రెండు వందలా.. అది మాకు చాలా చిన్న విషయం.. ‘ఉఫ్’మని ఊదేస్తాం..

IPL 2023: ఐపీఎల్ లో  ఒక టీమ్ ఆడేది ఇన్నింగ్స్ లో  20 ఓవర్లే. కానీ  200 కు పైగా టార్గెట్ పెట్టినా ‘ఉఫ్’మని ఊదేస్తామంటున్నాయి కొన్ని జట్లు.. 

Image credit: PTI

టీ20 ఫార్మాట్ క్రికెట్ లో   పెను మార్పులకు కారణమవుతున్నది. ‘బాదుడే లక్ష్యం.. దూకుడే  మార్గం’ అన్న  సూత్రాన్ని  తూచా తప్పకుండా పాటిస్తున్న టీమ్స్..  120 బంతుల్లో  డబుల్ హండ్రెడ్ టార్గెట్ ను కూడా  ఉఫ్‌మని ఊదేస్తున్నాయి. 

పంజాబ్ - ముంబై మధ్య నిన్న మొహాలీ వేదికగా  జరిగిన ఐపీఎల్ -16..  46వ లీగ్ మ్యాచ్ లో భాగంగా  పంజాబ్ నిర్దేశించిన  215 పరుగుల లక్ష్యాన్ని ముంబై మరో ఏడు బంతులు మిగిలుండగానే ఛేదించింది.  తద్వారా  ఓ అరుదైన ఘనతను సొంతం చేసుకుంది.  ఐపీఎల్ లో హయ్యస్ట్ టార్గెట్స్ ఛేజ్ చేసిన జట్ల గురించి ఇక్కడ చూద్దాం. 

Image credit: PTI

ఐపీఎల్ లో  అత్యధిక ఛేదన చేసిన జట్టు రాజస్తాన్ రాయల్స్. 2020లో షార్జా వేదికగా ముగిసిన  ఓ మ్యాచ్ లో  రాజస్తాన్.. పంజాబ్ నిర్దేశించిన  224  పరుగుల లక్ష్యాన్ని ఛేదించింది. 

2021లో ముంబై ఇండియన్స్ - చెన్నై సూపర్ కింగ్స్ మధ్య మ్యాచ్ జరిగింది. ఈ మ్యాచ్ లో ఫస్ట్ బ్యాటింగ్ చేసిన చెన్నై.. 20 ఓవర్లలో  218 పరుగులు చేసింది. ఛేదనలో ముంబై.. ఆఖరి బంతికి విజయం సాధించింది.  ఈ మ్యాచ్ లో కీరన్ పొలార్డ్.. 34 బంతుల్లోనే  87 పరుగులు చేశాడు. 

2008 సీజన్ లో  డెక్కన్ ఛార్జర్స్ నిర్దేశించిన  215 పరుగుల లక్ష్య ఛేదనను రాజస్తాన్.. 19.5 ఓవర్లలో  ఏడు వికెట్లు కోల్పోయి ఛేదించింది.  ఈ మ్యాచ్ లో డెక్కన్ ఛార్జర్స్ ఆటగాడు ఆండ్రూ సైమండ్స్ సెంచరీ చేశాడు.  

ఈ లీగ్ లో 200 ప్లస్ టార్గెట్ ను ఛేదించడం ముంబైకి ఇది రెండో సారి.  కొద్దిరోజుల క్రితమే ముంబై.. రాజస్తాన్ పై  213 పరుగుల టార్గెట్ ను ఛేదించగా  నిన్న మళ్లీ పంజాబ్ పై ఇదే ఫీట్ నమోదు చేసింది.  కాగా  ఈ సీజన్ లో 200 ప్లస్ టార్గెట్ ను ఛేదించడం ఇది ఐదో సారి.