Kane Williamson: సచిన్ టెండూల్కర్ కు షాకిచ్చిన కేన్ మామ !

Kane Williamson: న్యూజిలాండ్ స్టార్ ప్లేయ‌ర్ కేన్ విలియమ్సన్ సూప‌ర్ సెంచ‌రీతో విరాట్ కోహ్లీ, సచిన్ టెండూల్కర్ లను అధిగమించాడు. అత‌ని 133 పరుగుల అజేయ ఇన్నింగ్స్ తో ముక్కోణపు సిరీస్‌లో దక్షిణాఫ్రికాను ఆరు వికెట్ల తేడాతో ఓడించి ఫైనల్‌కు చేరింది.  

Kane Williamson

Kane Williamson: దక్షిణాఫ్రికాతో జరిగిన ముక్కోణపు సిరీస్ మ్యాచ్‌లో న్యూజిలాండ్ స్టార్ బ్యాట్స్‌మన్ కేన్ విలియమ్సన్ తన 14వ వన్డే సెంచరీని సాధించాడు. అతను 133 పరుగులతో అజేయంగా ఇన్నింగ్స్ ఆడి మ‌రో కొత్త రికార్డు సాధించాడు. 

వన్డే క్రికెట్‌లో భార‌త లెజెండ‌రీ ప్లేయ‌ర్లు సచిన్ టెండూల్కర్, విరాట్ కోహ్లీ వంటి ఆటగాళ్లను వెనక్కి నెట్టి విలియమ్సన్ తన పేరు మీద పెద్ద రికార్డు సృష్టించాడు. అలాగే, ఈ సెంచ‌రీ ఇన్నింగ్స్ తో ట్రై సిరీస్ లో న్యూజిలాండ్ ఫైన‌ల్ కు చేరింది. 

Kane Williamson

కేన్ విలియమ్సన్ అద్భుత సెంచరీ

దక్షిణాఫ్రికా నిర్దేశించిన 305 పరుగుల లక్ష్యాన్ని ఛేదించే క్రమంలో న్యూజిలాండ్ జట్టు కేన్ విలియమ్సన్ అజేయ సెంచరీ, డెవాన్ కాన్వే 97 పరుగుల ఇన్నింగ్స్ తో 308 పరుగులు చేసి విజయం సాధించింది. కేన్ విలియమ్సన్ నాలుగో స్థానంలో బ్యాటింగ్ వ‌చ్చి తన సెంచరీని పూర్తి చేసుకున్నాడు. అతను 113 బంతుల్లో 13 ఫోర్లు, 2 సిక్సర్లు కొట్టి తన జట్టుకు విజయాన్ని అందించాడు. ఈ ఇన్నింగ్స్‌లో అతను వన్డే క్రికెట్‌లో 7000 పరుగులు కూడా పూర్తి చేశాడు.

Kane Williamson

చరిత్ర సృష్టించిన కేన్ మామ 

ఈ సెంచ‌రీ ఇన్నింగ్స్ తో కేన్ విలియమ్సన్ వన్డే క్రికెట్‌లో 7000 పరుగులు పూర్తి చేశాడు. న్యూజిలాండ్ తరఫున 7000 వన్డే పరుగులు చేసిన అత్యంత వేగవంతమైన బ్యాట్స్‌మన్‌గా నిలిచాడు. అలాగే, ప్రపంచంలోనే ఈ మైలురాయిని చేరుకున్న రెండవ అత్యంత వేగవంతమైన బ్యాట్స్‌మన్ కేన్ మామ ఘ‌న‌త సాధించాడు.

ఈ మ్యాచ్ కు ముందు విలియమ్సన్ 158 ఇన్నింగ్స్ ల్లో 6868 పరుగులు సాధించాడు. 7000 పరుగులను చేరుకోవడానికి అతనికి 132 పరుగులు అవసరం. గెలవడానికి ఒక పరుగు అవసరమైనప్పుడు సెనురాన్ ముత్తుసామి వేసిన బంతిని విన్నింగ్ ఫోర్ కొట్టడం ద్వారా అతను ఈ ఘనతను సాధించాడు.

Kane Williamson

విరాట్-సచిన్ సహా అనేక మంది దిగ్గజాలను వెన‌క్కి నెట్టిన కేన్ విలియ‌మ్స‌న్ 

వన్డేల్లో అత్యంత వేగంగా 7000 పరుగులు పూర్తి చేయడంలో విరాట్ కోహ్లీ, సచిన్ టెండూల్కర్ వంటి దిగ్గజాలను విలియమ్సన్ అధిగమించాడు. ఈ ఫార్మాట్‌లో 7000 పరుగులు చేరుకోవడానికి అతను 159 ఇన్నింగ్స్‌లు తీసుకోగా, కోహ్లీ 161, స‌చిన్ డూల్కర్ 189 ఇన్నింగ్స్‌లు తీసుకున్నారు. దక్షిణాఫ్రికా మాజీ ఓపెనర్ హషీమ్ ఆమ్లా 150 ఇన్నింగ్స్‌లలో 7000 పరుగులు పూర్తి చేసి టాప్ లో ఉన్నాడు.  విలియమ్సన్ కంటే ముందు, 7000 వన్డే పరుగులు వేగంగా అందుకున్న కీవీస్ ప్లేయ‌ర్ మార్టిన్ గప్టిల్, అతను 186 ఇన్నింగ్స్‌లలో ఈ ఘనతను సాధించాడు.

Kane Williamson

వన్డేల్లో అత్యంత వేగంగా 7000 పరుగులు చేసిన 5 మంది ఆటగాళ్ళు

1 - హషీమ్ ఆమ్లా: 150 ఇన్నింగ్స్
2 - కేన్ విలియమ్సన్: 159 ఇన్నింగ్స్
3 - విరాట్ కోహ్లీ: 161 ఇన్నింగ్స్
4 - ఏబీ డివిలియర్స్: 166 ఇన్నింగ్స్
5 - సౌరవ్ గంగూలీ: 174 ఇన్నింగ్స్

దక్షిణాఫ్రికా 304/6 లక్ష్యాన్ని ఛేదించే క్రమంలో న్యూజిలాండ్ విల్ యంగ్‌ను తక్కువ స్కోరుకే కోల్పోయింది. ఆ తర్వాత కేన్ విలియమ్సన్, డెవాన్ కాన్వే కలిసి రెండో వికెట్‌కు 187 పరుగులు జోడించారు. కేన్ విలియమ్సన్ 72 బంతుల్లో తన సెంచ‌రీని సాధించాడు. గాయపడిన రాచిన్ రవీంద్ర స్థానంలో వచ్చిన డెవాన్ కాన్వే సెంచ‌రీని మూడు పరుగులు దూరంలో కోల్పోయాడు. చివరికి న్యూజిలాండ్ జట్టు 8 బంతులు మిగిలి ఉండగానే విక్ట‌రీ అందుకుంది.