నేను దొరకడమే నీకు అతిపెద్ద గిఫ్ట్... భార్య బర్త్‌ డేకి గౌతమ్ గంభీర్ క్రేజీ విషెస్...

టీమిండియా మాజీ క్రికెటర్, ఢిల్లీ ఎంపీ గౌతమ్ గంభీర్ పేరు చెప్పగానే ఓ సీరియస్ క్రికెటర్‌ గుర్తుకువస్తాడు అందరికీ. ఆవేశపరుడిగా గుర్తింపు తెచ్చుకున్న గౌతమ్ గంభీర్, కామెంటరీ చెప్పేటప్పుడు కూడా చాలా సీరియస్‌గా కనిపిస్తాడు. గౌతీ నవ్వుతూ మాట్లాడే సందర్భాలు చాలా తక్కువే..

2007 టీ20 వరల్డ్‌కప్ ఫైనల్, 2011 వన్డే వరల్డ్‌ కప్ ఫైనల్స్‌లో అద్భుతమైన ఇన్నింగ్స్‌లు ఆడి భారత జట్టు ఆ రెండు టైటిల్స్ గెలవడంలో కీలక పాత్ర పోషించాడు గౌతమ్ గంభీర్... అలాంటి ఇన్నింగ్స్‌ల్లో ఎన్నో, మరెన్నో...

అయితే గౌతమ్ గంభీర్‌లో పైకి కనిపించే గంభీర్యం ఎంత ఉందో, అందరికీ కనిపించని రొమాంటిక్ యాంగిల్ కూడా అంతే ఉంది. తాజాగా తన భార్య నటాశా జైన్‌కి క్రేజీగా బర్త్ డే విషెస్ తెలిపాడు గౌతమ్ గంభీర్..

‘హ్యాపీ బర్త్ డే క్రేజీ! నేను, నీ బెటర్ హాఫ్‌గా దొరకడమే నీకు దొరికిన అద్భుతమైన గిఫ్ట్’ అంటూ కాప్షన్ జోడించాడు గౌతమ్ గంభీర్. గంభీర్ బర్త్ డే విషెస్‌పై హర్భజన్ సింగ్ కూడా షాక్ అయ్యాడు.. ‘క్రేజీ కాప్షన్..  హ్యాపీ బర్త్ డే బాబీ జీ’ అంటూ కామెంట్ పెట్టాడు హర్భజన్ సింగ్..

గౌతమ్ గంభీర్ లవ్ స్టోరీ కూడా చాలా ఇంట్రెస్టింగ్‌గా ఉంటుంది. న్యూఢిల్లీలో జన్మించిన గౌతమ్ గంభీర్, లాల్ బహదూర్ శాస్త్రి అకాడమీలో 10వ ఏట నుంచి క్రికెట్ శిక్షణ తీసుకుంటున్నాడు. గంభీర్ తండ్రి దీపక్ గంభీర్ ఓ టెక్స్‌టైల్ వ్యాపారి... ఆయన స్నేహితుడు రవీంద్ర జైన్ చాలా పెద్ద బిజినెస్‌మ్యాన్...

కోట్లకు అధిపతి అయిన రవీంద్ర జైన్ కూతురే నటాశా జైన్. ఈ రెండు కుటుంబాల మధ్య దాదాపు 35 ఏళ్ల నుంచి మంచి అనుబంధం ఉంది. ఆ అనుబంధంతోనే నటాశా, తరుచుగా గంభీర్ ఇంటికి వస్తుండేది..

అలా నటాశా, గౌతమ్ గంభీర్ మంచి స్నేహితులు అయ్యారు. ఆ స్నేహం కాస్తా ప్రేమగా మారింది. ఈ ఇద్దరూ ఇంట్లో ఎవరైనా ఉంటే, ఫ్రెండ్స్‌లా ఉండేవాళ్లు, ఎవ్వరూ లేనప్పుడు లవర్స్‌లా మారిపోయి రొమాన్స్‌లో మునిగిపోయేవారు...

నటాశాకి క్రికెట్‌ అంటే పెద్దగా నచ్చేది కాదు. గంభీర్‌కి ఆమెలో ఎక్కువగా నచ్చిన విషయం కూడా అదే. తన స్నేహితులతో ఎవరితో మాట్లాడినా అటు తిరిగి, ఇటు తిరిగి డిస్కర్షన్ క్రికెట్‌కి వచ్చేది. అదే నటాశాతో అయితే ఆ సమస్యే లేదు. ఆమె క్రికెట్‌ గురించి అస్సలు మాట్లాడదు...

చూడడానికి సూపర్ హాట్ మోడల్‌లా మెరిసిపోయే నటాశా అందానికి కూడా గంభీర్ పడిపోయాడట. అప్పటికే క్రికెటర్‌గా గంభీర్ సక్సెస్ కావడంతో వీరి పెళ్లికి ఎలాంటి అడ్డంకులు రాలేదు...  2011 వన్డే వరల్డ్‌కప్ తర్వాత పెళ్లి చేసుకోవాలని నిర్ణయం తీసుకున్నాడు గంభీర్... 

కొన్నాళ్లు రహస్యంగా సాగిన ప్రేమాయణం, పెద్దల అంగీకారంతో మూడు ముళ్ల బంధంగా మారింది...  చాలా తక్కువ మంది ఆత్మీయులు, అతిథుల మధ్య అక్టోబర్ 28, 2011లో గంభీర్ పెళ్లి జరిగింది...

మీడియాకి దూరంగా ఉండే నటాశా, సోషల్ మీడియాలో మాత్రం తన వ్యక్తిగత జీవితానికి సంబంధించిన ఫోటోలను షేర్ చేస్తూ ఉంటుంది. నటాశాకి పెళ్లికి ముందే దాదాపు రూ.100 కోట్లకు పైగా ఆస్తులు ఉన్నాయి... నటాశా, గౌతమ్ గంభీర్‌లకు ఇద్దరు కూతుళ్లు ఉన్నారు.