ఐపీఎల్ అయిపోయాక అన్నీ మూసుకుని, టీమిండియాకి సపోర్ట్ చేయండి! ఫ్యాన్ వార్‌పై అశ్విన్ ఫైర్...

ఐపీఎల్ ఆరంభమైన తర్వాత ఒక్క టీ20 వరల్డ్ కప్ కూడా గెలవలేకపోయింది భారత జట్టు. టీమిండియా గెలిచిన ఏకైక, మొట్టమొదటి టీ20 వరల్డ్ కప్ 2007లో ఐపీఎల్ కంటే ముందు జరిగిందే. టీమిండియా, ఐసీసీ టైటిల్స్ గెలవలేకపోవడానికి ఐపీఎల్‌యే కారణమని ఆరోపిస్తారు భారత అభిమానులు...  

Ravichandran Ashwin

ఇంతకుముందు టీమ్ సెలక్షన్ విషయంలో ఏ రాష్ట్రానికి చెందిన ప్లేయర్లు, ఎంతమంది టీమిండియాకి సెలక్ట్ అయ్యారనే విషయంపై చర్చ జరిగేది. ఇప్పుడు మాత్రం ఏ ఐపీఎల్ టీమ్‌ నుంచి ఎంత మంది ప్లేయర్లు ఎంపికయ్యారని ఫ్యాన్స్ గొడవలు పడుతున్నారు..

ఆసియా కప్ 2023 టోర్నీకి సంజూ శాంసన్‌ని స్టాండ్ బై ప్లేయర్‌గా ఎంపిక చేసిన సెలక్టర్లు, సూర్యకుమార్ యాదవ్, తిలక్ వర్మలకు ఛాన్స్ ఇచ్చారు. భారత ప్రధాన స్పిన్నర్ యజ్వేంద్ర చాహాల్‌ని పక్కనబెట్టి, కుల్దీప్ యాదవ్‌ని మాత్రమే ఎంపిక చేయడమూ వివాదాస్పదమైంది...

అయితే ముంబై ఇండియన్స్ ప్లేయర్లు కావడం ఈ ఇద్దరికీ ఆసియా కప్‌లో చోటు దక్కిందని ట్రోల్స్ వస్తున్నాయి. దీనికి కారణం లేకపోలేదు, వన్డే ఫార్మాట్‌లో సూర్యకుమార్ యాదవ్‌, అట్టర్ ఫ్లాప్ అవుతున్నాడు. అలాగే వన్డే ఫార్మాట్‌లో ఇంకా ఆరంగ్రేటం చేయని తిలక్ వర్మకు కూడా అవకాశం ఇచ్చారని ట్రోల్స్ వినిపిస్తున్నాయి...

మహారాష్ట్రకి దేశవాళీ టోర్నీల్లో కెప్టెన్సీ చేసిన రుతురాజ్ గైక్వాడ్, ఆసియా క్రీడల్లో భారత జట్టును నడిపించబోతున్నాడు. అయితే అతను ఐపీఎల్‌లో చెన్నై సూపర్ కింగ్స్ ప్లేయర్ కావడం వల్లే రుతురాజ్ గైక్వాడ్‌కి కెప్టెన్సీ దక్కిందనేది ధోనీ ఫ్యాన్స్ వాదన.. 

ఈ విమర్శలపై భారత క్రికెటర్ రవిచంద్రన్ అశ్విన్, తన స్టైల్‌లో స్పందించాడు. ‘తిలక్ వర్మ, ఐర్లాండ్‌ టూర్‌లో పెద్దగా రాణించలేదు. అయితే మొదటి బంతి నుంచే తిలక్ వర్మ ఎలా ఆడతాడో, ఎలా ఆడగలడో అందరికీ అర్థమైపోయింది. చాలా క్లియర్ మైండ్‌సెట్‌తో అతను బ్యాటింగ్‌కి వస్తున్నాడు..

Tilak Varma

తిలక్ వర్మ కారణంగా జట్టులో ఓ కొత్తదనం వస్తుంది. సూర్యకుమార్ యాదవ్, టీమ్‌కి ఎక్స్-ఫ్యాక్టర్‌లా మారతాడు. అందుకే వన్డేల్లో అతనికి సరైన రికార్డు లేకపోయనా, టీమ్‌కి ఎంపిక అయ్యాడు. వరల్డ్ కప్ ఎలా గెలిచామనే విషయాన్ని గమనిస్తే, సూర్య అవసరం ఏంటో అర్థమవుతుంది..

Suryakumar Yadav

ధోనీ కానీ, వేరే కెప్టెన్ కానీ సత్తా ఉన్న ప్లేయర్లను బ్యాకప్ చేయడం వల్లే వాళ్లు మ్యాచ్ విన్నర్లుగా మారారు. సూర్య, టీ20ల్లో నెం.1 బ్యాటర్. అతను 5 ఓవర్లు క్రీజులో ఉన్నాడంటే ఎలా ఆడతాడో అందరికీ తెలుసు. అయినా ఓ ప్లేయర్ ఎంపిక, లేదా తొలగించడం గురించి చర్చ ఎప్పుడూ ఆరోగ్యకరంగా ఉండాలి..

అంతేకానీ ఐపీఎల్ టీమ్స్ కారణంగా ఉండకూడదు. వరల్డ్ కప్‌లో ముంబై ఇండియన్స్ కానీ, చెన్నై సూపర్ కింగ్స్ ఆడదు.. టీమిండియా ఆడుతుంది. ఒక్కసారి ఐపీఎల్ అయిపోయిన తర్వాత అన్నీ మూసుకుని, టీమిండియాకి సపోర్ట్ చేయాలి...’ అంటూ కామెంట్ చేశాడు టీమిండియా ఆల్‌రౌండర్ రవిచంద్రన్ అశ్విన్..