Bank Holidays బ్యాంకులు ఇక వారానికి ఐదు రోజులే! శనివారం బంద్!!

ఆర్‌బీఐ కొత్త గైడ్‌లైన్స్ ప్రకారం ఏప్రిల్ నుండి బ్యాంకులు ఇకపై వారానికి ఐదురోజులు మాత్రమే పని చేస్తాయి. ప్రతి శని, ఆదివారాలు మూసి ఉంటాయి. ప్రస్తుతం రెండు, నాలుగో శనివారాలు సెలవు దినంగా ఉండేవి. ఇకపై అన్ని శనివారాలూ సెలవు దినంగా ప్రకటించారు. దీంతో కోల్పోయిన పని గంటలను పూరించుకునేందుకు రాత్రిపూట కూడా లావాదేవీలు నిర్వహించాలని ఆర్బీఐ యోచిస్తోంది. 

శనివారం బంద్

ప్రస్తుతం వారంలో 6 రోజులు బ్యాంక్ పనిచేస్తుంది. రెండో శనివారం, నాలుగో శనివారం సెలవులు. ఈ రూల్ మారుతోంది. ఎందుకంటే కేంద్ర ప్రభుత్వం ఇప్పుడు ఉద్యోగుల డిమాండ్‌ను అంగీకరించింది. దీని ఫలితంగా బ్యాంక్ ఉద్యోగుల కల నెరవేరే సమయం వచ్చింది. బ్యాంక్ ఉద్యోగులు పెట్టిన సెలవు డిమాండ్‌ను అంగీకరించింది. అందుకే ఇకపై వారానికి రెండు రోజులు బ్యాంక్ ఉద్యోగులకు సెలవు ఉంటుంది. 

. 

ఏప్రిల్ నెల నుండి వారానికి 5 రోజులు మాత్రమే బ్యాంక్ తెరిచి ఉంటుంది. మిగిలిన రోజుల్లో బ్యాంక్ బంద్ ఉంటుంది. శనివారం ఎటువంటి లావాదేవీలు జరగవు. సోమవారం నుండి శుక్రవారం వరకు మాత్రమే బ్యాంక్ పనిచేస్తుంది. కార్పొరేట్ ఆఫీసుల మాదిరిగా బ్యాంక్ 5 రోజులు పని, 2 రోజులు సెలవు దినాలుగా ఉంటుంది. 

శనివారం, ఆదివారం 2 రోజులు సెలవు కావాలని బ్యాంక్ ఉద్యోగులు చాలాకాలంగా డిమాండ్ చేస్తున్నారు. దీని గురించి నిరసనలు, పోరాటాలు జరిగాయి. ఆర్‌బీఐకి కూడా చాలా విజ్ఞప్తులు చేశారు. చివరికి ఉద్యోగుల డిమాండ్ మేరకు వారానికి 2 రోజులు సెలవు దినంగా ప్రకటించడానికి ప్రభుత్వం ముందుకు వచ్చింది. 

ఏప్రిల్ నెల నుండి కొత్త రూల్స్ అమలులోకి వస్తున్నాయి. కాబట్టి కస్టమర్లు బ్యాంక్ పని కోసం వెళ్లే ముందు వారం ఏది అని గుర్తుంచుకోండి. ఎప్పటిలాగే శనివారం బ్యాంక్ పనులు పూర్తి చేసుకోవాలని ఆలోచన ఉంటే, ఏప్రిల్ నెల నుండి సాధ్యం కాదు.  

శనివారం బ్యాంక్ బంద్ ఉండడం వల్ల రెండు షిఫ్టుల్లో బ్యాంక్ తెరవడానికి కేంద్ర ప్రభుత్వం ఆలోచన చేస్తోంది. అంటే సాయంత్రం కూడా లావాదేవీలు జరిగే అవకాశం ఉంది. దీని గురించి చర్చలు జరుగుతున్నాయి. ఏ విధంగా షిఫ్ట్ ఉంటుందనే దాని గురించి తుది రూపురేఖలు సిద్ధం కానున్నాయి. 

వారం మొత్తం ఆఫీస్ పనిలో చాలా మంది బిజీగా ఉంటారు. అందుకే శనివారం ఒక్క రోజే వారికి లావాదేవీలు చేయడానికి సరిగ్గా ఉండే రోజు. అందుకే కస్టమర్లను దృష్టిలో ఉంచుకుని సాయంత్రం కూడా బ్యాంక్ తెరవడానికి ఆలోచన చేస్తోంది. వారానికి 2 రోజులు సెలవు కావాలంటే మిగిలిన 5 రోజులు బ్యాంక్ ఉద్యోగులు ఎక్కువ పని చేయాల్సి ఉంటుంది. అంతేకాకుండా రెండు షిఫ్టుల్లో పని ఉండవచ్చు.

ఉదయం నుండి సాయంత్రం, మధ్యాహ్నం నుండి రాత్రి ఈ 2 షిఫ్టుల్లో పని చేయడానికి కేంద్ర ప్రభుత్వం ప్రతిపాదన ఇవ్వవచ్చు. అన్నీ సరిగ్గా ఉంటే ఏప్రిల్ నుండి శనివారం, ఆదివారం బ్యాంకులో ఎటువంటి లావాదేవీలు ఉండవు.