కరోనా బారిన పడిన విషయం తెలిసిందే. కొన్నాళ్ల క్రితం కరోనా నుంచి పూర్తిగా కోలుకుని, ఇంటికి చేరుకున్న తల్లిదండ్రులను కలవబోతున్నాడు మాహీ...
undefined
క్రికెట్ క్రీజులోనే కాకుండా బయట కూడా ముందుండి జట్టు అవసరాలను తెలుసుకుని, పరిస్థితులను అర్థం చేసుకుని మలుచుకుంటున్న మహేంద్ర సింగ్ ధోనీ... నిజమైన ట్రూ లీడర్ అంటున్నారు ఆయన అభిమానులు.
undefined