టీమిండియా వైస్ కెప్టెన్ కెఎల్ రాహుల్‌కి ఈ ఏడాది పెద్దగా కలిసి రాలేదు, ఐపీఎల్‌లో రూ.17 కోట్ల భారీ ఢీల్ దక్కించుకొని లక్నో సూపర్ జెయింట్స్‌కి మారడం తప్ప! రోహిత్ శర్మ గాయపడడంతో సౌతాఫ్రికా టూర్‌లో టీమిండియా తాత్కాలిక కెప్టెన్‌గా ఈ ఏడాదిని ఆరంభించిన రాహుల్... అన్ని విధాల తీవ్ర విమర్శలు ఎదుర్కోవాల్సి వచ్చింది...
ఐపీఎల్ 2022 సీజన్‌లో లక్నో సూపర్ జెయింట్స్‌ టీమ్‌ని ప్లేఆఫ్స్ చేర్చగలిగాడు కెఎల్ రాహుల్. రెండు సీజన్లలో పంజాబ్ కింగ్స్‌ని ఆరో స్థానం నుంచి పైకి దాటించలేకపోయిన రాహుల్, ఈసారి కెప్టెన్‌గా ప్లేఆఫ్స్ చేరినా... క్రెడిట్ మొత్తం మెంటర్ గౌతమ్ గంభీర్‌కే దక్కింది...
మొదటి ఎలిమినేటర్ మ్యాచ్‌లో రాయల్ ఛాలెంజర్స్ బెంగళూరు చేతుల్లో ఓడిన లక్నో సూపర్ కింగ్స్, నాలుగో స్థానంతో సరిపెట్టుకుంది. ఐపీఎల్‌లో బ్యాటర్‌గా 600+ పరుగులు చేసిన కెఎల్ రాహుల్, సౌతాఫ్రికాతో స్వదేశంలో జరిగిన టీ20 సిరీస్‌కి కెప్టెన్సీ చేయాల్సింది. అయితే గాయంతో టీమిండియాకి దూరమయ్యాడు రాహుల్...
జర్మనీ వెళ్లి గాయానికి శస్త్ర చికిత్స చేయించుకున్న కెఎల్ రాహుల్, ఆఖరి నిమిషంలో జింబాబ్వే వెళ్లి వన్డే సిరీస్‌కి కెప్టెన్సీ చేశాడు. ఆసియా కప్ 2022 టోర్నీలో బ్యాటర్‌గా అట్టర్ ఫ్లాప్ అయిన కెఎల్ రాహుల్, టీ20 వరల్డ్ కప్ 2022 టోర్నీలోనూ పెద్దగా పర్ఫామెన్స్ చూపించలేకపోయాడు...
పొట్టి ప్రపంచకప్ తర్వాత న్యూజిలాండ్‌ టూర్‌కి దూరంగా ఉన్న కెఎల్ రాహుల్, బంగ్లాదేశ్ టూర్‌కి బయలుదేరాడు. బంగ్లాదేశ్‌తో జరిగే వన్డే, టెస్టు సిరీస్‌లో పాల్గొనే కెఎల్ రాహుల్... వ్యక్తిగత కారణాలతో మరోసారి టీమ్‌కి దూరం కాబోతున్నాడని సమాచారం...
బాలీవుడ్ నటుడు సునీల్ శెట్టి కూతురు అథియా శెట్టితో మూడేళ్లుగా డేటింగ్‌లో ఉన్నాడు కెఎల్ రాహుల్. సర్జరీ కోసం జర్మనీ వెళ్లినప్పుడు కూడా కెఎల్ రాహుల్‌తో పాటు అథియా శెట్టి కూడా వెంటవెళ్లింది. ఈ ఇద్దరికీ జనవరిలో పెళ్లి చేయాలని ఇద్దరి కుటుంబసభ్యులు నిర్ణయం తీసుకున్నారట...
అథియా శెట్టితో పెళ్లి తర్వాత కొన్నాళ్లు ఫారిన్‌లో హానీమూన్ కూడా వెళ్లబోతున్నాడు కెఎల్ రాహుల్. దీంతో జనవరి నెలలో కెఎల్ రాహుల్, టీమిండియాకి అందుబాటులో ఉండడం లేదు. నేరుగా ఐపీఎల్ 2023 టోర్నీలో కెఎల్ రాహుల్ బరిలో దిగే అవకాశాలు ఎక్కువగా ఉన్నాయి...