345 కోట్లకు పైగా నిధులతో స్టార్టప్‌లలో నాల్గవ స్థానంలో ఇండియా: స్కేలప్ రిపోర్ట్

 ప్రపంచంలోనే అత్యధిక సంఖ్యలో స్టార్టప్‌లు ఉన్న నాలుగో దేశంగా భారత్ అవతరించింది. పాలసీ కన్సల్టెన్సీ అండ్  పరిశోధనా సంస్థ స్టార్టప్ జీనోమ్ నివేదిక ప్రకారం భారతదేశం VC పెట్టుబడి (వెంచర్ క్యాపిటల్ ఇన్వెస్ట్‌మెంట్)లో $50 మిలియన్లకు పైగా పొందింది. ఈ లిస్ట్ లో మొదటి మూడు స్థానాల్లో అమెరికా, చైనా, బ్రిటన్ ఉన్నాయి.  

నివేదిక ప్రకారం, భారతదేశంలో 429 స్కేల్-అప్ కంపెనీలు ఉన్నాయి. అంటే ఈ 429 కంపెనీల మొత్తం మూలధన పెట్టుబడి దాదాపు 127 బిలియన్ డాలర్లు, ఇంకా వాటి టెక్ వాల్యూ పెట్టుబడి 446 బిలియన్ డాలర్లు. ఈ రెండు పెట్టుబడుల్లో యూకేను భారత్ అధిగమించిందని కంపెనీ పేర్కొంది. 

భారతీయ స్టార్టప్‌లు ప్రపంచాన్ని శాసిస్తున్నాయి. ముఖ్యంగా, వారి కస్టమర్లలో 50 శాతానికి పైగా ఆసియా బయట ఉన్నారు.

యుఎస్‌తో పాటు, అనేక ప్రధాన దేశాలు లోకల్  మార్కెట్‌పై ఎక్కువ దృష్టి సారించాయని నివేదిక పేర్కొంది. ఇలా చేయడం వల్ల వారి వృద్ధి అవకాశాలు మరింత ఎక్కువగా ఉంటాయి. దేశీయ మార్కెట్ పరిమాణం పెద్దదిగా ఉన్నందున, కొన్నిసార్లు ప్రపంచ మార్కెట్ కంటే ఎక్కువ లాభాలను ఆర్జించే అవకాశాలు ఎక్కువగా ఉంటాయి. ఈ  ద్రుష్టితో చూస్తే చాలా దేశాలు ప్రపంచ మార్కెట్‌కు బదులుగా తమ లోకల్  స్టార్టప్‌లపై దృష్టి పెడతాయి.

B2C స్టార్టప్ అండ్  గ్లోబల్ మార్కెట్

బిజినెస్ టు కస్టమర్ (B2C) స్టార్టప్‌లు భారతదేశంలో చాలా విజయవంతమయ్యాయి. ఎలాంటి నిధులు లేకుండానే కోట్లాది డాలర్లు సమకూరాయి. 'లోకల్ లింక్ కోడ్' భావనను పరిచయం చేస్తుంది. భారతదేశంలో, అధిక లోకల్ ఇండెక్స్‌తో ప్రారంభ దశ స్టార్టప్‌లు తక్కువ ఇండెక్స్ ఉన్న స్టార్టప్‌ల కంటే రెండింతలు వేగంగా ఆదాయాన్ని పెంచుతున్నాయని సంస్థ తెలిపింది.

అంతే కాకుండా, ఈ నివేదిక ప్రపంచ పరస్పర చర్యలపై కూడా దృష్టి పెడుతుంది. బలమైన గ్లోబల్ నెట్‌వర్క్‌లను నిర్మించే స్టార్టప్‌లు పరిమిత గ్లోబల్ కనెక్షన్‌లతో స్టార్టప్‌ల కంటే 3.2 రెట్లు ఎక్కువ సామర్థ్యాన్ని కలిగి ఉంటాయి. సిలికాన్ వ్యాలీ, న్యూయార్క్ అండ్ లండన్ వంటి అగ్రశ్రేణి గ్లోబల్ హబ్‌లతో అనుసంధానించబడిన పర్యావరణ వ్యవస్థలు ప్రపంచవ్యాప్తంగా అత్యధికంగా పెరుగుతున్న స్టార్ట్-అప్‌లను కలిగి ఉన్నాయి.

మొత్తం గ్లోబల్ స్కేలప్‌లలో 7,500 (60 శాతం) ఉత్తర అమెరికాలోనే ఉన్నాయని నివేదిక పేర్కొంది. మొత్తం గ్లోబల్ స్కేలప్‌లలో 990 (8 శాతం) యూరోపియన్ యూనియన్ దేశాలలో, 623 స్కేలప్‌లు UKలో ఉన్నాయి, 65 స్కేలప్‌లు  ప్రస్తుతం ఆఫ్రికాలో  ఇంకా 103 స్కేలప్‌లు ప్రస్తుతం ఆస్ట్రేలియాలో లేదా న్యూజిలాండ్ లో ఉన్నాయి.