ప్రస్తుతం ఇంగ్లాండ్ జట్టు 5 టీ20లు, 3 వన్డేల సిరీస్ ఆడటానికి భారత పర్యటనకు వచ్చింది. ఈడెన్ గార్డెన్స్లో జరిగిన తొలి టీ20లో ఇండియా 7 వికెట్ల తేడాతో గెలిచింది. ఇంగ్లాండ్ 132 పరుగులకే ఆలౌట్ అయింది. ఇండియా 13 ఓవర్లలోనే లక్ష్యాన్ని అందుకుని అద్భుతంగా సిరీస్ ను ప్రారంభించింది.
బ్యాటింగ్, బౌలింగ్, ఫీల్డింగ్ లో అదరగొట్టింది భారత జట్టు. 23 పరుగులిచ్చి 3 వికెట్లు తీసిన వరుణ్ చక్రవర్తికి ప్లేయర్ ఆఫ్ ది మ్యాచ్ అవార్డు వచ్చింది. అభిషేక్ శర్మ 34 బంతుల్లో 79 పరుగులు చేసి జట్టు విజయంలో కీలక పాత్ర పోషించాడు. అయితే, 2వ టీ20 మ్యాచ్ మార్చి 25న చెన్నైలోని చెపాక్ స్టేడియంలో జరుగుతుంది. చెపాక్లో ఇది 3వ అంతర్జాతీయ టీ20 మ్యాచ్.
25
చెన్నై చెపాక్ స్టేడియం పిచ్ రిపోర్టు
చెన్నైలోని చెపాక్ స్టేడియంలో ఇప్పటివరకు రెండు అంతర్జాతీయ టీ20 మ్యాచ్ లు మాత్రమే జరిగాయి. 2012లో భారత్ vs న్యూజిలాండ్, 2028లో ఇండియా vs వెస్టిండీస్ జట్ల మధ్య రెండు మ్యాచ్లు మాత్రమే ఇక్కడ జరిగాయి. అయితే, ఇక్కడ ఐపీఎల్ మ్యాచ్ లు కూడా చాలానే జరిగాయి. చెపాక్ మైదానం స్పిన్నర్ల స్వర్గధామం అని చెప్పవచ్చు. ఎందుకంటే ఈ పిచ్పై బంతి బాగా స్పిన్ అవుతుంది.
ఇక్కడ ఆడిన 2 మ్యాచ్ల్లో భారత్ 1 గెలిచి, 1 ఓడిపోయింది. అంటే 2012లో న్యూజిలాండ్పై 1 పరుగు తేడాతో ఓడిపోయి, 2018లో వెస్టిండీస్పై గెలిచింది. మొదట బ్యాటింగ్ చేసిన జట్టు ఒకసారి, రెండో బ్యాటింగ్ చేసిన జట్టు ఒకసారి గెలిచాయి.
35
ఇండియా vs ఇంగ్లాండ్ టీ20 సిరీస్
చెపాక్ లో స్పిన్నర్ల హవా
చెపాక్లో ఇండియా అత్యధిక స్కోరు 182 పరుగులు. న్యూజిలాండ్ చేసిన 167 పరుగులు కనిష్ఠ స్కోరు. సగటు తొలి ఇన్నింగ్స్ స్కోరు 174 పరుగులు. ఇటీవలి 10 ఐపీఎల్ మ్యాచ్ లలో మొదట బ్యాటింగ్ చేసిన జట్టు 4 సార్లు, రెండోసారి బ్యాటింగ్ చేసిన జట్టు 6 సార్లు గెలిచింది.
చెన్నైలో మంచు ఎక్కువగా ఉండటంతో రెండో ఇన్నింగ్స్లో బౌలింగ్ కష్టం. తేమ వల్ల బంతి జారుతుంది, స్పిన్నర్లకు సరైన గ్రిప్ ఉండదు. టాస్ గెలిచిన జట్టు బౌలింగ్ ఎంచుకుంటుంది. టాస్ కీలకం. పిచ్పై బంతి బాగా స్పిన్ అవుతుంది కాబట్టి స్పిన్నర్లకు సహకరిస్తుంది.
45
చెపాక్ లో ముగ్గురు స్పిన్నర్లతో బరిలోకి దిగనున్న భారత్
చెపాక్ లో ఇంగ్లాండ్ తో జరిగే రెండో టీ20 మ్యాచ్ లో భారత జట్టు ముగ్గురు స్పిన్నర్లతో బరిలోకి దిగనుంది. అక్షర్ పటేల్, రవి బిష్ణోయ్, వరుణ్ చక్రవర్తిలతో 3 స్పిన్నర్లతో ఆడవచ్చు. మొదట్లో ఫాస్ట్ బౌలర్లకు కొంత స్వింగ్ ఉండే అవకాశం ఉంది.
ఇది అర్ష్దీప్ సింగ్, జోఫ్రా ఆర్చర్లకు మ్యాచ్ ప్రారంభంలో పిచ్ సహకరిస్తుంది. 2వ టీ20 మార్చి 25న రాత్రి 7 గంటలకు చెపాక్లో మొదలవుతుంది. స్పిన్నర్లకు అనుకూలమైన పిచ్ కావడంతో ఇండియా ఈజీగా గెలుస్తుందని అంచనాలు ఉన్నాయి
55
చెపాక్ స్టేడియం టీ20 క్రికెట్ వ్యక్తిగత రికార్డులు
ఇంగ్లండ్పై భారత్ 166/4 (2012లో) చెపాక్లో అత్యల్ప జట్టు స్కోరు. వెస్టిండీస్పై 92 పరుగులతో టీమిండియా మాజీ ఓపెనర్ శిఖర్ ధావన్ ఈ వేదికపై T20Iల్లో అత్యధిక వ్యక్తిగత స్కోరు రికార్డును కలిగి ఉన్నాడు. ధావన్ 62 బంతుల్లోనే 92 పరుగులతో టాప్ స్కోర్ చేశాడు.అలాగే, భారత్పై బ్రెండన్ మెకల్లమ్ 91 పరుగులు చేశాడు. న్యూజిలాండ్పై నాలుగు ఓవర్లలో కేవలం 31 పరుగులిచ్చి ఇర్ఫాన్ పఠాన్ మూడు వికెట్లు పడగొట్టడం చెపాక్లో అత్యుత్తమ బౌలింగ్ గణాంకాలు.
