బోర్డర్‌-గవాస్కర్‌ టెస్టు సిరీస్‌కు ముందు ఆస్ట్రేలియా సుమారు పది మంది ఆటగాళ్లను గాయాల కారణంగా కోల్పోయింది. అందులో స్టార్‌ ఓపెనర్‌ డెవిడ్‌ వార్నర్‌ సైతం ఉన్నాడు. అయినా, ఆ జట్టు తొలి టెస్టులో విజయఢంకా మోగించింది. సిరీస్‌లో ఆధిక్యం సాధించింది. ఓ వైపు దారుణ ఓటమి భారాన్ని మోస్తున్న టీమ్‌ ఇండియా.. గాయం కారణంగా ప్రధాన పేసర్‌ సేవలు కోల్పోయింది. దీనితో మూలిగే నక్కపై తాటికాయ పడ్డట్టుగా అయింది.
undefined
పాత బంతితో చెలరేగే మహ్మద్‌ షమి ముంజేయి ఫ్రాక్చర్‌తో ఆస్ట్రేలియాతో టెస్టు సిరీస్‌కు దూరమయ్యాడు. ఫాస్ట్‌ బౌలర్‌ మహ్మద్‌ షమి ఆస్ట్రేలియా పర్యటన నుంచి నిష్క్రమించాడు. ఆడిలైడ్‌ టెస్టు రెండో ఇన్నింగ్స్‌లో మహ్మద్‌ షమి గాయపడ్డ విషయం తెలిసిందే..!
undefined
పాట్‌ కమిన్స్‌ బౌలింగ్‌లో బౌన్సర్‌ ఆడేందుకు ప్రయత్నించిన షమి.. ఈ క్రమంలో కుడి చేయి ముంజేయికి బంతి బలంగా తగిలింది. బాధతో విలవిల్లాడిన మహ్మద్‌ షమి..బ్యాటింగ్ కొనసాగించేందుకు క్రీజులోకి వెళ్లాడు. కానీ భరించలేని నొప్పితో, బ్యాటింగ్ చేయలేనని డ్రెస్సింగ్‌రూమ్‌కు సంకేతం పంపించాడు. రిటైర్డ్‌ హర్ట్‌గా వెనుదిరిగాడు.
undefined
షమి నిష్క్రమణతో ఆడిలైడ్‌లో భారత్‌ 369తో టెస్టు క్రికెట్‌ చరిత్రలోనే అత్యల్ప స్కోరు చేసిన సంగతి తెలిసిందే. డ్రెస్సింగ్‌రూమ్‌కు చేరుకున్న మహ్మద్‌ షమిని భారత వైద్య బృందం వెంటనే హాస్పిటల్‌కు పంపించింది. స్కానింగ్‌ నివేదికల్లో మహ్మద్‌ షమి ముంజేయికి ఫ్రాక్చర్‌ అయినట్టు తేలింది. షమి తన చేయిని సైతం పైకెత్తలేని దుస్థితిలో ఉన్నట్టు సమాచారం. మహ్మద్‌ షమి స్థానంలో మరో ఆటగాడిని జట్టులోకి తీసుకోవటంపై బీసీసీఐ ఎటువంటి నిర్ణయం తీసుకోలేదు.
undefined
షమి స్థానంలో ఎవరు?మహ్మద్‌ షమి నిష్క్రమణతో భారత పేస్ విభాగం ఒక్కసారిగా అనుభవ లేమిగా మిగిలింది. జశ్‌ప్రీత్‌ బుమ్రా, ఉమేశ్‌ యాదవ్‌లకు తోడుగా ఐదు రోజుల ఆటలో అనుభవం లేని నవదీప్‌ సైని, మహ్మద్‌ సిరాజ్‌లు జట్టులో ఉన్నారు. గాయం కారణంగా సీనియర్‌ పేసర్‌ ఇషాంత్‌ శర్మ ఆస్ట్రేలియా పర్యటనకు పూర్తిగా దూరమైన సంగతి తెలిసిందే. ఈ నేపథ్యంలో టీం ఇండియా పేస్ విభాగం బలహీనంగా కనబడుతుంది.
undefined
ఐపీఎల్‌ 2020లో అద్బుత ప్రదర్శన చేసిన తంగరసు నటరాజన్‌ వన్డే, టీ20 జట్టులో స్థానం సంపాదించాడు. రెండు ఫార్మాట్లలోనూ నటరాజన్‌ తనదైన ముద్ర వేసుకున్నాడు. టెస్టు జట్టుకు కార్తీక్‌ త్యాగి, షార్దుల్‌ ఠాకూర్‌తో పాటు నటరాజన్‌ నెట్‌ బౌలర్‌గా కొనసాగుతున్నాడు. అందుబాటులో ఉన్న పేసర్లలో ముంబయి ఆటగాడు షార్దుల్‌ ఠాకూర్‌కు ఎర్ర బంతితో అనుభవం ఉంది.
undefined
షార్దుల్‌ ఠాకూర్‌ ఫస్ట్‌ క్లాస్‌ క్రికెట్‌లో 28.55 సగటుతో 206 వికెట్లు పడగొట్టాడు. నటరాజన్‌కు ఈ ఫార్మాట్‌లో చాలా తక్కువ అనుభవం ఉంది. 20 మ్యాచుల్లో 27.03 సగటుతో 64 వికెట్లు పడగొట్టిన నటరాజన్‌ షమి స్థానం రేసులో ముందున్నాడు. 20 ఏండ్ల కార్తీక్‌ త్యాగి నిరుడు దక్షిణాఫ్రికాలో ఫైనల్స్‌కు చేరిన భారత అండర్‌-19 జట్టులో కీలక సభ్యుడు. తొలి వార్మప్‌ మ్యాచ్‌లో ఆడిన కార్తీక్‌ త్యాగి ఒక్క వికెట్‌ కూడా తీయలేదు.
undefined
మహ్మద్‌ సిరాజ్‌ కు ఛాన్స్‌?మహ్మద్‌ షమి స్థానంలో జట్టులోకి ఎవరొచ్చినా.. తుది జట్టులో చోటు దక్కించుకునే అవకాశం కనిపించటం లేదు. జట్టుతో పాటు కొనసాగుతున్న హైదరాబాదీ పేసర్‌ మహ్మద్‌ సిరాజ్‌ మెల్‌బోర్న్‌ బాక్సింగ్‌ డే టెస్టులో తుది జట్టులోకి వచ్చే అవకాశాలు మెరుగ్గా ఉన్నాయి.ఆస్ట్రేలియాలో రెండు వార్మప్‌ మ్యాచుల్లోనూ రాణించిన మహ్మద్‌ సిరాజ్‌ మూడో పేసర్‌ రేసులో ఉమేశ్‌ యాదవ్‌కు బెర్త్‌ కోల్పోయాడు. ఇప్పుడు మహ్మద్‌ షమి లేకపోవటంతో మహ్మద్‌ సిరాజ్‌ తుది జట్టులోకి నేరుగా రానున్నాడు. డిసెంబర్‌ 26న బాక్సింగ్‌ డే టెస్టు ఆరంభం కానుంది. తండ్రిని కోల్పోయిన భావోద్వేగం, ఫామ్‌లో కొనసాగుతున్న మహ్మద్‌ సిరాజ్‌ మెల్‌బోర్న్‌లో టెస్టు అరంగేట్రం చేయటం లాంఛనంగా కనిపిస్తోంది.
undefined