కోహ్లీ - గంగూలీ షేక్ హ్యాండ్ వివాదంపై స్పందించిన రవిశాస్త్రి.. X,Y అంటూ ఆసక్తిరక వ్యాఖ్యలు

IPL 2023: భారత  క్రికెట్ దిగ్గజాలు  సౌరవ్ గంగూలీ - విరాట్ కోహ్లీల వివాదంపై  విరాట్  గురువుగా భావించే  టీమిండియా మాజీ హెడ్ కోచ్  రవిశాస్త్రి ఆసక్తికర వ్యాఖ్యలు చేశాడు. 

టీమిండియా మాజీ  సారథి  విరాట్ కోహ్లీ  ఇటీవల ఐపీఎల్ -16లో భాగంగా ఏప్రిల్  15న ఢిల్లీతో జరిగిన మ్యాచ్ లో   భారత జట్టు మాజీ సారథి, బీసీసీఐ మాజీ అధ్యక్షుడు  సౌరవ్ గంగూలీకి షేక్ హ్యాండ్ ఇచ్చేందుకు విముఖత ప్రదర్శించిన విషయం తెలిసిందే. గంగూలీకి షేక్ హ్యాండ్ ఇవ్వని  కోహ్లీ..  ఆ తర్వాత అతడిని కోపంగా చూసిన వీడియో కూడా నెట్టింట వైరల్ గా మారింది.  

ఇది జరిగిన తర్వాత  కోహ్లీ.. తన ఇన్‌స్టా ఖాతాలో   దాదాను అన్‌ఫాలో చేశాడు.  ఆ మరుసటి రోజే నేనేమైనా తక్కువ తిన్నానా..? అని దాదా కూడా కోహ్లీని అన్‌ఫాలో కొట్టాడు.   ఈ ఇద్దరి మధ్య  గత విబేధాలు మరోసారి చర్చనీయాంశమయ్యాయి.  

ఈ నేపథ్యంలో  ఈఎస్పీఎన్ క్రిక్ ఇన్ఫో లో  జరిగిన  ఓ కార్యక్రమంలో  రవిశాస్త్రిని యాంకర్ ఇదే ప్రశ్న అడిగాడు.  దీనికి శాస్త్రి  స్పందిస్తూ...‘ఇక్కడ ఇద్దరు ఆటగాళ్లు ఉన్నారు. ఒకరు  (X) మాజీ సారథి. లెజెండరీ ప్లేయర్. మరొకరు  (Y)  కూడా టీమిండియా మాజీ కెప్టేనే . అయినా ఇంకా ఆడుతున్నాడు.  

ఇప్పుడు సదరు X అనే ఆటగాడు  ఓ జట్టును నడిపిస్తున్నాడు  Y కూడా తన  టీమ్ కోసం  బాగా బ్యాటింగ్ చేస్తున్నాడు. ఈ ఇద్దరికీ ఒకరంటే ఒకరికి పడటం లేదు.  మొన్న మ్యాచ్ ముగిశాక  ప్లేయర్లంతా షేక్ హ్యాండ్ ఇచ్చుకుంంటుంటే   ఈ ఇద్దరూ మాత్రం అలా చేయలేదు.  కారణం ఏంటి..? 

ఎందుకంటే వారిద్దరూ మాట్లాడాలనుకోవడం లేదు.  ఇప్పుడు వారికి ఏం సలహాలిస్తాం.   నేనైతే ఈ విషయంలో ఒకటే చెబుతా. నాకున్న రిలేషన్స్ ప్రకారమే   మాట్లాడుతా.  లేదంటే ఆ విషయాన్ని దాటవేస్తా.. ’ అని కుండబద్దలు కొట్టాడు.  

ఎందుకంటే వారిద్దరూ మాట్లాడాలనుకోవడం లేదు.  ఇప్పుడు వారికి ఏం సలహాలిస్తాం.   నేనైతే ఈ విషయంలో ఒకటే చెబుతా. నాకున్న రిలేషన్స్ ప్రకారమే   మాట్లాడుతా.  లేదంటే ఆ విషయాన్ని దాటవేస్తా.. ’ అని కుండబద్దలు కొట్టాడు.