ఆరు మ్యాచుల్లో ఒకే ఒక్క మ్యాచ్ గెలిచిన తర్వాత డేవిడ్ వార్నర్‌ను కెప్టన్సీ పదవి నుంచి తొలగిస్తూ సంచలన నిర్ణయం తీసుకుంది సన్‌రైజర్స్ హైదరాబాద్. అతని స్థానంలో కేన్ విలియంసన్‌కి కెప్టెన్సీ పగ్గాలు అప్పగించింది.
undefined
ఆ తర్వాతి మ్యాచ్‌లోనే డేవిడ్ వార్నర్‌కి సన్‌రైజర్స్ హైదరాబాద్ జట్టులోనే చోటు లేకుండా పోయింది. రాజస్థాన్ రాయల్స్‌తో జరుగుతున్న మ్యాచ్‌లో డేవిడ్ వారనర్‌ను పక్కనబెట్టి, అతని స్థానంలో మహ్మద్ నబీకి చోటు ఇచ్చాడు కేన్ విలియంసన్.
undefined
‘జట్టు విజయం కోసం కొన్ని కఠినమైన మార్పులు చేయాల్సి వచ్చింది. అందులో భాగంగా డేవిడ్ వార్నర్‌ను పక్కనబెట్టాం. ప్రస్తుతానికి ఇద్దరు ఓవర్ సీస్ బ్యాట్స్‌మెన్లు, ఓ ఆల్‌రౌండర్, ఓ బౌలర్ ఉండాలని భావించాం...
undefined
అందుకే ఫామ్‌లో ఉన్న బెయిర్‌స్టోతో పాటు కేన్ విలియంసన్ బ్యాట్స్‌మెన్‌గా, నబీ ఆల్‌రౌండర్‌గా ఎంచుకున్నాం. వీరితో పాటు రషీద్ ఖాన్ బరిలో దిగుతాడు. ఈ నిర్ణయం డేవిడ్ వార్నర్‌ను నిరుత్సాహపరచవచ్చు.
undefined
ప్రతీ క్రికెటర్‌కి ఇది సర్వసాధారణం. అంతేకానీ గతంలో జరిగిన దాన్ని బట్టి, డేవిడ్ వార్నర్‌ను పక్కనబెట్టడం లేదు...’ అంటూ చెప్పుకొచ్చాడు సన్‌రైజర్స్ హైదరాబాద్ డైరెక్టర్ టామ్ మూడీ...
undefined
కెప్టెన్‌గా సన్‌రైజర్స్ హైదరాబాద్‌కి 2016లో టైటిల్ గెలిపించడంతో పాటు ఆరెంజ్ ఆర్మీ జట్టు కోసం ఎంతో చేశాడు డేవిడ్ వార్నర్. గత ఆరు సీజన్లలో సన్‌రైజర్స్ హైదరాబాద్ తరుపున అత్యధిక పరుగులు చేసిన బ్యాట్స్‌మెన్ డేవిడ్ వార్నర్ మాత్రమే...
undefined
మిడిల్ ఆర్డర్ వైఫల్యం వెంటాడుతున్నా, జట్టులో సరైన భారత బ్యాట్స్‌మెన్ లేకపోయినా... అన్నీ తానే, తానే సన్‌రైజర్స్ హైదరాబాద్ జట్టుకు వెన్నెముకగా మారి, అనేక విజయాలను అందించాడు.
undefined
చాలామంది సన్‌రైజర్స్ హైదరాబాద్ అంటే ముందుగా గుర్తొచ్చేది డేవిడ్ వార్నర్... డేవిడ్ వార్నర్ అన్నా ఫస్ట్ గుర్తొచ్చేది సన్‌రైజర్స్ హైదరాబాద్ జట్టే. అలాంటి వార్నర్‌ను ఘోరంగా అవమానించింది సన్‌రైజర్స్ హైదరాబాద్ టీమ్ మేనేజ్‌మెంట్.
undefined
అలాంటి డేవిడ్ వార్నర్‌ను ఒకే ఒక్క సీజన్... అందులోనూ సగం మ్యాచుల్లో సరైన విజయాలు అందించలేదని కెప్టెన్సీ నుంచి తప్పించడం, ఆ తర్వాత జట్టులో నుంచే తొలగించడం అతన్ని అవమానించడమే.
undefined
సరైన జట్టు లేకుండానే సన్‌రైజర్స్ హైదరాబాద్‌ను ముంబై ఇండియన్స్, చెన్నై సూపర్ కింగ్స్ వంటి టాప్‌ టీమ్స్‌కి పోటి ఇచ్చేలా నడిపించాడు డేవిడ్ వార్నర్.
undefined
అదే సన్‌రైజర్స్ హైదరాబాద్ వేలంలో కూర్చొని, కబుర్లు చెప్పుకుంటూ కాలక్షేపం చేయకుండా మంచి ప్లేయర్లను కొనుగోలు చేసి ఉంటే... ఆరెంజ్ ఆర్మీ అద్భుతాలు చేసేదని అంటున్నారు క్రికెట్ విశ్లేషకులు.
undefined