తొలి వికెట్‌కి 49 పరుగుల భాగస్వామ్యం నమోదుచేసిన తర్వాత యంగ్ ఓపెనర్ రుతురాజ్ గైక్వాడ్ 18 బంతుల్లో ఓ ఫోర్‌తో 21 పరుగులు చేసి అవుట్ అయ్యాడు...
పిచ్ బ్యాటింగ్‌కి సహకరించకపోవడం, లంక స్పిన్నర్లు అదరగొడుతుండడంతో శిఖర్ ధావన్ నెమ్మదిగా ఆడుతూ ఇన్నింగ్స్ నిర్మించడానికి ప్రాధాన్యం ఇచ్చాడు. దీంతో రన్‌రేట్ తగ్గుతూ పోయింది.
42 బంతుల్లో 5 ఫోర్లతో 40 పరుగులు చేసిన శిఖర్ ధావన్‌ను అఖిల ధనంజయ క్లీన్ బౌల్డ్ చేశాడు. 81 పరుగుల వద్ద రెండో వికెట్ కోల్పోయింది భారత జట్టు...
23 బంతుల్లో ఓ ఫోర్, ఓ సిక్సర్‌తో 29 పరుగులు చేసిన దేవ్‌దత్ పడిక్కల్, హసరంగ బౌలింగ్‌లో ఓ భారీ షాట్‌కి ప్రయత్నించి బౌల్డ్ అయ్యాడు...
13 బంతుల్లో 7 పరుగులు చేసిన సంజూ శాంసన్ కూడా ధనంజయ బౌలింగ్‌లో భారీ షాట్ ఆడబోయి క్రీజు ముందుకొచ్చి షాట్ ఆడాడు. అయితే బంతి, బ్యాటును తాకి వికెట్లను గిరాటేసింది...
ఆఖరి ఓవర్‌లో షాట్ ఆడేందుకు ప్రయత్నించిన నితీశ్ రాణా 12 బంతుల్లో 9 పరుగులు చేసి అవుట్ కాగా... భువనేశ్వర్ కుమార్ 11 బంతుల్లో 13 పరుగులు చేసి నాటౌట్‌గా నిలిచాడు.
లంక బౌలర్లలో అఖిల ధనంజయ రెండు వికెట్లు తీయగా హసరంగ, శనక, చమీరాలకు తలా ఓ వికెట్ దక్కాయి. శ్రీలంక కెప్టెన్ దసున్ శనక ఏకంగా 8 మంది బౌలర్లను ఉపయోగించడం విశేషం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి