360 డిగ్రీ కెమెరాలు, కామెంటేటర్లతో ఛాట్! అమితాబ్‌తో క్విజ్... ఐపీఎల్ కోసం జియో ప్లాన్స్...

డిమాండ్ ఎక్కడ ఎక్కువగా ఉంటే అక్కడికి వెళ్లడం బిజినెస్‌మ్యాన్ నైజం. డిమాండ్‌ని పసిగట్టి, ఫ్రీగా ఆఫర్లు పెట్టి... పోటీదారులు లేకుండా చేసి, ఏకచక్రాధిపత్యాన్ని చెలయించడం అంబానీ మార్కెటింగ్ సూత్రం. జియోతో సూపర్ సక్సెస్ సాధించిన రిలయెన్స్, ఇప్పుడు ఓటీటీ రంగంపై దృష్టి మళ్లించింది... అక్కడ ఆధిపత్యం చెలాయించేందుకు ఎంచుకున్న మార్గమే ఐపీఎల్.. 

Image credit: PTI

ఐపీఎల్ డిజిటల్ మీడియా రైట్స్‌ని రూ.23,773 కోట్ల భారీ మొత్తానికి దక్కించుకున్న రిలయన్స్ ఇండస్ట్రీస్, ఇండియన్ ప్రీమియర్ లీగ్ ప్రసారాల్లో సరికొత్త విప్లవాన్ని తీసుకురానుంది. అత్యుత్తమ 4K రిజల్యూషన్‌లో ఐపీఎల్ మ్యాచులు ఉచితంగా ప్రసారం చేయనున్న జియో... ఇప్పుడు మరిన్ని సదుపాయాలను వినియోగదారులకు అందుబాటులో తేనుంది..

Image credit: PTI

ఇంగ్లీష్, హిందీతో పాటు 12 ప్రాంతీయ భాషల్లో కామెంటరీతో ఐపీఎల్ ప్రసారాలను వీక్షించే సౌకర్యం కల్పిస్తోంది జియో సినిమా. ఇంతవరకూ ఐపీఎల్ రాని భాషల్లోనూ ఈసారి ఇండియన్ ప్రీమియర్ లీగ్ మ్యాచుల కామెంటరీ వినిపించనుంది..

Image credit: PTI

గ్రౌండ్‌లో 360 డిగ్రీస్‌లో మ్యాచ్‌ని వీక్షించేందుకు వినియోగదారులకు అవకాశం దక్కనుంది. అంటే VR టెక్నాలజీతో అచ్చు గ్రౌండ్‌లో ఉన్నట్టుగానే జియో సినిమా యాప్‌లో మ్యాచ్‌ని ఇంటి నుంచే వీక్షించవచ్చు...

Image credit: PTI

అలాగే కెమెరామెన్ చూపించిన యాంగిల్‌లోనే కాకుండా స్టంప్ కెమెరా నుంచి, లేదా మరో యాంగిల్‌లో ఉన్న కెమెరా నుంచి మ్యాచ్‌ని చూడాలనుకున్నా... ఆ సదుపాయం కూడా జియో సినిమా యాప్‌లో దొరకనుంది...

Image credit: PTI

అంతేకాదు మ్యాచ్ సమయంలో ఏ విషయంలో అయినా అనుమానం వస్తే, నేరుగా కామెంటేటర్లతో ఛాట్ చేసి తెలుసుకోవచ్చు. ఛాట్ విత్ కామెంటేటర్ ఆప్షన్‌ని తీసుకురావడానికి ప్రయత్నాలు చేస్తోంది జియో సినిమా...

Image credit: PTI

అంతేకాదు బాలీవుడ్‌ బిగ్‌ బీ అమితాబ్ బచ్చన్‌తో కలిసి ఓ లైవ్ క్విజ్ ప్రోగ్రామ్ నిర్వహించేందుకు కూడా వయాకామ్18 మీడియా సంప్రదింపులు జరుపుతున్నట్టు సమాచారం. ఈ క్విజ్‌లో గెలిచిన వారికి బహుమతులు కూడా ఉంటాయి...

Image credit: PTI

వీటితో పాటు ప్లేయర్ల గురించి, ఫ్రాంఛైజీల గురించి, మ్యాచ్ గురించి సమగ్ర సమాచారాన్ని గణాంకాల రూపంలో తెలుసుకునేందుకు కూడా వెసులుబాటు కలిగించనుంది జియో సినిమా...

కొన్నేళ్ల పాటు ఐపీఎల్ ప్రసారాలు చేసిన డిస్నీ ప్లస్ హాట్ స్టార్ సబ్‌స్కిప్షన్ తీసుకున్న వినియోగదారులకు కూడా ఇందులో సగం సౌకర్యాలు కూడా కలిగించలేదు.  అలాంటిది వేల కోట్లు పెట్టి ఐపీఎల్ హక్కులు కొన్ని జియో... ఫ్రీగా ఇన్ని సదుపాయాలు ఇస్తుండడం వెనక మోనోపలి సూత్రం ఉందనేది మార్కెటింగ్ నిపుణుల వాదన..