iPhone: మనకి తెలిసి అత్యంత ఖరీదైన ఫోన్ ఏదంటే.. ఐఫోన్ అని ఠక్కున చెప్పేస్తాం కదా.. కాని ఐఫోన్ రాక ముందు అంత ఖరీదైన ఫోన్ ఒకటి ఉండేది. దాని ధర అప్పట్లోనే ఎంత ఉండేదో తెలిస్తే మీరు ఆశ్చర్యపోతారు. ఆ ఫోన్ గురించి ఆసక్తికర విషయాలు తెలుసుకుందామా?
కీప్యాడ్ సెల్ ఫోన్స్ వచ్చిన కొత్తలో దాదాపు 2004, 2005 సంవత్సరంలో వాటి ధర చాలా ఎక్కువ ఉండేది. ఆ రోజుల్లో కీప్యాడ్ ఫోన్ ఉన్న వాళ్లు చాలా ధనవంతులని అర్థం. అప్పట్లో వచ్చిన నోకియా 8800 సియెర్రా ఫోన్ చాలా ఎక్కువ ధర ఉండేది. ఇప్పుడు ఐఫోన్ కొనడం చాలా మందికి ఎలా అయితే లక్ష్యమో, అప్పట్లో నోకియా 8800 సియెర్రా ఫోన్ స్టేటస్ అలా ఉండేది.
అప్పట్లో ఈ ఫోన్ స్టేటస్ సింబల్‌గా ఉండేది. నోకియా 8800 సియెర్రా 2005లో లాంచ్ అయ్యింది. అప్పట్లో దీని ధర 900 డాలర్లు. అంటే అప్పట్లో దాదాపు రూ.36,000 గా ఉండేది. ఇప్పుడున్న డాలర్ ధర ప్రకారం సుమారు రూ.77,000 అన్నమాట. అప్పట్లో ఈ ఫోన్ ధనవంతులే కొనుగోలు చేయగలిగేవారు.
నోకియా 8800 సియెర్రా ప్రత్యేకత ఏమిటి?
నోకియా 8800 సియెర్రా డిజైన్ స్టెయిన్‌లెస్ స్టీల్‌తో తయారు చేశారు. ఇది చాలా ప్రీమియం, స్టైలిష్‌గా ఉండేది. ఇందులో వైబ్రేటింగ్ టచ్, అద్భుతమైన స్క్రీన్, కస్టమైజేషన్ సెలెక్షన్ కూడా ఉండేవి. ఆ సమయంలో ఈ ఫోన్ దాని ఫీచర్ల కారణంగా చాలా ప్రత్యేకమైనదిగా నిలిచింది.
ఫోన్ ధర ఎందుకు ఎక్కువ
నోకియా 8800 సియెర్రా ధర అంత ఎక్కువగా ఉండటానికి కారణం అది ఆ కాలంలో అత్యంత అధునాతన సాంకేతిక పరిజ్ఞానం కలిగిన పరికరంగా పేరుపొందింది. దీనితో పాటు దాని డిజైన్, తయారీలో ప్రత్యేక పదార్థాలు ఉపయోగించారు.
ఐఫోన్ ఎప్పుడు, ఎంత ధరకు వచ్చింది
ఆపిల్ 2007లో తన మొదటి ఐఫోన్‌ను లాంచ్ చేసింది. ఈ స్మార్ట్‌ఫోన్ రాకతో ఫోన్ల ప్రపంచమే మారిపోయింది. ఐఫోన్ ధర అప్పట్లో రూ.30,000 నుంచి రూ.40,000 రూపాయల మధ్య ఉండేది. నోకియా 8800 సియెర్రా అప్పట్లో రూ.36,000 ఉండేది. అంటే ఐఫోన్ కంటే ఎక్కువ ధర ఉండేది. అందుకే నోకియా 8800 సియెర్రా అంత స్పెషల్ గా ఉంది.
ఐఫోన్, నోకియా సియెర్రాకు పోటీ ఇచ్చిందా
ఐఫోన్ స్మార్ట్‌ఫోన్‌లలో విప్లవాత్మక మార్పులు తెచ్చింది. దాని అద్భుతమైన సాంకేతికత నోకియా వంటి బ్రాండ్‌లకు గట్టి పోటీనిచ్చింది. ఐఫోన్ కేవలం స్మార్ట్‌ఫోన్‌ల ప్రపంచాన్ని మార్చడమే కాదు. దాని ధర కూడా చాలా తక్కువ, ఆకర్షణీయంగా ఉండటంతో నోకియా ఫోన్ డిమాండ్ తగ్గింది.
ఇది కూడా చదవండి నెలకు రూ.900 కడితే రూ.కోటి వరకు హెల్త్ ఇన్సూరెన్స్.. ఈ సూపర్ పాలసీకి ఎలా అప్లై చేయాలంటే..?
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి