ఇది చెత్త అంపైరింగ్! అంత క్లియర్‌గా కనిపిస్తుంటే నో బాల్ కాదా?... లక్నో డగౌట్‌పై హైదరాబాద్ ఫ్యాన్స్ దాడి..

ఐపీఎల్ 2023 సీజన్‌లో మరోసారి థర్డ్ అంపైర్ నిర్ణయం వివాదాస్పదమైంది. కేవలం కాంట్రవర్సీ క్రియేట్ చేయడమే కాకుండా హైదరాబాద్ ఫ్యాన్స్ ఆగ్రహానికి గురై, ఆట కాసేపు ఆగేందుకు కారణమైంది. ఇంత రచ్చ జరిగింది ఓ నో బాల్ కోసం...

srh vs lsg

ఇన్నింగ్స్ 13వ ఓవర్‌లో వరుస బంతుల్లో అయిడిన్ మార్క్‌రమ్, గ్లెన్ ఫిలిప్స్‌లను అవుట్ చేశాడు కృనాల్ పాండ్యా. అయితే హెన్రీచ్ క్లాసిన్, అబ్దుల్ సమద్ కలిసి ఆరో వికెట్‌కి 58 పరుగుల భాగస్వామ్యం జోడించారు. ఈ ఇద్దరూ బౌండరీలు బాదుతూ దూకుడుగా ఆడుతుండడంతో హైదరాబాద్ స్కోరు 200 దాటేలా కనిపించింది..

అయితే ఆవేశ్ ఖాన్ వేసిన ఇన్నింగ్స్ 19వ ఓవర్‌లో ఓ నిర్ణయం, మళ్లీ మ్యాచ్‌లో లక్నో పట్టు సాధించేలా చేసింది. ఆవేశ్ ఖాన్ వేసిన ఓవర్‌లో మూడో బంతికి ఫీల్డ్ అంపైర్ నో బాల్‌గా ప్రకటించాడు. అయితే ఈ నిర్ణయాన్ని, లక్నో సూపర్ జెయింట్స్ ఛాలెంజ్ చేసింది. 

డీఆర్‌ఎస్‌లో ఫుట్ టాస్ బంతి వికెట్ల పై నుంచి వెళ్తున్నట్టుగా... చాలా క్లియర్‌గా కనిపించింది. అయితే థర్డ్ అంపైర్ మాత్రం ఫీల్డ్ అంపైర్ నిర్ణయాన్ని మారుస్తూ, కరెక్ట్ బాల్‌గా ప్రకటించాడు.. 

ఈ నిర్ణయంపై హెన్రీచ్ క్లాసిన్ తీవ్ర అసంతృప్తి వ్యక్తం చేశాడు. థర్డ్ అంపైర్ నిర్ణయం తర్వాత ఉప్పల్ స్టేడియంలో ఆరెంజ్ ఆర్మీ ఫ్యాన్స్ అంతా కలిసి ‘కోహ్లీ... కోహ్లీ’ అంటూ నినాదాలు చేశారు.

uppal

ఆ తర్వాత బంతికి క్లాసిన్ ఫోర్ బాదాడు. అయితే ఆ తర్వాత లక్నో సూపర్ జెయింట్స్ డగౌట్ వైపు చూస్తూ క్లాసిన్ అరవడం కనిపించింది. ఎందుకు అరుస్తున్నాడా? అని చూస్తే సన్‌రైజర్స్ హైదరాబాద్‌ ఫ్యాన్స్‌లో కొందరు లక్నో సూపర్ జెయింట్స్ డగౌట్ వైపు బోల్టులు, రాళ్లు విసిరినట్టు తేలింది. దీంతో కాసేపు ఆటకు అంతరాయం కలిగింది...

Image credit: PTI

కొన్ని నిమిషాల తర్వాత ఆట తిరిగి ప్రారంభమైనా ఈ సంఘటన తర్వాత ఏకాగ్రత కోల్పోయిన హెన్రీచ్ క్లాసిన్, హాఫ్ సెంచరీని మిస్ చేసుకున్నాడు. హైదరాబాద్ ఫ్యాన్స్ ప్రవర్తనపై హెన్రీచ్ క్లాసిన్ అసంతృప్తి వ్యక్తం చేశాడు..

gambhir kohli chant

‘మిడిల్‌ ఓవర్లలో వికెట్ అనూహ్యంగా మారింది. బౌన్స్ ఎక్కువగా వస్తోంది. లెంగ్త్ బాల్స్‌ని ఆడడం కష్టంగా ఉంది. ఇది చెత్త వికెటేం కాదు, కాస్త నెమ్మదిగా స్పందిస్తోంది..

అంపైర్లది చెత్త నిర్ణయం. అయితే నిజం చెప్పాలంటే ఫ్యాన్స్ చేసిన పనికి చాలా నిరుత్సాహపడ్డాను. మీ నుంచి కోరుకుంటుంది ఇది కాదు. ఆ సంఘటన తర్వాత ఏకాగ్రత దెబ్బతింది...’ అంటూ కామెంట్ చేశాడు హెన్రీచ్ క్లాసిన్..