ఐపీఎల్ 2020 సీజన్లో దారుణమైన పర్ఫామెన్స్తో ప్లేఆఫ్ రేసు నుంచి తప్పుకున్న మొట్టమొదటి జట్టుగా నిలిచింది చెన్నై సూపర్ కింగ్స్. మిగిలిన జట్లన్నీ గ్రూప్లో ఆఖరి మ్యాచ్ రిజల్ట్ వరకూ ప్లేఆఫ్ బెర్తుల పోటీపడిన విషయం తెలిసిందే...
undefined
అయితే 2021 సీజన్లో అదిరిపోయే కమ్బ్యాక్ ఇచ్చింది చెన్నై సూపర్ కింగ్స్. లీగ్లో ఢిల్లీ క్యాపిటల్స్తో జరిగిన మొదటి మ్యాచ్లో ఓడినా, ఆ తర్వాత వరుసగా ఐదు విజయాలు సాధించి, పాయింట్ల పట్టికలో రెండో స్థానంలో నిలిచింది...
undefined
‘ఐపీఎల్ 2020 సీజన్తో పోలిస్తే 2021లో చెన్నై సూపర్ కింగ్స్ పర్ఫామెన్స్లో చాలా మార్పు వచ్చింది. 2020లో సీఎస్కే ‘డాడీస్ ఆర్మీ’లా ఆడారు, 2021 వచ్చేసరికి అందరికీ సూపర్ పవర్స్ వచ్చినట్టు ఉన్నాయి.
undefined
కింగ్స్ నిజంగానే సూపర్ కింగ్స్లా మారారు.. ఆరు నెలల గ్యాప్లో చెన్నై సూపర్ కింగ్స్ చూపించిన మార్పు అసాధారణం. నాతో పాటు నా స్నేహితుల్లో చాలా మంది సీఎస్కే నుంచి ఇలాంటి పర్ఫామెన్స్ అస్సలు ఊహించలేదు..
undefined
చెన్నై సూపర్ కింగ్స్ అసాధ్యాన్ని చేసి చూపించింది. వారిలో కనిపించిన మొదటి తేడా సిక్స్ హిట్టింగ్ సామర్థ్యం. 2020 సీజన్ గురించి మాట్లాడితే, వాళ్లు అబుదాబి, దుబాయ్లోనే కాదు, షార్జాలో కూడా సిక్సర్లు కొట్టడానికి బాగా ఇబ్బంది పడ్డారు...
undefined
గత సీజన్లో అతితక్కువ సిక్సర్లు కొట్టిన జట్టుగా రెండో స్థానంలో నిలిచింది చెన్నై సూపర్ కింగ్స్. వాళ్లు సీజన్ మొత్తంలో కొట్టింది75 సిక్సర్లే. ప్రతీ సిక్సర్ బాదడానికి దాదాపు 22 బంతులు వాడుకున్నారు.
undefined
ఐపీఎల్ 2021 సీజన్ టైటిల్ ఛాంపియన్ ముంబై ఇండియన్స్ సీజన్ మొత్తంలో 137 సిక్సర్లు బాదారు. వాళ్లు ప్రతీ 13.2 బంతుల్లో ఓ సిక్సర్ బాదారు. కానీ ఈ సీజన్లో చెన్నై పర్ఫామెన్స్, ముంబై కంటే మెరుగైంది.
undefined
ఈ సీజన్లో చెన్నై సూపర్ కింగ్స్ ఏడు మ్యాచులు ఆడితే, ఇప్పటికే 62 సిక్సర్లు బాదారు. ప్రతీ 13.1 బంతులకు ఓ సిక్సర్ వచ్చింది...’ అంటూ చెప్పుకొచ్చాడు మాజీ క్రికెటర్, కామెంటేటర్ ఆకాశ్ చోప్రా..
undefined
షేన్ వాట్సన్ ఫ్రాంఛైజీ క్రికెట్ నుంచి రిటైర్మెంట్ తీసుకోవడంలో మొయిన్ ఆలీని భారీ ధరకు కొనుగోలు చేసింది చెన్నై సూపర్ కింగ్స్. ఈ సీజన్లో మొయిన్ ఆలీతో పాటు రుతురాజ్ గైక్వాడ్, డుప్లిసిస్, రవీంద్ర జడేజా, అంబటి రాయుడు సిక్సర్ల మోత మోగించారు.
undefined