ఐపీఎల్ లో చెన్నై సూపర్ కింగ్స్ తరఫున ఆడే శివమ్ దూబే నేడు 30వ పుట్టినరోజు జరుపుకుంటున్నాడు. ధోని సారథ్యంలో ఈ మహారాష్ట్ర బ్యాటర్ సంచలన ఇన్నింగ్స్ తో పరుగుల వరద పారించి ఈ సీజన్ లో సీఎస్కే విజయాలలో కీలక పాత్ర పోషించాడు. అయితే ఆట సంగతి పక్కనబెడితే దూబే లైఫ్ స్టోరీ ఇంట్రెస్టింగ్ గా ఉంది.
హిందువైన దూబే.. ప్రేమించి పెళ్లి చేసుకున్నది మాత్రం ముస్లిం అమ్మాయిని.. దూబే భార్య పేరు అంజుమ్ ఖాన్. ఈ ఇద్దరూ సుదీర్ఘకాలం ప్రేమించుకుని పెద్దల్ని ఒప్పించి మతాంతర వివాహం చేసుకున్నారట.
శివమ్ దూబేది మహారాష్ట్ర కాగా అంజుమ్ ఖాన్ ఉత్తరప్రదేశ్ లోన అలీగఢ్ వాస్తవ్యురాలు. ఈ ఇద్దరూ చాలాకాలం ప్రేమించుకుని 2021లో పెళ్లి కూడా చేసుకున్నారు. హిందూ, ముస్లిం సంప్రదాయాల్లో వీళ్ల పెళ్లి జరిగింది. ఈ దంపతులకు కొడుకు కూడా ఉన్నాడు. ఆ బుడ్డోడి పేరు అయాన్..
అంజుమ్ ఖాన్ అలీగఢ్ యూనివర్సిటీ నుంచి ఫైన్ ఆర్ట్స్ లో డిగ్రీ చేసింది. ఆమె నటన మీద ఆసక్తితో మోడలింగ్ రంగంలోకి అడుగుపెట్టింది. పలు టీవీ సీరియల్స్ తో పాటు మ్యూజిక్ ఆల్బమ్స్ కూడా చేస్తున్నది. దూబే - అంజుమ్ లు పెళ్లి చేసుకున్న తర్వాత ఆ ఫోటోలను ఈ ఇద్దరూ తమ సోషల్ మీడియా ఖాతాలలో పోస్ట్ చేశారు.
గత కొంతకాలంగా దేశంలో ఉన్న రాజకీయ పరిస్థితుల దృష్ట్యా చాలామంది ఈ జంటపై దుమ్మెత్తిపోశారు. కొంతమంది వారి ప్రేమపై ప్రశంసలు కురిపించారు. దూబే - అంజుమ్ లు మతాల అడ్డుగోడలను బద్దలుకొట్టి మనుషులుగా బతుకుతున్నారని కామెంట్స్ చేశారు.
ఇప్పటికీ దూబే ఇంట్లో రెండు మతాలకు సంబంధించిన పండుగలను ఘనంగా జరుపుకుంటారట.. దూబేతో పాటు అంజుమ్ కూడా ఇన్స్టాలో ఆ ఫోటోలను సోషల్ మీడియాలో పంచుకుంటుంది.
ఇక దూబే విషయానికొస్తే.. ఈ సీజన్ లో 418 పరుగులు చేసిన అతడు జాతీయ జట్టులోకి రీఎంట్రీ ఇచ్చేందుకు ప్రణాళికలు సిద్ధం చేసుకుంటున్నాడు. బ్యాటింగ్ తో పాటు బౌలింగ్ కూడా చేయగల దూబే.. గతంలో భారత జట్టు తరఫున పలు టీ20 మ్యాచ్ లు ఆడినా ఆ అవకాశాలను పెద్దగా వినియోగించుకోలేదు.