India vs England: బిగ్ డెసిషన్ తీసుకున్న రోహిత్ శర్మ

IND vs ENG : భారత్, ఇంగ్లాండ్ మధ్య మూడు మ్యాచ్‌ల వన్డే సిరీస్ లో భాగంగా కటక్‌లోని బారాబతి స్టేడియంలో రెండో మ్యాచ్ జరుగుతోంది. ఈ నేపథ్యంలో భారత కెప్టెన్ రోహిత్ శర్మ పెద్ద నిర్ణయం తీసుకున్నాడు.  

India vs England: ఇటీవల ముగిసిన ఐదు మ్యాచ్ ల టీ20 సిరీస్ లో అద్భుతమైన ఆటతో ఇంగ్లాండ్ ను చిత్తుచేసి సిరీస్ ను కైవసం చేసుకున్న భారత జట్టు.. ప్రస్తుతం అదే జట్టుతో వన్డే సిరీస్ ఆడుతోంది. 

ఇండియా-ఇంగ్లాండ్ మధ్య మూడు మ్యాచ్‌ల వ‌న్డే సిరీస్‌లో భాగంగా కటక్‌లోని బారాబతి స్టేడియంలో రెండో మ్యాచ్ జరుగుతోంది. ఈ సిరీస్ లో నాగ్‌పూర్‌లో జరిగిన తొలి వన్డే మ్యాచ్‌ను 4 వికెట్ల తేడాతో గెలుచుకున్న తర్వాత భార‌త జ‌ట్టు మూడు మ్యాచ్‌ల వన్డే సిరీస్‌లో 1-0 ఆధిక్యంలో ఉంది.

Yashasvi Jaiswal-Jasprit Bumrah

కెప్టెన్ రోహిత్ శ‌ర్మ పెద్ద నిర్ణ‌యం తీసుకున్నాడు

క‌ట‌క్ మ్యాచ్ లో  టాస్ గెలిచిన ఇంగ్లాండ్ కెప్టెన్ జోస్ బట్లర్ ముందుగా బ్యాటింగ్ చేయాలని నిర్ణయించుకున్నాడు. బౌలింగ్‌ను టీమిండియాకు అప్పగించాడు. ఇంగ్లాండ్‌తో జరుగుతున్న రెండో వన్డే మ్యాచ్ కోసం కెప్టెన్ రోహిత్ శర్మ పెద్ద నిర్ణయం తీసుకున్నాడు. వెటరన్ బ్యాట్స్‌మన్ విరాట్ కోహ్లీ టీం ఇండియా ప్లేయింగ్ ఎలెవన్‌లో చేరాడు.

దీని కోసం యంగ్ ప్లేయ‌ర్ యశస్వి జైస్వాల్‌ను టీమ్ నుంచి తొలగించాల్సి వచ్చింది. ఇది కాకుండా, కుల్దీప్ యాదవ్ కూడా ప్లేయింగ్ 11 నుంచి ఔట్ అయ్యాడు. అత‌నికి విశ్రాంతి ఇవ్వడంతో వరుణ్ చక్రవర్తికి అవకాశం లభించింది. భారత మిస్టరీ స్పిన్నర్ వరుణ్ చక్రవర్తి ఈ మ్యాచ్ తో వన్డే అరంగేట్రం చేసే అవకాశం లభించింది. టీమిండియా సీనియర్ లెఫ్ట్ ఆర్మ్ స్పిన్నర్ రవీంద్ర జడేజా వన్డే క్యాప్‌ను వరుణ్ చక్రవర్తికి అప్పగించాడు.

రోహిత్ శర్మ ఏం చెప్పాడంటే?

టాస్ సందర్భంగా కెప్టెన్ రోహిత్ శర్మ మాట్లాడుతూ.. 'మొదటి మ్యాచ్‌లో మా ప్రదర్శన బాగుంది. అదే నాకు నచ్చింది. నేను కొంతకాలంగా మైదానంలో లేకపోయినా శక్తి చాలా బాగుంది. ఇది నల్ల నేల పిచ్ అవునో కాదో నాకు ఖచ్చితంగా తెలియదు. బహుశా అది నెమ్మదిగా వుండ‌వ‌చ్చు. నేను ఆశించేది అదే. టీమ్ లో రెండు మార్పులు జరిగాయి. యశస్వి జైస్వాల్ స్థానంలో విరాట్ కోహ్లీ వచ్చాడు. కుల్దీప్ యాదవ్ కు విశ్రాంతి ఇచ్చి అతని స్థానంలో వరుణ్ అరంగేట్రం చేయ‌నున్నాడని' తెలిపాడు.  

Image Credit: Getty Images

వరుణ్ చక్రవర్తి 7 విధాలుగా బౌలింగ్ చేయగలడు

భార‌త‌ మిస్టరీ స్పిన్నర్ వరుణ్ చక్రవర్తి తాను 7 విధాలుగా బౌలింగ్ చేయగలనని పేర్కొన్నాడు. వీటిలో ఆఫ్‌బ్రేక్, లెగ్‌బ్రేక్, గూగ్లీ, క్యారమ్ బాల్, ఫ్లిప్పర్, టాప్‌స్పిన్, టో యార్కర్ ఉన్నాయి. వరుణ్ చక్రవర్తి ఇప్పటివరకు 18 టీ20 అంతర్జాతీయ మ్యాచ్‌ల్లో 33 వికెట్లు పడగొట్టాడు. అదే సమయంలో అతను 70 ఐపీఎల్ మ్యాచ్‌ల్లో 83 వికెట్లు పడగొట్టాడు. వరుణ్ చక్రవర్తి తమిళనాడుకు చెందిన స్పిన్ బౌలర్. ఇంగ్లాండ్ తో జ‌రుగుతున్న రెండో వ‌న్డేతో అరంగేట్రం చేశాడు. రవీంద్ర జడేజా వన్డే క్యాప్‌ను వరుణ్ చక్రవర్తికి అందిస్తూ స్వాగతం ప‌లికాడు. 

భార‌త్-ఇంగ్లాండ్ జ‌ట్లు ఇవే 

భారత్: రోహిత్ శర్మ (కెప్టెన్), శుభ్‌మన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్ (వికెట్ కీపర్), హార్దిక్ పాండ్యా, అక్షర్ పటేల్, రవీంద్ర జడేజా, హర్షిత్ రాణా, మహ్మద్ షమీ, వరుణ్ చక్రవర్తి.

ఇంగ్లాండ్: ఫిల్ సాల్ట్ (వికెట్ కీపర్), బెన్ డకెట్, జో రూట్, హ్యారీ బ్రూక్, జోస్ బట్లర్ (కెప్టెన్), లియామ్ లివింగ్‌స్టోన్, జేమీ ఓవర్టన్, గస్ అట్కిన్సన్, ఆదిల్ రషీద్, మార్క్ వుడ్, సాకిబ్ మహమూద్.