WhatsApp: వాట్సాప్ లో చాట్ జీపీటీని ఎలా వాడాలి? ఫుల్ డీటైల్స్ ఇవిగో

చాట్ జీపీటీ వాడకం చాలా వేగంగా పెరుగుతోంది. ప్రతి ఒక్కరూ చాట్ జీపీటీ యాప్ లేదా వెబ్ సైట్ లకు వెళ్లి సమాచారం తెలుసుకుంటున్నారు. అయితే ఇకపై అలా వెళ్లక్కర లేదని, వాట్సాప్ లోనే మీకు కావాల్సిన సమాచారం చాట్ జీపీటీ ఇస్తుందని వాట్సాప్ యాజమాన్యం ప్రకటించింది. వాట్సాప్ లో చాట్ జీపీటీ ఎలా ఉపయోగించాలో స్టెప్ బై స్టెప్ వివరంగా ఇప్పుడు తెలుసుకుందాం.   

OpenAI పరిచయం చేసి ChatGPT ఎలాంటి ప్రశ్నలకైనా సమాధానమిస్తోంది. కొత్త ఆలోచనలను క్రియేట్ చేయడం, సింపుల్ గా, మనతో చాలా క్లోజ్ గా మాట్లాడుతూ సమాచారం అందిస్తోంది. మరి WhatsApp ఏమో ఫ్రీగా మెసేజ్ లు, ఫోటోలు, వీడియోలు పంపుకొనే వెసులుబాటు ఇస్తోంది. ఇప్పుడు ఈ రెండు కలిసి వినియోగదారులకు సేవలందినున్నాయి. 

WhatsApp నుండి బయటకు వెళ్లకుండానే ChatGPT సేవలను మీరు యాక్సెస్ చేయవచ్చు. బ్రెయిన్‌ స్టార్మింగ్, కొత్త విషయాలను నేర్చుకోవడం లేదా సరదాగా, ఫ్రెండ్ లా మాట్లాడటం లాంటివి చాట్ జీపీటీతో చేయొచ్చు. ఇప్పుడు స్టెప్ బై స్టెప్ తెలుసుకుందాం. 

స్టెప్ 1: 

WhatsAppతో ChatGPT ఇంటిగ్రేషన్‌ను అందించే అనేక ప్లాట్‌ఫారమ్‌లు ఉన్నాయి. ఇవి అధికారిక OpenAI APIలు లేదా Botpress లేదా Landbot వంటి థర్డ్ పార్టీ సేవలు కావచ్చు. మీకు నమ్మకమైన సేవలు అందించే ప్లాట్ ఫారమ్ ని సెలెక్ట్ చేసుకోండి. 

అన్ని ప్లాట్‌ఫామ్‌లు WhatsApp నంబర్ లేదా బాట్‌ను అందిస్తాయి. చాలా సైట్‌లు కొత్త వినియోగదారులకు ఉచిత ట్రయల్స్ ఇస్తాయి.

స్టెప్ 2:  మీరు సెలెక్ట్ చేసుకున్న సైట్ వెబ్‌సైట్‌కి వెళితే రిజిస్టర్ చేసుకోవడానికి ఒక బటన్ ఉంటుంది. ఇది సాధారణంగా ఇ-మెయిల్, పాస్‌వర్డ్‌ను అడుగుతుంది. కొన్నిసార్లు మిమ్మల్ని గుర్తించడానికి ఫోన్ నంబర్ వంటి ఇతర సమాచారం కూడా అవసరం కావచ్చు.

నమోదు చేసుకున్న తర్వాత మీరు డాష్‌బోర్డ్‌ను యాక్సెస్ చేయవచ్చు. అక్కడి నుండి మీరు WhatsApp ఇంటిగ్రేషన్‌ను సెటప్ చేయడం ప్రారంభించవచ్చు. సైట్ సూచనలను కచ్చితంగా పాటిస్తే సెటప్ కరెక్ట్ గా జరుగుతుంది. లేదంటే ఫెయిల్ అయ్యే ఛాన్స్ ఉంటుంది. 

స్టెప్ 3:

మీరు రిజిస్టర్ చేసుకున్న తర్వాత ChatGPTని WhatsAppకి కనెక్ట్ చేయడానికి ఈ సర్వీస్ మీకు ఒక ప్రత్యేకమైన ఫోన్ నంబర్ లేదా QR కోడ్‌ను అందిస్తుంది. ఈ నంబర్‌ను మీ కాంటాక్ట్‌లలో సేవ్ చేయడం వల్ల భవిష్యత్తులో దీన్ని సులభంగా ఉపయోగించుకోవచ్చు.

స్టెప్ 4:

ChatGPT బాట్‌కు ఒక టెస్టింగ్ ప్రశ్నవేయండి. దీంతో ఇన్‌స్టాలేషన్ సరిగ్గా జరిగిందో లేదో అర్థమవుతుంది. "ఫ్రాన్స్ రాజధాని ఏది?" లేదా మీరు "నాకు ఒక జోక్ చెప్పు" వంటి ప్రారంభ ప్రశ్నను టైప్ చేస్తే, సమాధానం వెంటనే వస్తుంది.

స్టెప్ 5:

వాట్సాప్‌లోని చాట్‌జిపిటికి ప్రశ్నలు ఇచ్చి సమాధానం తెలుసుకోవడానికి అనేక సింపుల్ మార్గాలున్నాయి. 
ఉదాహరణకు "/help" అని టైప్ చేస్తే మీకు అందుబాటులో ఉన్న ఆదేశాల లిస్ట్ ఓపెన్ అవుతుంది. ఇందులో భాషలను అనువదించడానికి "/translate" లేదా సమాచారాన్ని సింప్లిఫై చేయడానికి "/summarize" వంటి కమాండ్స్ కూడా ఉంటాయి. వాట్సాప్ లో వీటిని ఉపయోగించుకుంటే మీకు మరింత పర్ఫెక్ట్ గా చాట్ జీపీటీ సమాధానాలు ఇస్తుంది.  

అయితే మీ ఇంటర్నెట్ కనెక్షన్ స్పీడ్ గా ఉందో లేదో ముందే చెక్ చేసుకోండి. ఎందుకంటే నెట్ స్పీడ్ గా ఉంటేనే మీకు మెరుగైన సేవలు అందుతాయి.