CSKvsMI: రుతురాజ్ గైక్వాడ్, బ్రావో మెరుపులు... ముంబై ఇండియన్స్ ముందు ఊహించని టార్గెట్...

ఐపీఎల్ 2021 ఫేజ్ 2 ఆరంభ మ్యాచ్‌లోనే హోరాహోరీ పోరు చూసే అవకాశం క్రికెట్ ఫ్యాన్స్‌కి దక్కేలా ఉంది. 24 పరుగులకి 4 వికెట్లు కోల్పోయిన సీఎస్‌కే, నిర్ణీత 20 ఓవర్లలో 6 వికెట్లు కోల్పోయి 156 పరుగులు చేసింది. పవర్ ప్లేలో సీఎస్‌కే ఆట చూసినవారెవ్వరైనా, చెన్నై ఈ మాత్రం స్కోరు చేస్తుందని ఎవ్వరూ ఊహించిఉండరు...

టాస్ గెలిచిన బ్యాటింగ్ ఎంచుకున్న సీఎస్‌కే, మొదటి రెండు ఓవర్లలోనే రెండు వికెట్లు కోల్పోయి పీకల్లోతు కష్టాల్లో పడింది. చెన్నై సూపర్ కింగ్స్ కోల్పోయిన రెండు వికెట్లూ, డకౌట్ కావడం మరో విశేషం...

మొదటి ఓవర్ వేసిన ట్రెంట్ బౌల్ట్ బౌలింగ్‌లో మూడు బంతులు ఎదుర్కొన్న ఫాఫ్ డుప్లిసిస్, భారీ షాట్‌కి ప్రయత్నించి మిల్నేకి క్యాచ్ ఇచ్చి అవుట్ అయ్యాడు. 1 పరుగు వద్ద తొలి వికెట్ కోల్పోయింది సీఎస్‌కే. ఆ తర్వాత మిల్నే బౌలింగ్‌లో మొయిన్ ఆలీ కూడా పరుగులేమీ చేయకుండానే పెవిలియన్ చేరాడు...

మూడు బంతులు ఆడిన మొయిన్ ఆలీ షాట్‌కి ప్రయత్నించగా, సౌరబ్ తివారి కళ్లు చెదిరే క్యాచ్‌తో అతన్ని పెవిలియన్ చేర్చాడు. 2 పరుగులకే 2 కీలక వికెట్లు కోల్పోయి కష్టాల్లో పడింది చెన్నై సూపర్ కింగ్స్...
ఆ తర్వాత మిల్నే బౌలింగ్‌లోనే ఆఖరి బంతిని ఎదుర్కొన్న అంబటి రాయుడు గాయంతో పెవిలియన్ చేరాడు. అంబటి రాయుడి గాయం తీవ్రమైతే, సీఎస్‌కే జట్టుపై ఆ ప్రభావం తీవ్రంగా పడే అవకాశం ఉంది...  

 6 బంతుల్లో ఓ ఫోర్‌తో 4 పరుగులు చేసి సురేష్ రైనా, ట్రెంట్ బౌల్డ్ బౌలింగ్‌లో రాహుల్ చాహార్‌కి క్యాచ్ ఇచ్చి అవుట్ కావడంతో 7 పరుగుల వద్ద మూడో వికెట్ కోల్పోయింది సీఎస్‌కే...

ఆ తర్వాత 5 బంతుల్లో 3 పరుగులు చేసిన ఎమ్మెస్ ధోనీ, ఆడమ్ మిల్నే బౌలింగ్‌లో భారీ షాట్‌కి ప్రయత్నించి... ట్రెంట్ బౌల్ట్‌కి క్యాచ్ ఇచ్చి అవుట్ అయ్యాడు. 24 పరుగుల వద్ద నాలుగో వికెట్ కోల్పోయింది చెన్నై సూపర్ కింగ్స్...

24 పరుగులకే 4 వికెట్లు కోల్పోయిన చెన్నై సూపర్ కింగ్స్‌ను రుతురాజ్ గైక్వాడ్, రవీంద్ర జడేజా కలిసి ఆదుకున్నారు. ఈ ఇద్దరూ 64 బంతుల్లో 81 పరుగులు జోడించి, సీఎస్‌కేని ఆదుకున్నారు...

టాస్ గెలిచిన బ్యాటింగ్ ఎంచుకున్న సీఎస్‌కే, మొదటి రెండు ఓవర్లలోనే రెండు వికెట్లు కోల్పోయి పీకల్లోతు కష్టాల్లో పడింది. చెన్నై సూపర్ కింగ్స్ కోల్పోయిన రెండు వికెట్లూ, డకౌట్ కావడం మరో విశేషం...

33 బంతుల్లో ఓ ఫోర్‌తో 26 పరుగులు చేసిన రవీంద్ర జడేజా, బుమ్రా బౌలింగ్‌లో భారీ షాట్‌కి ప్రయత్నించి, కిరన్ పోలార్డ్‌కి క్యాచ్ ఇచ్చి అవుట్ అయ్యాడు... 

సీనియర్లు విఫలమైనా యంగ్ ప్లేయర్ రుతురాజ్ గైక్వాడ్ అద్భుత హాఫ్ సెంచరీతో ఆకట్టుకున్నాడు. ఐపీఎల్ కెరీర్‌లో ఆరో హాఫ్ సెంచరీ నమోదుచేసిన రుతురాజ్ గైక్వాడ్, షాన్ మార్ష్, సిమ్మన్స్‌ తర్వాత అత్యంత వేగంగా ఈ ఫీట్ సాధించిన ప్లేయర్‌గా నిలిచాడు...

షాన్ మార్ష్ 10 ఇన్నింగ్స్‌ల్లో 6 హాఫ్ సెంచరీలు బాదగా, లెండిల్ సిమ్మన్స్ 12 ఇన్నింగ్స్‌లో ఈ ఫీట్ సాధించాడు. మాథ్యూ హేడెన్, రుతురాజ్ గైక్వాడ్ 14 ఇన్నింగ్స్‌ల్లో ఆరు హాఫ్ సెంచరీలు బాదారు.

19 పరుగుల వద్ద డి కాక్ క్యాచ్ మిస్ చేయడంతో బతికిపోయిన రుతురాజ్ గైక్వాడ్, బౌండరీల మోత మోగించాడు. 58 బంతుల్లో9 ఫోర్లు, 4 సిక్సర్లతో 88 పరుగులు చేసి నాటౌట్‌గా నిలవగా... బ్రావో 8 బంతుల్లో 3 సిక్సర్లతో 23 పరుగులు చేసి అవుట్ అయ్యాడు.