IND vs AUS T20 Series: ఐదు మ్యాచ్ ల టీ20 సిరీస్‌లో భాగంగా భారత్ లో పర్యటిస్తున్న ఆస్ట్రేలియా జట్టు ట్రోఫీ రేసులో నిలవాలంటే మూడో గేమ్ ను త‌ప్ప‌కుండా గెలవాల్సి ఉంటుంది. గత రెండు మ్యాచ్‌ల్లో ఓడిన కంగారులు.. మూడో టీ20లో ఎలాగైనా గెల‌వాల‌ని చూస్తున్నారు.
IND vs AUS, 3rd T20I: భారత్-ఆస్ట్రేలియా మధ్య మూడో టీ20 మంగళవారం గౌహతిలో జరగనుంది. ఐదు మ్యాచ్ ల సిరీస్ లో తొలి రెండింటిలో విజయం సాధించిన భారత్ ఈ మ్యాచ్ లోనూ విజయం సాధించి సిరీస్ ను కైవసం చేసుకోవాలని చూస్తోంది.
ఐదు మ్యాచ్‌ల టీ20 క్రికెట్ సిరీస్‌లో తొలి రెండు మ్యాచ్‌ల్లో అత్యధిక స్కోర్ల పోరులో భారత్ విజయం సాధించి 2-0 ఆధిక్యంలో నిలిచింది.
ఈ సిరీస్ లోని తొలి గేమ్‌తో పోలిస్తే 2వ మ్యాచ్‌లో భారత బౌలర్లు మెరుగైన ప్రదర్శన చేశారు. రెండో గేమ్‌లో ఆస్ట్రేలియా బౌండరీ శాతాన్ని త‌గ్గించారు. అయితే, గత రెండు మ్యాచ్ ల‌తో పోలిస్తే.. కంగారులు మూడో టీ20లో పుంజుకునే అవకాశముంది.
ఈ సిరీస్‌లోని మూడో మ్యాచ్ మంగళవారం (నవంబర్ 28) గౌహతిలోని బర్సపరా క్రికెట్ స్టేడియంలో జరగనుంది. ఈ మ్యాచ్ లో విజయం సాధించి భారత్ ట్రోఫీని కైవసం చేసుకోవాలని చూస్తోంది.
శ్రేయాస్ అయ్యర్ తిరిగి భారత జట్టులోకి రానున్నాడు. వైస్ కెప్టెన్‌గా, అతను ప్లేయింగ్ ఎలెవన్‌లో నేరుగా స్థానం పొంద‌నున్నాడు. ప్ర‌స్తుతం జట్టులో ఉన్న యువ బ్యాట్స్‌మెన్ తిలక్ వర్మ ను త‌ప్పించే అవకాశముంది.
శ్రేయాస్ అయ్యర్ రాక త‌ర్వాత భారత జట్టు గ‌మ‌నిస్తే.. రితురాజ్ గైక్వాడ్, యశస్వి జైస్వాల్, ఇషాన్ కిషన్ (వికె), సూర్యకుమార్ యాదవ్ (కెప్టెన్), శ్రేయాస్ అయ్యర్, రింకూ సింగ్, అక్షర్ పటేల్, రవి బిష్ణోయ్, అర్ష్‌దీప్ సింగ్, ముఖేష్ కుమార్, పర్దీష్ కృష్ణల‌తో మూడో టీ20లో బ‌రిలోకి దిగే అవకాశముంది.
అయితే, మూడో మ్యాచ్ నుంచి సూర్యకుమార్ యాదవ్ కు కాకుండా టీమిండియా కమాండ్‌ని శ్రేయాస్ అయ్యర్‌కు అప్పగించవచ్చనే వార్త‌లు వినిపిస్తున్నాయి.
బీసీసీఐ అధికారిక ప్రకటన ప్రకారం, శ్రేయాస్ అయ్యర్ వైస్ కెప్టెన్‌గా మూడో టీ20లోకి అడుగుపెడతాడు, అయితే సూర్య జట్టులో లేకుంటే, సీనియర్ అయినందున శ్రేయాస్ అయ్యర్‌కు కెప్టెన్సీ ఇవ్వవచ్చు. అయ్యర్ ఐపీఎల్‌లో ఢిల్లీ క్యాపిటల్స్, కోల్‌కతా నైట్ రైడర్స్‌కు ఇదివ‌ర‌కు సార‌థ్యంలో వ‌హించాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి